The Samikhsya Odia
ନୂଆଦିଲ୍ଲୀ : ରାଜ୍ୟସଭାକୁ ମନୋନୀତ ହୋଇଛନ୍ତି ପୂର୍ବତନ ସୁପ୍ରିମକୋର୍ଟ ମୁଖ୍ୟ ବିଚାରପତି ରଞ୍ଜନ ଗୋଗୋଇ । ମନୋନୀତ ସଦସ୍ୟ ଭାବରେ ଦେଶର 46 ତମ ମୁଖ୍ୟ ବିଚାରପତି ରଞ୍ଜନ ଗୋଗୋଇଙ୍କ ମନୋନୟନ ନେଇ ସୋମବାର ଦିନ ସରକାରଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ରାଷ୍ଟ୍ରପତିଙ୍କ ପକ୍ଷରୁ ରଞ୍ଜନ ଗୋଗୋଇଙ୍କୁ ସୋମବାର ଦିନ ମନୋନୀତ କରାଯାଇଛି । ଉଲ୍ଲେଖଯୋଗ୍ୟ ଯେ, ଦେଶର 46 ତମ ମୁଖ୍ୟ ବିଚାରପତି ଗୋଗୋଇ 3 ଅକ୍ଟୋବର 2018ରେ ଦାୟିତ୍ବ ଗ୍ରହଣ କରିଥିବା ବେଳେ 17 ନଭେମ୍ବର 2019ରେ ନିଜ ପଦରୁ ଅବସର ଗ୍ରହଣ କରିଥିଲେ । (ଏଜେନ୍ସି)
ନିଜ ନାମରେ ରହିଥିବା ଯୌନ ନିର୍ଯାତନା ମାମଲାକୁ ଖଣ୍ଡନ କରିଛନ୍ତି ସୁପ୍ରିମ୍କୋର୍ଟର ମୁଖ୍ୟ ବିଚାରପତି ରଞ୍ଜନ ଗୋଗୋଇ। ଅକ୍ଟୋବର ୨୦୧୬ରୁ ୨୦୧୮ ପର୍ଯ୍ୟନ୍ତ ଗୋଗୋଇଙ୍କ କୋର୍ଟରେ ସହକାରୀ ଭାବରେ କାର୍ଯ୍ୟ କରିଥିବା ଜନୈକ ମହିଳା ଅକ୍ଟୋବର ୨୦୧୮ରେ ତାଙ୍କ ନାମରେ ଅଭିଯୋଗ ବାଢିଥିଲେ। ନିଜର ସତ୍ୟପାଠ ସେ ସମସ୍ତ ସୁପ୍ରିମ୍କୋର୍ଟ ବିଚାରପତିଙ୍କୁ ପଠାଇବା ସହିତ ଗଣମାଧ୍ୟମ ଅଧିକାରୀଙ୍କୁ ମଧ୍ୟ ପଠାଇଛନ୍ତି। ମାମଲାର ଶୁଣାଣି ପାଇଁ ସୁ୍ପ୍ରିମ୍କୋର୍ଟ ସାଧାରଣ ସମ୍ପାଦକ ସଞ୍ଜୀବ ସୁଧାକର କାଲଗାଓଁକର ଏହି ମାମଲାକୁ କପୋଳ କଳ୍ପିତ ବୋଲି ଅଭିହିତ କରିବା ସହ ଖୁବ୍ ଶୀଘ୍ର ମାମଲାର ଶୁଣାଣି କରାଯିବ ବୋଲି କହିଥିଲେ। ମହିଳା ଜଣଙ୍କ ନିଜ ସତ୍ୟପାଠ ଏକାଧିକ ବିଚାରପତିଙ୍କ ନିକଟକୁ ପଠାଇଥିବା ନେଇ ସୂଚନା ଦେଇଛନ୍ତି କାଲଗାଓଁକର। ମହିଳାଙ୍କ ଅଭିଯୋଗ ଅନୁଯାୟୀ, ବିଗତ ପାଞ୍ଚ ମାସ ମଧ୍ୟରେ ମୋତେ ଏବଂ ମୋ ପରିବାରକୁ ଜାଣିଶୁଣି ହଇରାଣ କରାଯାଉଛି। ଅକ୍ଟୋବର ୨୦୧୬ରୁ ୨୦୧୮ ପର୍ଯ୍ୟନ୍ତ ଗୋଗୋଇଙ୍କ କୋର୍ଟରେ ସହକାରୀ ଭାବରେ କାର୍ଯ୍ୟ କରିଥିବା ଏହି ମହିଳା ଜଣଙ୍କ ଅକ୍ଟୋବର ୨୦୧୮ରେ ଅଭିଯୋଗ ବାଢିଥିଲେ। ବିଗତ ୫ ମାସ ମଧ୍ୟରେ ତାଙ୍କ ସ୍ବାମୀ ଏବଂ ଅନ୍ୟ ଜଣେ ସମ୍ପର୍କୀୟ ଯେ କି ଦିଲ୍ଲୀ ପୋଲିସ୍ରେ କାର୍ଯ୍ୟରତ ଥିଲେ ତାଙ୍କୁ ଚାକିରିରୁ ବାହାର କରି ଦିଆଯାଇଛି। ମହିଳା ଜଣଙ୍କ ଲାଞ୍ଚ ନେବା ମାମଲାରେ ଜେଲ୍ରେ ଥିବା ବେଳେ ଏବେ ଜାମିନରେ ଅଛନ୍ତି। ଏହି ମାମଲାକୁ ଆଜି ଏକାଧିକ ବିଚାରପତି ଶୁଣାଣି କରିଥିଲେ। ତାଙ୍କୁ ଏହି ମାମଲାରେ ବଳିବୋଦା ବନା ଯାଉଛି ବୋଲି କହିଥିଲେ ମୁଖ୍ୟ ବିଚାରପତି।