ଭୁବନେଶ୍ବର : ରାଜ୍ୟରେ ନୂଆ 48 ପଜିଟିଭ୍ ଚିହ୍ନଟ ହୋଇଛନ୍ତି ବୋଲି ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ରହିଛି। ଆଜି ଚିହ୍ନଟ 48 ଜଣ ଆକ୍ରାନ୍ତଙ୍କ ମଧ୍ୟରେ ଗଞ୍ଜାମରୁ 12, ବାଲେଶ୍ବରରୁ 12, ପୁରୀରୁ 10 ଓ ଭଦ୍ରକରୁ 6 ଜଣ ନୟାଗଡରୁ ତିନି, ଯାଜପୁରରୁ ଦୁଇ, କଟକ, ସୁନ୍ଦରଗଡ, ଦେବଗଡରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି। ନୂତନ ଆକ୍ରାନ୍ତଙ୍କୁ ମିଶାଇ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା 672କୁ ଛୁଇଁଛି । ରାଜ୍ୟରେ ଏବେ ସୁଦ୍ଧା ଆକ୍ଟିଭ୍ କେସ୍ 511 ରହିଥିବାବେଳେ ସୁସ୍ଥ ହୋଇଛନ୍ତି 158ଜଣ। ମୃତ୍ୟୁବରଣ କରିଛନ୍ତି ତିନି ଜଣ।
ସେହିପରି ଆଜି ଚିହ୍ନଟ ନୂତନ ଆକ୍ରାନ୍ତଙ୍କୁ ମିଶାଇ ଗଞ୍ଜାମରେ ସର୍ବାଧିକ 264ରେ ପହଞ୍ଚିଥିବାବେଳେ ବାଲେଶ୍ବରରେ 102, ଯାଜପୁରରେ 90, ଭ୍ରଦକରେ 46, ସୁନ୍ଦରଗଡରେ 26, କେନ୍ଦ୍ରାପଡାରେ 22, ପୁରୀରେ 14, ନୟାଗଡ ଓ କଟକରେ ଆକ୍ରାନ୍ତଙ୍କସଂଖ୍ୟା 4କୁ ବୃଦ୍ଧି ହୋଇଥିବାବେଳେ ଦେବଗଡରେ ଆକ୍ରାନ୍ତଙ୍କ ସଂଖ୍ୟା 2କୁ ବୃଦ୍ଧି ହୋଇଛି।