ନୂଆଦିଲ୍ଲୀ,21/12 : କ୍ରିକେଟରରୁ ରାଜନେତା ବନିଥିବା ଭାରତୀୟ କ୍ରିକେଟର ଗୌତମ ଗମ୍ଭୀରଙ୍କୁ ହତ୍ୟା ଧମକ ମିଳିଛି । ଦିଲ୍ଲୀର ସାଂସଦ ଗମ୍ଭୀରଙ୍କୁ ଧମକ ମିଳିବା ପରେ ସେ ଦିଲ୍ଲୀ ପୋଲିସକୁ ପତ୍ର ଲେଖିଛନ୍ତି । ଏକ ଅନ୍ତର୍ଜାତୀୟ ନମ୍ବରରୁ ଗମ୍ଭୀରଙ୍କୁ କଲ୍ ଆସିଥିବା ବେଳେ ତାଙ୍କୁ ଏବଂ ପରିବାର ସଦସ୍ୟଙ୍କୁ ହତ୍ୟାର ଧମକ ଦିଆଯାଇଥିଲା । ପରିବାରର ସୁରକ୍ଷା ପାଇଁ ଗମ୍ଭୀର ସୁରକ୍ଷା ବ୍ୟବସ୍ଥା ବଢାଇବା ପାଇଁ ପୂର୍ବ ଦିଲ୍ଲୀର ସାଂସଦ ରହିଥିବା ଗମ୍ଭୀର ସହଦ୍ରାର ଡିସିପିଙ୍କୁ ଏହି ପତ୍ର ଲେଖିଛନ୍ତି । ଏହା ସହିତ ଦିଲ୍ଲମୀ ପୋଲିସକୁ ଏକ ମାମଲା ରୁଜୁ କରି ତଦନ୍ତ କରିବା ପାଇଁ ଗମ୍ଭୀର ପତ୍ର ଜରିଆରେ ଅନୁରୋଧ କରିଛନ୍ତି । (ଏଜେନ୍ସୀ)
