Himachal Pradesh Election22: ଆଜି ସକାଳୁ ଚାଲିଛି ହିମାଚଳ ପ୍ରଦେଶ ବିଧାନସଭା ପାଇଁ ମତଦାନ। ସକାଳ ସାତଟାରୁ ଏହି ଭୋଟ ପ୍ରଦାନ ଆରମ୍ଭ ହୋଇଛି। ଏହି ପର୍ବରେ ସାମିଲ ହୋଇଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ ପି ନଡ୍ଡା। ସେ ହିମାଚଳ ପ୍ରଦେଶର ବିଜୟପୁର ବାସିନ୍ଦା ହୋଇଥିବାରୁ ସେହିଠାରେ ସେ ଭୋଟ ଦେଇଛନ୍ତି। ନଡ୍ଡା ପୁରା ପରିବାର ସହିତ ବୁଥକୁ ଯାଇ ନିଜର ମତଦାନ କରିଛନ୍ତି।
ଏକ ଟୁଇଟ କରି ସେ କହିଛନ୍ତି ଯେ, ଗଣତନ୍ତ୍ରର ମହାନ ପର୍ବରେ ଆଜି ହିମାଚଳ ପ୍ରଦେଶର ବିଜୟପୁରରେ ମୋ ପରିବାର ସହିତ ସମୃଦ୍ଧ ଦେବଭୂମିକୁ ଭୋଟ୍ ଦେଇଛି। ମୁଁ ମୋର ସମସ୍ତ ଭାଇ, ଭଉଣୀ, ଯୁବକ ବନ୍ଧୁ ଏବଂ ହିମାଚଳ ପ୍ରଦେଶର ମାଆମାନଙ୍କୁ ଅନୁରୋଧ କରୁଛି ଯେ ସର୍ବାଧିକ ସଂଖ୍ୟାରେ ଭୋଟ୍ ଦିଅନ୍ତୁ ଏବଂ ଉତ୍ତମ ଶାସନ, ରାଜ୍ୟର ବିକାଶମୂଳକ ସରକାର ଚୟନ କରନ୍ତୁ।
