ନୂଆଦିଲ୍ଲୀ: ସରକାରଙ୍କ ସର୍ବଭାରତୀୟ ଉଚ୍ଚଶିକ୍ଷା ସର୍ବେକ୍ଷଣ (ଏଆଇଏସଏଚଇ) ସର୍ଭେ ଅନୁଯାୟୀ, ସମଗ୍ର ଭାରତରେ ଉଚ୍ଚଶିକ୍ଷାନୁଷ୍ଠାନଗୁଡ଼ିକର ସଂଖ୍ୟା ମୋଟ ୪,୩୨,୬୮,୧୮୧ ହେବ ବୋଲି ଆକଳନ କରାଯାଇଛି। ୨୫ ତାରିଖ ସଂଧ୍ୟାରେ ଶିକ୍ଷା ମନ୍ତ୍ରାଳୟଦ୍ୱାରା ପ୍ରକାଶିତ ସରକାରଙ୍କ ସର୍ବଭାରତୀୟ ଉଚ୍ଚଶିକ୍ଷା ସର୍ବେକ୍ଷଣ ୨୦୨୧-୨୨ ଅନୁଯାୟୀ, ଉତ୍ତରପ୍ରଦେଶରେ ଦେଶରେ ସର୍ବାଧିକ କଲେଜ ଥିବା ବେଳେ ମହାରାଷ୍ଟ୍ର ଓ କର୍ଣ୍ଣାଟକ ରହିଛି ଯଥାକ୍ରମେ ଦ୍ୱିତୀୟ ଓ ତୃତୀୟ ସ୍ଥାନରେ ରହିଛନ୍ତି। ସେହିପରି ରାଜସ୍ଥାନ, ତାମିଲନାଡୁ, ମଧ୍ୟପ୍ରଦେଶ, ଆନ୍ଧ୍ରପ୍ରଦେଶ, ଗୁଜରାଟ, ତେଲେଙ୍ଗାନା ଓ ପଶ୍ଚିମବଙ୍ଗ ଭାରତରେ ସର୍ବାଧିକ କଲେଜ ଥିବା ଶ୍ରେଷ୍ଠ ୧୦ଟି ରାଜ୍ୟ ମଧ୍ୟରେ ସ୍ଥାନ ପାଇଛନ୍ତି।
୨୦୧୧ ମସିହାରୁ ହୋଇଥିବା ଏଆଇଏସଏଚଇ ସର୍ଭେରେ ଭାରତରେ ଥିବା ସମସ୍ତ ଉଚ୍ଚ ଶିକ୍ଷାନୁଷ୍ଠାନକୁ ଅନ୍ତର୍ଭୁକ୍ତ କରାଯାଇଛି ଯାହା ଦେଶରେ ଉଚ୍ଚ ଶିକ୍ଷା ପ୍ରଦାନ କରୁଛି। ଏଆଇଏସଏଚଇ ଅଧୀନରେ ୩୨୮ଟି ବିଶ୍ୱବିଦ୍ୟାଳୟ (ଅନୁବନ୍ଧିତ) ଅଧୀନରେ ୪୫,୪୭୩ଟି କଲେଜ ପଞ୍ଜୀକୃତ ହୋଇଛି। ସେଥିମଧ୍ୟରୁ ୨୦୨୧-୨୨ ସର୍ଭେ ବର୍ଷରେ ୪୨,୮୨୫ଟି ପ୍ରତିକ୍ରିୟା ମିଳିଛି।
ରିପୋର୍ଟ ଅନୁଯାୟୀ, ଉତ୍ତରପ୍ରଦେଶରେ ୮,୩୭୫ଟି କଲେଜ ଥିବାବେଳେ ଗତବର୍ଷ ଏହା ୮,୧୧୪ଟି କଲେଜ ଥିଲା। ମହାରାଷ୍ଟ୍ର ୪,୬୯୨ କଲେଜ ସହ ଦ୍ୱିତୀୟ ସ୍ଥାନରେ ରହିଛି। କର୍ଣ୍ଣାଟକ ୪୪୩୦ କଲେଜ ସହ ତୃତୀୟ ସ୍ଥାନରେ ଥିବା ବେଳେ ରାଜସ୍ଥାନ ୩୯୩୪ କଲେଜ ସହ ଚତୁର୍ଥ ସ୍ଥାନରେ ରହିଛି। ତାମିଲନାଡୁରେ ୨୮୨୯ଟି କଲେଜ ସହ ପଞ୍ଚମ ସ୍ଥାନରେ ରହିଛି।
ମଧ୍ୟପ୍ରଦେଶ ୨୭୦୨ କଲେଜ ସହ ଷଷ୍ଠ ସ୍ଥାନରେ ରହିଛି। ଆନ୍ଧ୍ରପ୍ରଦେଶ ୨୬୦୨ ଟି କଲେଜ ସହ ସପ୍ତମ ସ୍ଥାନରେ ଥିବାବେଳେ ଗୁଜରାଟରେ ୨୩୯୫ ଟି କଲେଜ ରହିଛି। ନବମ ଓ ଦଶମ ସ୍ଥାନରେ ତେଲେଙ୍ଗାନା ଓ ପଶ୍ଚିମବଙ୍ଗ ଯଥାକ୍ରମେ ୨୦୮୩ କଲେଜ ଓ ୧୫୧୪ କଲେଜ ରହିଛନ୍ତି।
ସର୍ବେକ୍ଷଣରେ ସାମିଲ ହୋଇଥିବା ମୋଟ ୪୨,୮୨୫ ଟି କଲେଜ ମଧ୍ୟରୁ ୬୦ ପ୍ରତିଶତରୁ ଅଧିକ କଲେଜ ସାଧାରଣ, ୮.୭ ପ୍ରତିଶତ କଲେଜ ଶିକ୍ଷା କିମ୍ବା ଶିକ୍ଷକ ଶିକ୍ଷାରେ ବିଶେଷଜ୍ଞ, ୬.୧ ପ୍ରତିଶତ କଲେଜ ଇଞ୍ଜିନିୟରିଂ ଓ ଟେକ୍ନୋଲୋଜି ଅନୁଷ୍ଠାନ, ୪.୩ ପ୍ରତିଶତ ନର୍ସିଂ କଲେଜ ଏବଂ ୩.୫ ପ୍ରତିଶତ ମେଡିକାଲ କଲେଜ ରହିଛି। ୪୨,୮୨୫ଟି କଲେଜ ମଧ୍ୟରୁ ୧୪,୧୯୭ଟି କଲେଜରେ ପିଜି ପାଠ୍ୟକ୍ରମ ଓ ୧,୦୬୩ଟି କଲେଜରେ ପିଏଚଡ଼ି ନାମଲେଖା ହୋଇଛି।
ବେଙ୍ଗାଲୁରୁ ସହରାଞ୍ଚଳ ଜିଲ୍ଲାରେ ସର୍ବାଧିକ ୧୧୦୬, ଜୟପୁରରେ ୭୦୩, ହାଇଦ୍ରାବାଦରେ ୪୯୧, ପୁଣେରେ ୪୭୫, ପ୍ରୟାଗରାଜରେ ୩୯୮, ରଙ୍ଗାରେଡ୍ଡିରେ ୩୪୯, ଭୋପାଳରେ ୩୪୪, ଗାଜିପୁରରେ ୩, ସିକରରେ ୩୩୦ ଓ ନାଗପୁରରେ ୩୨୬ କଲେଜ ରହିଛି।
ସମଗ୍ର ଭାରତରେ ଉଚ୍ଚଶିକ୍ଷା ନୁଷ୍ଠାନଗୁଡ଼ିକରେ ମୋଟ ନାମଲେଖା ୪,୩୨,୬୮,୧୮୧ ବୋଲି ଆକଳନ କରାଯାଇଛି, ଯେଉଁଥିରୁ ୯୬,୩୮,୩୪୫ ବିଶ୍ୱବିଦ୍ୟାଳୟ ଏବଂ ସେମାନଙ୍କର ସାଂଗଠନିକ ୟୁନିଟରେ ଅଛି। ସେହିପରି ୩,୧୪,୫୯,୦୯୨ କଲେଜରେ ଓ ଏକାକୀ ଅନୁଷ୍ଠାନରେ ୨୧,୭୦,୭୪୪ଟି ରହିଛି।
ଓଡ଼ିଶାରେ କେତେ କଲେଜ ରହିଛି?
ଓଡ଼ିଶାରେ ମୋଟ ୧୨୭୩ଟି କଳେଜ ରହିଛି। ଖୋର୍ଦ୍ଧା ଜିଲ୍ଲାରେ ସର୍ବାଧିକ ୨୪୨ଟି ଥିବାବେଳେ ବାଲେଶ୍ୱରରେ ୯୭ଟି, ଗଞ୍ଜାମରେ ୯୫ଟି ଓ କଟକରେ ୯୩ଟି କଲେଜ ରହିଛି। ବଉଦ ଜିଲ୍ଲାରେ ସର୍ବନିମ୍ନ ୭ଟି କଲେଜ ରହିଛି। ସେହିପରି ରାଜ୍ୟରେ ୩୮ଟି ବିଶ୍ୱବିଦ୍ୟାଳୟ ରହିଛି।
