ସମୀକ୍ଷା ବ୍ୟୁରୋ
ଆଜି ଦୂରଦର୍ଶନ 61 ତମ ଜନ୍ମଦିବସ ପାଳନକରୁଛି । 1959 ମସିହା ସେପ୍ଟେମ୍ବର 15 ତାରିଖରେ ଦୂରଦର୍ଶନର ଆରମ୍ଭ ସହିତ ଭାରତରେ ମନୋରଞ୍ଜନ ଓ ସୂଚନା ପ୍ରସାରଣର ଏକ ନୂତନ ଯୁଗର ଆରମ୍ଭ ହୋଇଥିଲା। ସେହି ସମୟରେ ଦୂରଦର୍ଶନକୁ ନେଇ ଲୋକଙ୍କ ଉତ୍ସାହ ଅଧିକ ରହିଥିଲା। ଦୂରଦର୍ଶନର ଲୋକପ୍ରିୟତା ଯେ କମିନାହିଁ ତାହା ପୁଣି ଥରେ ଚଳିତ ଲକ୍ଡାଉନ୍ ସମୟରେ ପ୍ରମାଣିତ ହୋଇଛି। ତେବେ ଦୂରଦର୍ଶନକୁ ନେଇ କିଛି ଅଜଣା କଥା।
ଦିଲ୍ଲୀର ଏକ ପ୍ରାୟୋଜକ ବ୍ରଡକାଷ୍ଟର ରୂପରେ ଦୂରଦର୍ଶନର ଆରମ୍ଭ ହୋଇଥିଲା। ସେହି ସମୟରେ ଏକ ଛୋଟ ଟ୍ରାନ୍ସମିଟର ରହିଥିଲା ଓ ଗୋଟ ମେକାସିପ୍ଟ ଷ୍ଟୁଡିଓ ରହିଥିଲା।
ୟୁନେସ୍କୋ ଦୂରଦର୍ଶନର ପ୍ରସାରଣ ପାଇଁ ଭାରତକୁ 20 ହଜାର ଡଲାର ଓ 180 ଫିଲପ୍ସ ଟିଭିର ସେଟ୍ ଦେଇଥିଲା ।
ପ୍ରାରମ୍ଭିକ ସମୟରେ ଚ୍ୟାନେଲ୍ ପାଖରେ ମୋଟ୍ 180ଟି ଟେଲିଭିଜନ୍ ସେଟ୍ ରହିଥିଲା । 1977 ମସିହାରେ ଏହି ସଂଖ୍ୟା ବଢି 2 ଲକ୍ଷ 25 ହଜାରେ ପହଞ୍ଚି ଥିଲା ।
ପ୍ରାରମ୍ଭ ରେ ଦୂରଦର୍ଶନ, ଅଲ୍ ଇଣ୍ଡିଆ ରେଡିଓର ଅଂଶବିଶେଷ ଥିଲା । ଅପ୍ରେଲ୍ 1, 1976 ମସିହାରେ ଟେଲିଭିଜନ ସର୍ଭିସ୍କୁ ଅଲଗା କରାଯାଇଥିଲା।
ଲୋକପ୍ରିୟ କବି ସୁମିତ୍ରାନନ୍ଦନ ପନ୍ଥ ଦୂରଦର୍ଶନର ନାମକରଣ କରିଥିଲେ। ଦୂରଦର୍ଶନର ଲୋଗୋ ନ୍ୟାସନାଲ୍ ସ୍କୁଲ୍ ଅଫ୍ ଡିଜାଇନର ଛାତ୍ର ଦେବାଶିଷ୍ ଭଟ୍ଟାଚାର୍ଯ୍ୟ ପ୍ରସ୍ତୁତ କରିଥିଲେ।
1965 ମସିହାରେ ଦୂରଦର୍ଶନରେ ପାଞ୍ଚ ମିନିଟ୍ର ସମାଚାର ବୁଲେଟିନ୍ ସହିତ ଟେଲିଭିଜନ୍ ସେଟ୍ରେ ପହଞ୍ଚିଥିଲା । ବର୍ତ୍ତମାନ ଏହା 21ଟି ଚ୍ୟାନେଲ୍କୁ ସଞ୍ଚାଳିତ କରୁଛି।
1967 ମସିହା ଜାନୁଆରୀ 26 ତାରିଖରେ ଦୂରଦର୍ଶନରେ କୃଷି ଦର୍ଶନ କାର୍ଯ୍ୟକ୍ରମ ପ୍ରସାରିତ କରାଯାଇଥିଲା, ଯାହା ପରେ ଭାରତୀୟ ଟେଲିଭିଜନର ସବୁଠୁ ଦୀର୍ଘ ସମୟ ଧରି ଚାଲିଥିବା କାର୍ଯ୍ୟକ୍ରମ ରୂପେ ପରିଚିତ ପାଇଲା।
ଏପ୍ରିଲ୍ 25 ତାରିଖ 1982 ମସିହାରେ ଭାରତରେ ପ୍ରଥମ ରଙ୍ଗୀନ ଟେଲିକାଷ୍ଟ କରାଯାଇଥିଲା। ସେବେ ହିଁ ଡିଡି ନ୍ୟାସନାଲ୍ ଚ୍ୟାନେଲ୍ର ଆରମ୍ଭ କରାଯାଇଥିଲା।
ଦୂରଦର୍ଶନର ଧାରାବାହିକର ଲୋକପ୍ରିୟତା ଏତେ ଅଧିକ ଥିଲା, ଲକ୍ଡାଉନ୍ ସମୟରେ ପୁନର୍ବାର ଉକ୍ତ ଧାରାବାହିକର ଟେଲିକାଷ୍ଟକୁ ଲୋକେ ବହୁତ ପସନ୍ଦ କରିଥିଲେ। ଏପରିକି ଦୂରଦର୍ଶନରେ ପ୍ରସାରିତ ହୋଇଥିବା ରାମାୟଣ ଲକ୍ଡାଉନ୍ ସମୟରେ ରେକର୍ଡ କରିଛି।
