ନୂଆଦିଲ୍ଲୀ : ଆମେରିକୀୟ ରାଷ୍ଟ୍ରପତି ନିର୍ବାଚନ ସମାପ୍ତ ହୋଇନଥିବା ବେଳେ ଜୋ ବିଡେନଙ୍କୁ ଆମେରିକାର ପରବର୍ତ୍ତୀ ରାଷ୍ଟ୍ରପତି ଭାବରେ ଘୋଷଣା କରିଛି ଏକ ମାଗାଜିନ । ଡେସ୍କ ଏଚକ୍ୟୁ ନାମକ ମାଗାଜିନ ବିଡେନଙ୍କ ଆମେରିକାର ପରବର୍ତ୍ତୀ ରାଷ୍ଟ୍ରପତି ଭାବରେ ଘୋଷଣା କରିଛି । ସରକାରୀ ଭାବରେ କିଛି ଘୋଷଣା କରାଯାଇନଥିବା ବେଳେ ଏହି ମାଗାଜିନର ଘୋଷଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଆମେରିକାର 46 ତମ ରାଷ୍ଟ୍ରପତି ଭାବରେ ବିଡେନଙ୍କ ନାମ ଘୋଷଣା କରିଛି ଏହି ମାଗାଜିନ । ଉଲ୍ଲେଖଯୋଗ୍ୟ ଯେ, ଡେମୋକ୍ରାଟ ପ୍ରାର୍ଥୀ ଜୋ ବାଇଡେନ ତାଙ୍କ ପ୍ରତିଦ୍ୱନ୍ଦ୍ୱୀ ଡୋନାଲ୍ଡ ଟ୍ରମ୍ପଙ୍କୁ ବହୁ ପଛରେ ପକାଇ ଆଗକୁ ବଢ଼ି ଚାଲିଛନ୍ତି। 264 ଇଲେକ୍ଟୋରାଲ ଭୋଟ ସହିତ ବିଡେନ ରାଷ୍ଟ୍ରପତି ଦୌଡରେ ଆଗୁଆ ରହିଥିବା ବେଳେ ନେଭେଡା ଜର୍ଜିଆ ଏବଂ ପେନସିଲଭାନିଆରେ ଅଗ୍ରଣୀ ହାସଲ କରିଛନ୍ତି । ଏହି ଆସନକୁ ମିଶାଇଲେ ବିଡେନ ଆମେରିକାର ରାଷ୍ଟ୍ରପତି ହେବା ଆପାତତଃ ସ୍ପଷ୍ଟ। ତେବେ ଆନୁଷ୍ଠାନିକ ଘୋଷଣା ପୂର୍ବରୁ ଏପରି ଖବର ପ୍ରକାଶନ ବିତର୍କ ସୃଷ୍ଟି କରିଛି ।
