ନୂଆଦିଲ୍ଲୀ : ନୁଡୁଲ୍ ସୁପ୍ ମଧ୍ୟ କାହାର ମୃତ୍ୟୁର କାରଣ ହୋଇପାରେ ଏହା ଆଶ୍ଚର୍ଯ୍ୟ ଲାଗିଲେ ବି ସତ । ଚୀନ୍ର ଏହିପରି ଏକ ଘଟଣା ସାମ୍ନାକୁ ଆସିଛି । ଏହି ଘଟଣା ଆସିବା ପରେ ସ୍ବାସ୍ଥ୍ୟ ଅଧିକାରୀଙ୍କ ଚିନ୍ତା ମଧ୍ୟ ବଢିଛି । ମିଳିଥିବା ସୂଚନା ଅନୁସାରେ ପୂର୍ବୋତ୍ତର ଚୀନ୍ର ହିଲୋଜିଆଙ୍ଗୋ ପ୍ରାନ୍ତରେ ଘରେ ପ୍ରସ୍ତୁତ ହୋଇଥିବା ନୁଡୁଲ୍ସ ସୁପ୍ ପିଇ ଗୋଟିଏ ପରିବାରର 9ଜଣ ସଦସ୍ୟଙ୍କର ମୃତ୍ୟୁ ହୋଇଛି। ସମସ୍ତ ନଅଜଣଯାକ ନୁଡୁଲ୍ସ ସୁପ୍ ପିଇଥିଲେ । ସମସ୍ତ ସଦସ୍ୟ ଯେଉଁ ସୁପ୍ ପିଇଥିଲେ ତାହା କର୍ଣ୍ଣଫ୍ଲୋରରେ ପ୍ରସ୍ତୁତ କରାଯାଇଥିଲା । ଏବଂ ଏହା ଏକ ବର୍ଷ ଧରି ଫ୍ରିଜ୍ରେ ରହିଥିଲା । ସେମାନେ ସମେସ୍ତ ଅକ୍ଟୋବର 5 ତାରିଖ ସକାଳ ଜଳଖିଆରେ ଏହି ନୁଡୁଲ୍ସ ସୁପ୍ ଖାଇଥିଲେ । ଏହାକୁ ଖାଇବାକୁ କିଛି ଘଣ୍ଟା ପରେ ସମସ୍ତଙ୍କ ସ୍ବାସ୍ଥ୍ୟବସ୍ଥା ବିଗିଡିଥିଲା । ସମସ୍ତଙ୍କୁ ହସ୍ପିଟାଲ ନିଆଯାଇଥିଲା । କିଛି ଦିନ ମଧ୍ୟରେ ନଅଜଣଙ୍କର ମୃତ୍ୟୁ ହୋଇଥିଲା । ସୁପ୍ ପିଇବାର ପାଞ୍ଚ ଦିନ ମଧ୍ୟରେ ସାତ ଜଣଙ୍କର ମୃତ୍ୟୁ ହୋଇଥିଲା । ସେହିପରି ଅଷ୍ଟମ ସଦସ୍ୟଙ୍କ ମୃତ୍ୟୁର ଦୁଇ ଦିନ ପରେ ଅର୍ଥାତ୍ ଗତ ଅକ୍ଟୋବର 19 ତାରିଖରେ ନବମ ବ୍ୟକ୍ତିଙ୍କ ମୃତ୍ୟୁ ହୋଇଥିଲା । ତେବେ ମୃତ୍ୟୁର କାରଣ ସୁପ୍ରେ ରହିଥିବା ବୋଙ୍ଗକ୍ରେକିକ୍ ଏସିଡ୍ର କାରଣ ବୋଲି ଜଣାପଡିଛି । ଉକ୍ତ ସୁପ୍ରେ ଅଧିକ ମାତ୍ରାରେ ବ୍ରୋଙ୍ଗକ୍ରୋକିକ୍ ଏସିଡ୍ ରହିଥିଲା । ଉକ୍ତ ପରିବାରର ସମସ୍ତ 12 ଜଣ ସଦସ୍ୟ ରହିଥିବାବେଳେ ସେହି ସୁପ୍କୁ ତିନିଜଣ ପିଇ ନଥିଲେ । ଯାହା ଫଳରେ ସେମାନେ ସୁରକ୍ଷିତ ରହିଛନ୍ତି ।
ବୋଙ୍ଗକ୍ରୋକିକ୍ ଏସିଡ୍ ଫୁଡ୍ ପଏଜନିଂର କାରଣ ହୋଇଥାଏ । ଏହାମଇଦା କିମ୍ବା ଚାଉଳରୁ ତିଆରି ଖାଦ୍ୟରୁ ମିଳିଥାଏ । ଅପରପକ୍ଷରେ ବୋଙ୍ଗକ୍ରେକିକ୍ ଏସିଡ୍ ଯେଉଁ ଖାଦ୍ୟରେ ଆସିଥାଏ, ତାହାକୁ ଗରମ କରିବା ଦ୍ବାରା ଏହାର ପ୍ରଭାବ ନଷ୍ଟ ହୋଇନଥାଏ । ଏହି କାରଣରୁ ଉକ୍ତ ସୁପ୍ଟିକୁ ମଧ୍ୟ ବୋଙ୍ଗକ୍ରେକିକ୍ ଏସିଡ୍ ବିଷାକ୍ତ କରିଦେଇଥିଲା । ଏହି ଘଟଣା ପରେ ଚୀନ୍ର ହେଲଥ କମିଶନ ଜାତୀୟସ୍ତରରେ ଚେତାବନୀ ଜାରି କରି ଲୋକଙ୍କୁ ବାସି ଅଟାରେ ତିଆରି ଖାଦ୍ୟ ଖାଇବାରୁ ବିରତ ରହିବାକୁ ପରାମର୍ଶ ଦେଇଛନ୍ତି। (ଏଜେନ୍ସି)