Categories
ଆଜିର ଖବର ଜାତୀୟ ଖବର

ହୋମ୍‌ କ୍ବାରେଣ୍ଟିନ୍‌ ପାଇଁ ଗାଇଡ୍ ଲାଇନ୍‌ ଜାରି କଲା କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ

ନୂଆଦିଲ୍ଲୀ : ହୋମ୍‌ କ୍ବାରେଣ୍ଟିନ୍‌ ପାଇଁ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ଗାଇଡଲାଇନ୍‌ ଜାରି ହୋଇଛି । ସାମାନ୍ୟ ଲକ୍ଷଣ ଥିବା ଡାକ୍ତର ପରାମର୍ଶ କଲେ କ୍ବାରେଣ୍ଟିନ୍‌ରେ ରହିପାରିବେ । ସଙ୍ଗରୋଧ ପାଇଁ ଘରେ ପର୍ଯ୍ୟାପ୍ତ ବ୍ୟବସ୍ଥା ଥିବା ଆବଶ୍ୟକ । ଅସୁସ୍ଥଙ୍କ ଯତ୍ନ ନେଉଥିବା ବ୍ୟକ୍ତି 24 ଘଣ୍ଟା ଉପଲବ୍ଧ ରହିବା ଆବଶ୍ୟକ । କ୍ବାରେଣ୍ଟିନ୍‌ ସମୟରେ ହସ୍ପିଟାଲ୍‌ ସହ ତାଙ୍କର ଯୋଗାଯୋଗ ରହିବା ଆବଶ୍ୟକ । ଯତ୍ନ ନେଉଥିବା ବ୍ୟକ୍ତି, ସମ୍ପର୍କୀୟ ହାଇଡ୍ରୋକ୍ସି କ୍ଲୋରୋକ୍ବିନ୍‌ ସେବନ କରିପାରିବେ । ପ୍ରୋଟୋକଲ୍‌ ଅନୁସାରେ ଡାକ୍ତରଙ୍କ ପରାମର୍ଶରେ ସେବନ କରିପାରିବେ। ଆରୋଗ୍ୟ ସେତୁ ଆପ୍‌ ଡାଉନ୍‌ଲୋଡ୍‌ କରିବାକୁ ଗାଇଡ୍‌ ଲାଇନ୍‌ରେ ପରାମର୍ଶ ଦିଆଯାଇଛି । ସ୍ବାସ୍ଥ୍ୟ ବାବଦରେ ଅପଡେଟ୍‌ ଜିଲ୍ଲା ସର୍ଭେଲାନ୍ସ ଅଫିସରଙ୍କୁ ଜଣାଇବାକୁ ମଧ୍ୟ ପରାମର୍ଶ  ଦିଆଯାଇଛି ।

Categories
ଆଜିର ଖବର ଜାତୀୟ ଖବର

କରୋନାରେ ସଂକ୍ରମିତ ହେଲେ ପିଜା ଡେଲଭରୀ ବୟ , କ୍ବାରେଣ୍ଟାଇନ୍‌ରେ 72ଟି ଘର

ନୂଆଦିଲ୍ଲୀ: ଭାରତରେ କରୋନା ସ୍ଥିତି ଉଦ୍‌ବେଗଜନକ ରହିଥିବାସ୍ଥଳେ ଲକ୍‌ଡାଉନ୍‌ ଜାରି ରହିଛି । ତେବେ ଏହି ଲକ୍‌ ଡାଉନ୍‌ ସମୟରେ ହୋଟେଲ୍‌, ରେଷ୍ଟୁରାଣ୍ଟ ବନ୍ଦ ରହିଥିବା ସ୍ଥଳେ ଅନଲାଇନ୍‌ ମାଧ୍ୟମରେ ଖାଦ୍ୟ ଯୋଗାଣ ରହିଛି । ଲୋକମାନେ ପିଜା ପରି ଅନ୍ୟାନ୍ୟ ଖାଦ୍ୟ ଅନ୍‌ଲାଇନ୍‌ରେ ଅର୍ଡର କରି ପାରୁଛନ୍ତି । ହେଲେ ଅର୍ଡର ଦିଆ ଖାଦ୍ୟକୁ ନେଇ ଏବେ ଦିଲ୍ଲୀରେ ଆତଙ୍କ ଦେଖାଯାଇଛି । ଦକ୍ଷିଣ ଦିଲ୍ଲୀର ମାଲବୀୟ ନଗରରେ ଏକ ପିଜା ଡେଲିଭରୀ ବୟ ନିକଟରେ କରୋନା ପଜିଟିଭ୍‌ ଚିହ୍ନଟ ହୋଇଛି । ମିଳିଥିବା ସୂଚନା ଅନୁସାରେ ଏହି ପିଜା ଡେଲିଭରୀ ବୟ ଜଣକ ଗତ 15 ଦିନ ଭିତରେ 72 ଜଣଙ୍କ ଘରେ ପିଜା ଡେଲିଭରୀ କରିଛନ୍ତି । ତେବେ ସମସ୍ତ 72 ଜଣ ଘର ସହିତ ପିଜା ଡେଲିଭରୀ ବୟ ଓ ତାଙ୍କ ପରିବାର ଓ ତାଙ୍କ ସହିତ କାମ କରୁଥିବା ସହକର୍ମୀମାନଙ୍କୁ ମଧ୍ୟ ହୋମ୍‌ କ୍ବାରେଣ୍ଟାଇନ୍‌ରେ ରଖାଯାଇଛି । ଯଦି କୌଣସି ବି ଲକ୍ଷଣ ଦେଖାଯାଉଛି, ତେବେ ସେମାନଙ୍କର କରୋନା ଟେଷ୍ଟ କରାଯିବ ବୋଲି ସୂଚନା ରହିଛି ।

ଲକ୍ ଡାଉନ୍‌ ସମୟରେ ଖାଦ୍ୟ ଓ ରାସନ ସାମଗ୍ରୀ ଡେଲିଭରୀ କରିବାକୁ ଅନୁମତି ଦିଆଯାଇଛି । ତେବେ ସମ୍ବେଦନଶୀଳ ଅଞ୍ଚଳଗୁଡିକରେ ଏସବୁ ପାଇଁ ଅନୁମତି ଦିଆଯାଇନଥିବାସ୍ଥଳେ ସେଠାରେ ପ୍ରଶାସନ ଅତ୍ୟାବଶ୍ୟକ ସାମଗ୍ରୀ ପହଞ୍ଚାଉଛି । (ଏଜେନ୍ସି)

Categories
ଅପରାଧ ଆଜିର ଖବର ଜାତୀୟ ଖବର

ଚୋରକୁ ଧରି କ୍ବାରେଣ୍ଟାଇନରେ ଗଲେ ବିଚାରପତି ଓ ପୋଲିସ୍‌ କର୍ମୀ

ଲୁଧିଆାନା :  ଚୋରକୁ ଧରିବାକୁ ଯାଇ ବିଚାରପତି, ପୋଲିସ୍‌ କର୍ମୀମାନେ ହୋମ୍‌ କ୍ବାରେଣ୍ଟାଇନ୍‌ ରହିଛନ୍ତି । ପଞ୍ଜାବର ରାଜଧାନୀ ଲୁଧିଆନାର ଏକ ଚୋର ଦେହରେ କରୋନା ପଜିଟିଭ୍‌ ଚିହ୍ନଟ ହେବା ପରେ ପଞ୍ଜାବ ପୁଲିସ୍‌ର ସାତ ଜଣ ଯବାନ ଓ ଜଣେ ବିଚାରପତିଙ୍କ ସମେତ 10 ଜଣଙ୍କୁ କ୍ବାରେଣ୍ଟାଇନ୍‌ରେ ରଖାଯାଇଛି। ମିଳିଥିବା ସୂଚନା ଅନୁସାରେ ଫୋକଲ୍‌ ପଏଣ୍ଟର କିଛି ଅଧିବାସୀ ଦୁଇ ଚୋରଙ୍କୁ ଧରି ପୋଲିସର ଜିମା ଦେଇଥିଲେ । ଚୋରଦ୍ବୟଙ୍କୁ ଗିରଫ କରାଯିବା ପରେ ତାଙ୍କୁ ଅଦାଲତକୁ ନିଆଯାଇଥିଲା । ଦୁଇ ଚୋର ଯାକ ଲଗାତାର ଭାବରେ କାଶୁ ଥିବାରୁ ଅଦାଲତ ତାଙ୍କର ସ୍ବାସ୍ଥ୍ୟ ପରୀକ୍ଷା କରିବା ପାଇଁ ଆଦେଶ ଦେଇଥିଲେ।

ସ୍ବାସ୍ଥ୍ୟ ପରୀକ୍ଷା ସମୟରେ ଦୁଇ ଚୋରଙ୍କ ମଧ୍ୟରୁ ଜଣେ ଫେରାର୍‌ ହୋଇଯାଇଥିବାବେଳେ ଆଉ ଜଣେ କରୋନା ସଂକ୍ରମିତ ହୋଇଥିବାର ସୂଚନା ମିଳିଥିଲା । ଏହାପରେ ସମ୍ପୃକ୍ତ ପୋଲିସ୍‌ ଅଧିକାରୀ ଓ ବିଚାରପତିଙ୍କୁ ହୋମ୍‌ କ୍ବାରେଣ୍ଟାଇନ୍‌ରେ ରଖାଯାଇଛି । ସେହିପରି ଫେରାର୍‌ ହୋଇଥିବା ଚୋରଙ୍କୁ ମଧ୍ୟ ତଲାସ କରାଯାଉଛି । ପଞ୍ଜାବରେ ମୋଟ 130ଟି କରୋନା ସଂକ୍ରମିତ ମାମଲା ସାମ୍ନାକୁ ଆସିଥିବାବେଳେ 11ଜଣଙ୍କ ମୃତ୍ୟୁ ହୋଇଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ବିନା କପଡାରେ ହୋମ୍‌ କ୍ବାରେଣ୍ଟାଇନ୍‌ରୁ ଚମ୍ପଟ୍‌ ମାରି ବୃଦ୍ଧାଙ୍କ ତଣ୍ଟି କାଣ୍ଟିଲେ ବ୍ୟକ୍ତି

ତାମିଲନାଡୁ : ଚୀନରୁ ବୁହାନ ସହରରୁ ବ୍ୟାପିଥିବାବେଳେ ଭାରତରେ ବି ଏହାର କାୟା ବିସ୍ତାର କରିଛି। ଭାରତରେ କରୋନା ସଂକ୍ରମିତଙ୍କ ସଂଖ୍ୟା ହଜାରେ ଟପିଥିବାବେଳେ ମୃତକଙ୍କ 24ରେ ପହଞ୍ଚିଛି। କରୋନା ସ୍ଥିତିକୁ ଦେଖି ଦେଶରେ ଲକ୍‌ଡାଉନ୍‌ ଚାଲିଥିବାବଳେଳ ତାମିଲନାଡୁର ଥେନି ଜିଲ୍ଲାରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ତାମିଲନାଡୁର ଥେନି ଜିଲ୍ଲାରୁ ଏକ ଆଶ୍ଚର୍ଯ୍ୟଜନକ ଖବର ମିଳିଛି। ଏଠାରେ ଜଣେ ବ୍ୟକ୍ତି କ୍ବାରେଣ୍ଟାଇନ୍‌ରୁ ଚମ୍ପଟ୍‌ ମାରିଛି। ଏହି ବ୍ୟକ୍ତିଜଣକ ହୋମ୍‌ କ୍ବାରେଣ୍ଟାଇନ୍‌ରୁ ଚମ୍ପଟ୍‌ ମାରିଥିବବେଳେ 90 ବର୍ଷୀୟ ବୃଦ୍ଧାଙ୍କ ବେକ କାଟି ଦେଇଛନ୍ତି। ହୋମ୍‌ କ୍ବାରେଣ୍ଟାଇନ୍‌ରୁ ବ୍ୟକ୍ତିଜଣକ ବିନା କପଡାରେ ବାହାରି ଚମ୍ପଟ ମାରିବାକୁ ବସିଥିବାବେଳେ ବୃଦ୍ଧାଙ୍କର ବେକ କାଟି ଦେଇଛନ୍ତି। ଏହାପରେ ବୃଦ୍ଧା ଜଣକ ଚିତ୍କାର କରିଥିବାବେଳେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏଠାରେ ତାଙ୍କୁ ଡାକ୍ତର ମୃତ ଘୋଷିତ କରିଥିଲେ।

ମିଳିଥିବା ସୂଚନା ଅନୁସାରେ ହୋମ୍‌ କ୍ବାରେଣ୍ଟାଇନ୍‌ରୁ ଚମ୍ପଟ ମାରିଥିବା ବ୍ୟକ୍ତି ଜଣକ କିଛି ଦିନ ପୂର୍ବରୁ ଶ୍ରୀଲଙ୍କାରୁ ଫେରିଥିଲେ। ବିଦେଶରୁ ଫେରିଥିବାବେଳେ ବ୍ୟକ୍ତି ଜଣଙ୍କୁ ହୋମ୍‌ କ୍ବାରେଣ୍ଟାଇନ୍‌ରେ ରଖାଯାଇଥିଲା। ଏହାପରେ ତାଙ୍କର ମାନସିକ ସ୍ଥିତି ବେଶ୍‌ ବିଗିଡି ଯାଇଥିଲା। ମିଳିଥିବା ସୂଚନା ଅନୁସାରେ ହୋମ୍‌ କ୍ବାରେଣ୍ଟାଇନରୁ ବ୍ୟକ୍ତିଜଣକ ବିନା କପଡାରେ ପଳାୟନ କରିଥିଲେ। ସେ ପୂର୍ବରୁ ଏକ ଟେକ୍ସଟାଇଲ୍‌ ବ୍ୟବସାୟ କରୁଥିଲେ। ପୋଲିସ୍‌ ସମ୍ପୃକ୍ତ ବ୍ୟକ୍ତିଙ୍କୁ ଅଟକ ରଖିଛି । (ଏଜେନ୍ସି)