ମୁମ୍ବାଇ,2/12: ଆସନ୍ତା ବର୍ଷ ଅନୁଷ୍ଠିତ ହେବାକୁ ଥିବା 19 ବର୍ଷରୁ କମ୍ କ୍ରିକେଟ ବିଶ୍ବକପ୍ ପାଇଁ ଭାରତୀୟ ଦଳ ଘୋଷଣା କରାଯାଇଛି । ଭାରତୀୟ ଦଳରେ ପ୍ରିୟମ ଗର୍ଗଙ୍କୁ ଅଧିନାୟକ ଭାବରେ ନିଯୁକ୍ତ କରାଯାଇଛି । ସୋମବାର ଘୋଷଣା କରାଯାଇଥିବା 15 ଜଣିଆ ଦଳର ଧ୍ରୁବ୍ ଚାନ୍ଦ ଜୁରେଲ୍ଙ୍କୁ ଉପ ଅଧିନାୟକ ଭାବରେ ଘୋଷଣା କରାଯାଇଛି । ଜାନୁୟାରୀ 17ରୁ ଫେବୃୟାରୀ 9 ପର୍ଯ୍ୟନ୍ତ ଏହି ବିଶ୍ବକପ୍କ ଦକ୍ଷିଣ ଆଫ୍ରିକାରେ ଅନୁଷ୍ଠିତ ହେବ । ନ୍ୟୁଜିଲ୍ୟାଣ୍ଡ, ଶ୍ରୀଲଙ୍କା ଏବଂ ଜାପାାନ ସହିତ ଭାରତ ଗ୍ରୁପ୍ ଏ ରେ ସ୍ଥାନ ପାଇଛି ।
ଭାରତୀୟ ଦଳ : ପ୍ରିୟମ୍ ଗର୍ଗ (ଅଧିନାୟକ), ଧ୍ରୁବ୍ ଚାନ୍ଦ ଜୁରେଲ୍(ଉପ ଅଧିନାୟକ, ଓ୍ବିକେଟ ରକ୍ଷକ), ଯଶସ୍ବୀ ଜୟସ୍ବାଲ, ଦିବ୍ୟାଂଶ ସକ୍ସେନା, ଶାସ୍ବତ ରାଓ୍ବତ, ଦିବ୍ୟାଂଶ ଯୋଶୀ, ଶୁଭାଙ୍ଗ ହେଗ୍ଡେ,ରବି ବିଷ୍ଣୋଇ, ଆକାଶ ସିଂ, କାର୍ତ୍ତିକ ତ୍ୟାଗୀ, ଅଥର୍ବ ଆଙ୍କୋଲେକର, କୁମାର କୁଶାଗ୍ର, ସୁଶାନ୍ତ ମିଶ୍ରା, ବିଦ୍ୟାଧର ପାଟିଲ୍ । (ଏଜେନ୍ସୀ)
