ମୁମ୍ବାଇ : ମହାରାଷ୍ଟ୍ରରେ କରୋନା ସ୍ଥିତି ଅଣାୟତ୍ତ ହୋଇପଡିଛି । ଏଠାରେ ସର୍ବାଧିକ କରୋନା ଆକ୍ରାନ୍ତ ରହିଛନ୍ତି। ମହାରାଷ୍ଟ୍ରର ୟବତମାଲରେ ପ୍ରତ୍ୟେକ ଦିନ ଏଠାରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ହେବାରେ ଲାଗିଛି। ମିଳିଥିବା ସୂଚନା ଅନୁସାରେ ଏଠାରେ ପାଓ୍ବାରାପୁରା ଅଞ୍ଚଳରେ ହ୍ୟାଣ୍ଡପମ୍ପ୍ ଓ ଜଣେ ରୋଷଇ କରୁଥିବା ମହିଳାଙ୍କ କାରଣରୁ ସେଠାରେ ସଂକ୍ରମଣ ବ୍ୟାପକ ଭାବରେ ବଢିଛି । ଏହି ଅଞ୍ଚଳରେ ପ୍ରାୟ 60 ଲୋକ ହ୍ୟାଣ୍ଡପମ୍ପ୍ ଓ ମହିଳା ରୋଷୟାଙ୍କଠାରୁ ସଂକ୍ରମିତ ହୋଇଛନ୍ତି ।ୟବତମାଲ୍ ଜିଲ୍ଲାରେ ମୋଟ୍ 84 ଜଣ ସଂକ୍ରମିତ ରହିଛନ୍ତି। ଏହି ଅଞ୍ଚଳରେ କରୋନା ସଂକ୍ରମିତଙ୍କ ସମେତ 305 ଜଣ ସନ୍ଦିଗ୍ଧଙ୍କୁ ଆଇସୋଲେସନ୍ ବୋର୍ଡରେ ରଖାଯାଇଛି। ଏଥିରେ ଅଧିକାଂଶ ପାଓ୍ବାରପୁରା ଓ ଇନ୍ଦିରା ନଗରର ଅଞ୍ଚଳର ବୋଲି ଜଣାପଡିଛି । ଏହି ଅଞ୍ଚଳଟି କରୋନା ହଟସ୍ପଟ୍ ଅଞ୍ଚଳ ରୂପେ ଚିହ୍ନଟ ହୋଇଛି । ଏହି ଅଞ୍ଚଳରୁ 60 କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ପ୍ରଶାସନ ଏହି ସମଗ୍ର ଅଞ୍ଚଳକୁ ସିଲ୍ କରିବା ସହିତ ପ୍ରତ୍ୟେକ ଘର ଉପରେ ନଜର ରଖିଛି ।
ୟବତ୍ମାଲରେ ଦୁବାଇରୁ ଫେରିଥିବା 9ରୁ ତିନିଜଣଙ୍କ ମଧ୍ୟରେ କରୋନା ପଜିଟିଭ୍ ଚିହ୍ନଟ ହୋଇଥିଲେ । ତା’ପରେ ତବଲିଗି ଜମାତରୁ ଫେରିଥିବା 7ଜଣଙ୍କ ଯୋଗୁଁ ଏହି ଅଞ୍ଚଳରେ କରୋନା ବ୍ୟାପକ ସଂକ୍ରମିତ ହୋଇଥିଲା । ଏହି ଅଞ୍ଚଳର ମେମନ କଲୋନୀ, କୋହିନୂର କଲୋନି, ଶାଦାବ୍ ବାଗ୍, ଇନ୍ଦିରା ନଗର, ଜଫର୍ ନଗର, ଭୋସା ପରିସର ଆଦି ଅଞ୍ଚଳରେ ସଟ୍ଡାଉନ୍ କରାଯାଇଥିଲା ।