ଭୁବନେଶ୍ଵର: ୨୦୨୪ ଲୋକସଭା ନିର୍ବାଚନର ଶେଷ ପର୍ଯ୍ୟାୟ ପାଇଁ ଭୋଟ୍ ସମାପ୍ତ ହେବା ମାତ୍ରେ ଏକଜିଟ୍ ପୋଲ୍ ତଥ୍ୟ ଟିଭିରେ ଝଲସି ଉଠିବା ଆରମ୍ଭ କରିଛି। ଏହାର ପ୍ରକୃତ ଫଳାଫଳ ଜୁନ୍ ୪ ତାରିଖରେ ଆସିବ, କିନ୍ତୁ ଏହାପୂର୍ବରୁ କେଉଁ ଦଳ କେନ୍ଦ୍ରରେ କ୍ଷମତା ଗ୍ରହଣ କରିବେ ସେନେଇ ଅନୁମାନ କରାଯାଉଛି। ଏବିପି ନ୍ୟୁଜ୍ ପକ୍ଷରୁ ସି-ଭୋଟର ଏକଜିଟ୍ ପୋଲ୍ ପାଇଁ ସର୍ଭେ କରିଥିଲା ଏବଂ ଏଥିରେ ଅନେକ ରାଜ୍ୟର ଆକଳନ ଆଶ୍ଚର୍ଯ୍ୟ କରିଥିଲା।
ଏହି କ୍ରମରେ ଓଡିଶାର ଲୋକସଭା ଆସନ ବିଷୟରେ ଏବିପି ନ୍ୟୁଜ୍ ସି-ଭୋଟର ଦ୍ୱାରା କରାଯାଇଥିବା ମୂଲ୍ୟାଙ୍କନ ମଧ୍ୟ ଆଶ୍ଚର୍ଯ୍ୟଜନକ। କାରଣ ୨୦୧୯ ତୁଳନାରେ ଚଳିତ ବର୍ଷ ଲୋକସଭା ନିର୍ବାଚନ ପରେ ଆସନଗୁଡିକର ସ୍ଥିତି ସମ୍ପୂର୍ଣ୍ଣ ଓଲଟପାଲଟ ହୋଇଥିବାର ଦେଖାଯାଉଛି। ୨୦୧୯ ରେ ନବୀନ ପଟ୍ଟନାୟକଙ୍କ ଦଳ ବିଜେଡି ସବୁଠୁ ବଡ ଦଳ ଥିଲା, ଏଥର କିନ୍ତୁ ଦଳକୁ କମ ଆସନ ମିଳୁଥିବା ଆକଳନ କରାଯାଇଛି।
୨୦୧୯ ରୁ ୨୦୨୪ ମଧ୍ୟରେ ପାର୍ଥକ୍ୟ କ’ଣ?:
ଗତ ଲୋକସଭା ନିର୍ବାଚନର ଫଳାଫଳରେ ବିଜେଡି ୧୨ ଟି, କଂଗ୍ରେସ ୧ ଏବଂ ବିଜେପି ୮ ଟି ଆସନ ଜିତିଥିଲା। ଏଥି ସହିତ୨୦୨୪ ନିର୍ବାଚନ ଏକଜିଟ୍ ପୋଲରେ ବିଜେଡିକୁ ୧ ରୁ ୩ ଟି ସିଟ୍ ମିଳୁଥିବା ଦେଖିବାକୁ ମିଳିଛି। ୟୁପିଏକୁ ୦ ରୁ ୨ ସିଟ୍ ଏବଂ ବିଜେପି ୧୭ ରୁ ୧୯ ସିଟ୍ ପାଉଥିବାର ଆକଳନ କରାଯାଉଛି।
ଯଦି ଆମେ ଏହାକୁ ୨୦୧୯ ଲୋକସଭା ନିର୍ବାଚନ ଫଳାଫଳର ତଥ୍ୟ ସହିତ ତୁଳନା କରୁ, ତେବେ ଏଥର ପରିସ୍ଥିତି ଓଲଟା ଦେଖାଯାଉଛି। ବିଜେଡି ୯ ରୁ ୭ ଟି ସିଟ୍ ହରାଉଥିବା ଜଣାପଡିଛି ଏବଂ ସମାନ ସିଟ୍ ବିଜେପିଖାତାକୁ ଯାଉଛି। ଗତ ନିର୍ବାଚନରେ ବିଜେପି ୮ ଟି ଆସନ ଜିତିଥିଲା, ଯାହା ଏଥର ୧୭ ରୁ ୧୯ ଟି ଆସନକୁ ଲମ୍ଫ ଦେଉଥିବା କୁହାଯାଉଛି।
