ଭୁବନେଶ୍ବର, କରୋନା ଆକ୍ରାନ୍ତଙ୍କ ଚିକିତ୍ସା ପାଇଁ ପ୍ଲାଜମା ଦାନ କରିବାକୁ ରାଜ୍ୟପାଳ ନିବେଦନ କରିଛନ୍ତି। କରୋନାରୁ ସୁସ୍ଥ ବ୍ୟକ୍ତିଙ୍କ ପ୍ଲାଜମା ନେଇ ଆକ୍ରାନ୍ତ ବ୍ୟକ୍ତିଙ୍କ ଚିକିତ୍ସା କଲେ ଏଥିରୁ ସୁଫଳ ମିଳୁଛି। ଏଥିପାଇଁ ମାନବିକତା ଦୃଷ୍ଟିରୁ ପ୍ଲାଜମା ଦାନ ପାଇଁ ରାଜ୍ୟପାଳ ଗଣେଷୀ ଲାଲ ପରାମର୍ଶ ଦେଇଛନ୍ତି। ପ୍ଲାଜମା ଦାନ କରି ଅନ୍ୟକୁ ବଞ୍ଚାଇବା ଏକ ସ୍ବର୍ଗୀୟ କାର୍ଯ୍ୟ ବୋଲି ସେ କହିଛନ୍ତି। କରୋନାରୁ ସୁସ୍ଥ ହେଉଥିବା ଲୋକଙ୍କୁ ପ୍ଲାଜମା ଦାନ କରିବା ପାଇଁ ପ୍ରବର୍ତ୍ତାଇବା ସକାଶେ ଗତକାଲି ମୁଖ୍ୟମନ୍ତ୍ରୀ ରାଜ୍ୟର ମନ୍ତ୍ରୀମାନଙ୍କୁ ଦାୟିତ୍ବ ଦେଇଛନ୍ତି।
