ସାଣ୍ଟିଆଗୋ,10/12 : 38 ଜଣ ପ୍ରତିରକ୍ଷା କର୍ମୀଙ୍କୁ ନେଇ ଯାଉଥିବା ଚିଲିର ଏକ ସାମରିକ ବିମାନ ନିଖୋଜ ହୋଇଯାଇଛି । ଚିଲିର ଦକ୍ଷିଣ ଭାଗରେ ରହିଥିବା ଆର୍ଣ୍ଟାକ୍ଟିକା ବେସ୍ରୁ ଛାଡିଥିବା ଏହି ବିମାନଟି ସୋମବାର ଦିନ ନିଖୋଜ ହୋଇଯାଇଛି । ଏ ସି 130 ହରକ୍ୟୁଲେସ୍ ବିମାନଟି ସୋମବାର ଅପରାହ୍ନ 4ଟାରେ ଆର୍ଣ୍ଟାକ୍ଟିକା ବେସ୍ରୁ ଛାଡିଥିଲା । ବିମାନଟି ପୁଣ୍ଟା ଆରେନାସ୍ରେ ପହଞ୍ଚିବାର ଥିବା ବେଳେ ପହଞ୍ଚିବା ପୂର୍ବରୁ ଅଧାରାସ୍ତାରେ ନିଖୋଜ ହୋଇଯାଇଥିଲା । ବିମାନଟିର ବ୍ଲାକ୍ବକ୍ସ ସହିତ ସମ୍ପର୍କ ସ୍ଥାପନ ହୋଇପାରୁନଥିବା ନେଇ ଚିଲି ବିମାନ ବାହିନୀ ପକ୍ଷରୁ କୁହାଯାଇଛି । (ଏଜେନ୍ସୀ)
