ନୂଆଦିଲ୍ଲୀ : ଅଟୋ ଏକ୍ସପୋ 2020ରେ ପ୍ରଦର୍ଶିତ ହୋଇଛି ପ୍ରଥମ ଇଲେକ୍ଟ୍ରିକ୍ ବାଇକ୍ । ସୁଜୁକି ଏବଂ ପ୍ୟାଜିଓ ପରେ ତୃତୀୟ କମ୍ପାନୀ ଭାବରେ ଇଲେକ୍ଟ୍ରିକ୍ ବାଇକ୍ ଲଞ୍ଚ କରିଛି ଇଭୋଲ୍ଟ । ଇଭୋଲ୍ଟ ହକ୍ ନାମରେ ନାମିତ ଏହି ବାଇକ୍ଟିର ସର୍ବାଧିକ ବେଗ 120 କିମି ରହିଛି । ଆସନ୍ତା ଜୁନ୍ ମାସ ଶେଷ ସୁଦ୍ଧା ଏହି ବାଇକ୍ ଭାରତୀୟ ବଜାରରେ ପ୍ରବେଶ କରିବ । ଗୋଟିଏ ଥର ଚାର୍ଜ ହେଲେ ଏହି ବାଇକ୍ଟି 150 କିମି ଯାତ୍ରା କରିବ । ଏହି ବାଇକ୍ଟିରେ 3 କିଲୋ ଓ୍ବାଟର ଚାର୍ଜର ରହିଥିବା ବେଳେ 5 ଘଣ୍ଟାରେ ବ୍ୟାଟେରୀଟି ଏହା ଫୁଲ ଚାର୍ଜ ହୋଇଥାଏ । ବାଇକ୍ଟି ବ୍ଲ୍ୟୁ ଏବଂ ସିଲ୍ଭର ରଙ୍ଗରେ ଉପଲବ୍ଧ ହେବ । (ଏଜେନ୍ସି)
