ନାଗପୁର,29/11: ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବିସ୍ଙ୍କୁ କୋର୍ଟଙ୍କ ପକ୍ଷରୁ ନୋଟିସ୍ ପ୍ରଦାନ କରାଯାଇଛି । ନିର୍ବାଚନ ପୂର୍ବରୁ ସତ୍ୟପାଠରେ ଫଡନବିସ୍ ନିଜର ଅପରାଧିକ ମାମଲା ସମ୍ପର୍କରେ ତଥ୍ୟ ଲୁଚାଇଥିଲେ । ମୁଖ୍ୟମନ୍ତ୍ରୀ ଭାବରେ ଉଦ୍ଧବ ଠାକ୍ରେଙ୍କ ଶପଥ ଗ୍ରହଣର ଏକ ଦିନ ପରେ ଫଡନବିସ୍ଙ୍କ ଘରେ ନୋଟିସ୍ ପହଞ୍ଚିଛି । ସଦର ପୋଲିସ୍ ଷ୍ଟେସନ୍ ପକ୍ଷରୁ ଫଡନବିସ୍ଙ୍କୁ ଏହି ନୋଟିସ୍ ମିଳିଛି । ନାଗପୁରର ବିଧାୟକ ରହିଥିବା ଫଡନବିସ୍ଙ୍କ ବିରୋଧରେ 1996 ଏବଂ 1998ରେ ଦୁଇଟି ମାମଲା ଜାରି କରାଯାଇଥିଲା । ମାତ୍ର ଫଡନବିସ୍ ଏହି ତଥ୍ୟକୁ ଲୁଚାଇଥିଲେ । ଜନୈକ ଓକିଲ ସତୀଶ ଉକେଙ୍କ ପକ୍ଷରୁ ଦାୟର କରାଯାଇଥିବା ମାମଲାରେ ଫଡନବିସ୍ଙ୍କୁ ଏହି ନୋଟିସ୍ ମିଳିଛି ।
