The Samikhsya Odia
MEXICO CITY, Dec. 2, 2019 (Xinhua) — Mexican President Andres Manuel Lopez Obrador (R) greets his supporters accompanied by his wife Beatriz Gutierrez Muller during a ceremony marking his first full year in office in Mexico City, capital of Mexico, on Dec. 1, 2019. Decreasing Mexico’s high rates of violent crime is the government’s main challenge, President Andres Manuel Lopez Obrador said on Sunday. Xinhua/UNI PHOTO-1F
ମହାବିଷୁବ ସଂକ୍ରାନ୍ତି ଏବଂ ଓଡ଼ିଆ ନବବର୍ଷ ଏବଂ ମହାବୀର ଜୟନ୍ତୀ ଉପଲକ୍ଷେ ରବିବାର ଦିନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସୋସିଆଲ ମିଡିଆ ସାଇଟ୍ ଜରିଆରେ ଜନତାଙ୍କୁ ଅଭିନନ୍ଦନ ଜଣାଇଛନ୍ତି ନବୀନ। ନବୀନ ଟୁଇଟ୍ କରି କହିଛନ୍ତି, ପବିତ୍ର ବିଷୁବ ସଂକ୍ରାନ୍ତି ତଥା ଓଡ଼ିଆ ନବବର୍ଷରେ ସମସ୍ତଙ୍କୁ ମୋର ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ । ମହାପ୍ରଭୁ ଶ୍ରୀଜଗନ୍ନାଥଙ୍କ କୃପା ଓ ଆଶୀର୍ବାଦରୁ ନବବର୍ଷଟି ସମସ୍ତଙ୍କ ପାଇଁ ସୁଖ ଓ ସମୃଦ୍ଧିର ବର୍ଷ ହେଉ।
ଏପ୍ରିଲ୍ ୬ ତାରିଖ ଶନିବାର ଦିନ ଭାରତୀୟ ଜନତା ପାର୍ଟି ତା’ର ୩୯ତମ ପ୍ରତିଷ୍ଠା ଦିବସ ପାଳନ କରୁଥିବା ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଅଧ୍ୟକ୍ଷ ଅମିତ ଶାହା କାର୍ଯ୍ୟକର୍ତ୍ତାଙ୍କୁ ଶୁଭେଚ୍ଛା ଜଣାଇଛନ୍ତି। ୧୯୮୦ ମସିହାରେ ବିଜେପି ଆନୁଷ୍ଠାନିକ ଭାବେ ସ୍ଥାପିତ ହୋଇଥିଲା। ୧୯୫୧ ଶ୍ୟାମା ପ୍ରସାଦ ମୁଖାର୍ଜୀଙ୍କ ଦ୍ୱାରା ଗଠିତ ଭାରତୀୟ ଜନ ସଂଘରୁ ବିଜେପିର ସୃଷ୍ଟି ହୋଇଥିଲା। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ତ୍ର ମୋଦି କହିଛନ୍ତି, ବର୍ତ୍ତମାନ ଜନସାଧାରଣଙ୍କ ପସନ୍ଦର ଦଳ ଭାବେ ବିଜେପି ରହିଛି ତେଣୁ ଦଳର ପ୍ରତ୍ୟେକ କାର୍ଯ୍ୟକର୍ତ୍ତା ଦଳର ଏହି ସ୍ଥାନ ବଜାୟ ରଖିବା ପାଇଁ ଦିନରାତି ପରିଶ୍ରମ କରିବା ଆବଶ୍ୟକ। ଏକାଧିକ ଟ୍ବିଟ୍ ଜରିଆରେ ମୋଦି ଏହି ମତାମତ ରଖିଥିଲେ। ସମାଜସେବା ଓ ଦେଶକୁ ନୂତନ ଶିଖରକୁ ନେବା ଲାଗି ଦୃଢ଼ ପ୍ରତିବଦ୍ଧତା ନେଇ ୩୯ ବର୍ଷ ତଳେ ଆଜିର ଦିନରେ ଭାରତ ପାଇଁ ବିଜେପି ଜନ୍ମିଥିଲା। ଏହି ସମୟରେ ଅଧିକ କଠୋର ପରିଶ୍ରମ କରିବାକୁ ସେ ଦଳୀୟ କର୍ମୀମାନଙ୍କୁ ପରବର୍ତ୍ତୀ ଟ୍ବିଟ୍ରେ କହିଛନ୍ତି। ସେହିପରି ବିଜେପି ଅଧ୍ୟକ୍ଷ ଅମିତ ଶାହା ଶ୍ୟାମା ପ୍ରସାଦ ମୁଖାର୍ଜୀ, ଅଟଳ ବିହାରୀ ବାଜପେୟୀ, ଲାଲକୃଷ୍ଣ ଅଡ଼ଓ୍ଵାନୀ ଏବଂ ପ୍ରଧାନମନ୍ତ୍ରୀ ମୋଦିଙ୍କ ଭଳି ନେତାଙ୍କ ଫଟୋ ପୋଷ୍ଟ୍ କରି ସେ ଟୁଇଟ୍ କରି କହିଛନ୍ତି ତ୍ୟାଗ ସହିଥିବା ଏହି ନେତାଙ୍କ ପ୍ରତି ଦଳ କୃତଜ୍ଞ।
ପ୍ରଧାନମନ୍ତ୍ରୀ ଦେଶକୁ ସମ୍ବୋଧିତ କରି ଭାରତର ମହକାଶରେ ମିଶନ ଶକ୍ତିର ଅପାର ସଫଳତା ବିଷୟରେ ବାର୍ତ୍ତା ଦେବା ପରେ ଏହାକୁ ନେଇ ଏବେ ରାଜନୀତି ସୃଷ୍ଟି ହୋଇଛି। କଂଗ୍ରେସ ଅଧ୍ୟକ୍ଷ ରାହୁଲ୍ ଗାନ୍ଧି ଏହାକୁ ନେଇ ଟୁଇଟ୍ କରିଛନ୍ତି। ଭାରତର ଏହି ସଫଳତାରେ ଡିଆରଡିଓକୁ ସାବାସୀ ପ୍ରଦାନ କରିଥିବାବେଳେ ନରେନ୍ଦ୍ର ମୋଦିଙ୍କୁ ‘ବିଶ୍ବ ଥିଏଟର ଦିବସ’ର ଶୁଭେଚ୍ଛା ବାର୍ତ୍ତା ଦେଇଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ୍। ମୋଦି ଆଜି ଦେଶବାସୀଙ୍କୁ ସନ୍ଦେଶ ଦେବାର ଟୁଇଟ୍ କରିବା ପରେ ଏହାକୁ ନେଇ ଅନେକ କିଛି ଅନୁମାନ କରାଯାଉଥିଲା। ଯେତେବେଳେ ପ୍ରଧାନମନ୍ତ୍ରୀ ଏପରି କିଛି ସନ୍ଦେଶ ଦେବାର ବାର୍ତ୍ତା ଦେଇଥା’ନ୍ତି, ସେତେବେଳେ କିଛି ବଡ଼ ଧରଣର ସୂଚନା ମିଳିଥାଏ। ତେବେ ନିର୍ବାଚନ ଆଉ କିଛି ଦିନ ରହିଥିବାରୁ ଏହି ସମୟରେ ପ୍ରଧାନମନ୍ତ୍ରୀଙ୍କ ଏହି ସନ୍ଦେଶରେ କିଛି ରାଜନୈତିକ ଘୋଷଣା ଥାଇପାରେ ବୋଲି ଅନୁମାନ ଲଗାଯାଉଥିଲା। କଂଗ୍ରେସ ସମେତ ଅନ୍ୟାନ୍ୟ ବିରୋଧୀ ଦଳ ମଧ୍ୟ ପ୍ରଧାନମନ୍ତ୍ରୀଙ୍କ ବାର୍ତ୍ତାକୁ ନେଇ ପ୍ରଶ୍ନ ଉଠାଇଛନ୍ତି। ଆପ୍ ପାର୍ଟିର ନେତା ସଂଜୟ ସିଂହ କହିଛନ୍ତି ଯେ, ଏପରି ସୂଚନା ବା ଘୋଷଣା ଇସ୍ରୋ, ଡିଆରଡିଓ ତରଫରୁ ହେବା କଥା, କିନ୍ତୁ ନିର୍ବାଚନ ସମୟରେ ପ୍ରଧାନମନ୍ତ୍ରୀ ମୋଦି ନିଜେ ଏହାର ଘୋଷଣା କରାଇଛନ୍ତି। ସେହିପରି ସପାର ଅଧ୍ୟକ୍ଷ ଅଖିଳେଶ ମଧ୍ୟ ଡିଆରଡିଓକୁ ବଧେଇ ଜଣାଇବା ସହିତ ପ୍ରଧାନମନ୍ତ୍ରୀ ମୋଦିଙ୍କୁ ସମାଲୋଚନା କରିଛନ୍ତି।