The Samikhsya Odia
ଭୁବନେଶ୍ବର: ଆଜି ସଂଧ୍ୟାରେ ଅନୁଗୁଳସ୍ଥିତ ଜିନ୍ଦଲ ପ୍ଲାଣ୍ଟରେ ଏକ ବିସ୍ପୋରଣ ଘଟି ନିଆଁ ଲାଗିଯାଇଥିବାର ଜଣାପଡିଛି। ସ୍ଥାନୀୟ ଲୋକଙ୍କ ଅନୁସାରେ ଜିନ୍ଦଲ ପ୍ଲାଣ୍ଟ ଭିତରେ ଏକ ବଡ ଶଦ୍ଦ ହୋଇଥିଲା। ଏହାପରେ ହୁତୁହୁତୁ ହୋଇ ନିଆଁ ଲାଗିଯାଇଥିଲା।
ତେବେ ଏହି ଘଟଣା ଜଣାପଡିବା ପରେ କଂପାନୀ କର୍ତ୍ତୁପକ୍ଷ ତୁରନ୍ତ ଘଟଣାସ୍ଥଳରେ ପହଁଚି ନିଆଁକୁ ଆୟତ କରିଥିବାର ଜଣାପଡିଛି। ତେବେ ପ୍ଲାଣ୍ଟର କୌଣସି ପାଇପ ଫାଟି ଏପରି ଦୁର୍ଘଟଣା ହୋଇଥିବାରୁ ଅନୁମାନ କରାଯାଉଛି। ତେବେ ଏହି ଦୁର୍ଘଟଣାରେ କେହି ମୃତାହତ ହୋଇ ନ ଥିବାର ଜଣାପଡିଛି।
ସମୀକ୍ଷା ବ୍ୟୁରୋ
କୁଜଙ୍ଗ,୨୧/୧୨: ଏରସମା ବ୍ଳକ ଅନ୍ତର୍ଗତ ଗଡକୁଜଙ୍ଗ ବଡ଼ଦାଣ୍ଡରେ ଶୁକ୍ରବାର ଦିନ ତମାମ ଜିନ୍ଦଳ ପ୍ରକଳ୍ପର ପରିବେଶ ଜନଶୁଣାଣୀ ସମୟରେ ଢିଙ୍କିଆ ଗ୍ରାମରେ ବିରୋଧୀଙ୍କ ଏକ ମେଳି ହୋଇଛି। ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ରଙ୍କ ଅଧ୍ୟକ୍ଷତାରେ ତଥା ପାରାଦୀପ ଆଂଚଳିକ ପରିବେଶ ଅଧିକାରୀ ରମେଶ ଏକାଙ୍କ ଉପସ୍ଥିତିରେ ପରିବେଶ ଜନଶୁଣାଣୀ ହୋଇଛି। ପରିବେଶ ଶୁଣାଣୀ ସମୟରେ ପୂର୍ବତନ ସାଂସଦ ଡ଼ାକ୍ତର କୁଳମଣୀ ସାମଲ, ନିର୍ଭୟ ସାମନ୍ତରାୟ, ଅମୃତ ଦାସ, ସୁବାଷ ବେହେରା, ସଞ୍ଜୟ ମହାପାତ୍ର, ରଞ୍ଜନ ବର୍ଦ୍ଧନ ପ୍ରମୁଖ ଯୋଗ ଦେଇଥିଲେ। ଶିଳ୍ପ ବିନିମୟରେ ନିଯୁକ୍ତି, ପରିବେଶ ସନ୍ତୁଳନ, ପାରିପାର୍ଶିକ ଉନ୍ନୟନ ତଥା ଶିଳ୍ପ ପ୍ରତିଷ୍ଠାହେଲେ ମଧ୍ୟ ଯେପରି ଅଂଚଳର କୃଷି ଏହା ଦ୍ୱାର ପ୍ରଭାବିତ ନହୁ ଏ ସେନେଇ କମ୍ପାନୀ ତଥା ପ୍ରଶାସନ ସେଥିପାଇଁ ଉତ୍ତର ଦାୟୀ ରହିବା ନେଇ ଉପସ୍ଥିତ ସଦସ୍ୟ ମତବ୍ୟକ୍ତ କରିଥିଲେ।
ଅପରପକ୍ଷରେ ଫୁଲଖାଇ ମନ୍ଦିର ପରିସର ମଧ୍ୟରେ ମୂରଲୀ ସାହୁଙ୍କ ଅଧ୍ୟକ୍ଷତାରେ ଢିଙ୍କିଆ ଗ୍ରାମର ଲୋକମାନେ ଜନଶୁଣାଣୀକୁ ବର୍ଜନ କରିବା ସହିତ ଜିନ୍ଦଲ ପ୍ରକଳ୍ପକୁ ବିରୋଧ କରିଥିଲେ। ଜିନ୍ଦଲ ପ୍ରକଳ୍ପକୁ ପ୍ରସ୍ଥାବିତ ଅଂଚଳ ଢିଙ୍କିଆ, ଗଡ଼କୁଜଙ୍ଗ ନୂଆଗାଁ ପଂଚାୟତର ଲୋକମାନେ ବିରୋଧ କରୁଛନ୍ତି ବୋଲି ଏହି ସଭାରେ କଂଗ୍ରେସ ନେତା ଲଲାଟେନ୍ଦୁ ମହାପାତ୍ର ମତ ଦେଇଥିଲେ। ଲୋକଙ୍କ ଅସୁବିଧା ନବୁଝି କମ୍ପାନୀ ରାଜନୈତିକ ସହାୟତା ନେଇ ପ୍ରକଳ୍ପ ଆରମ୍ଭ କରୁଛି ଯାହାକି ଭବିଷ୍ୟତରେ ବୁମେରାଂ ସାବ୍ୟସ୍ତ ହେବ ବୋଲି ମହାପାତ୍ର କହିଥିଲେ। ଏହି ସମ୍ମିଳନୀରେ ତିନି ପଞ୍ଚାୟତର ଶତାଧିକ ଲୋକ ଯୋଗ ଦେଇଥିଲେ।