ବାଙ୍ଗାଲୁରୁ: ଅଙ୍ଗନବାଡି ଶିକ୍ଷୟତ୍ରୀ ପ୍ରାର୍ଥୀଙ୍କ ପାଇଁ ଉର୍ଦ୍ଦୁ ଭାଷା ବାଧ୍ୟତାମୂଳକ କରିଛନ୍ତି କର୍ଣ୍ଣାଟକର କଂଗ୍ରେସ ସରକାର। ସରକାରଙ୍କ ଏପରି ନିଷ୍ପତିକୁ ତୀବ୍ର ବିରୋଧ କରିଛି ବିଜେପି। ବିଜେପି କହିଛି ଯେ, ସିଦ୍ଧରମେୟା ସରକାର ରାଜ୍ୟରେ ମୁସୁଲିମ ପ୍ରୀତି ଦେଖାଇବା ପାଇଁ ଏପରି କରିଛନ୍ତି। ଏହାକୁ ସରକାର ତରୁନ୍ତ ପ୍ରତ୍ୟାହାର କରନ୍ତୁ ବୋଲି ରାଜ୍ୟ ବିଜେପିର ପୂର୍ବତନ ସଭାପତି ତଥା ସାଂସଦ ନଳିନୀ କୁମାର କଟ୍ଟେଲ।
ସୂଚନାରୁ ପ୍ରକାଶ ଯେ, କର୍ଣ୍ଣାଟକର ସିଦ୍ଧରମେୟା ସରକାର ଅଙ୍ଗନବାଡି ଶିକ୍ଷୟତ୍ରୀ ପ୍ରାର୍ଥିଙ୍କୁ ଉର୍ଦ୍ଦୁ ଜାଣିଥିବା ଆବଶ୍ୟକ ବୋଲି ଉଲ୍ଲେଖ କରିଛନ୍ତି। ରାଜ୍ୟର ମୁଦିଗେରେ ଏବଂ ଚିକକମାଗାଲୁର ଜିଲ୍ଲାର ଅଙ୍ଗନୱାଡି ଶିକ୍ଷକ ପ୍ରାର୍ଥୀଙ୍କ ନିଯୁକ୍ତି ପାଇଁ ଉର୍ଦ୍ଦୁ ଜାଣିବା ଆବଶ୍ୟକ ବୋଲି ସରକାରୀ ବିଜ୍ଞପ୍ତିରେ ପ୍ରକାଶ କରାଯାଇଛି। ଏହାକୁ ନେଇ ସେଠାରେ ରାଜନୈତିକ ଝଡ ସୃଷ୍ଟି ହୋଇଛି। ଏହାକୁ ଏକ ଭୟଙ୍କର ରାଜନୈତିକ ଷଢଯନ୍ତ୍ର ବୋଲି ବିଜେପି କହିଛି।
Video Source- One India
ବର୍ତ୍ତମାନ କର୍ଣ୍ଣାଟକରେ କନ୍ନଡ ଭାଷା ବାଧ୍ୟତାମୂଳକ ଥିବା ବେଳେ ଉର୍ଦ୍ଦୁ ଶିଖିଥିବା ପ୍ରସଂଗ ସରକାର କାହିଁକି ଆଣିଲେ ବୋଲି ବିଜେପି ପ୍ରଶ୍ନ କରିଛି। ଏହାକୁ ନେଇ ରାଜ୍ୟ ବିଜେପିର ବହୁ ନେତା ସେମାନଙ୍କର ସାମାଜିକ ଗଣମାଧ୍ୟମରେ ଝଡ ସୃଷ୍ଟି କରିଛନ୍ତି। ସିଦ୍ଧରମେୟା ସରକାର ମୁସୁଲିମଙ୍କୁ ସନ୍ତୁଷ୍ଠ କରିବା ପାଇଁ ଏହି ନିଷ୍ପତି କରିଛନ୍ତି ବୋଲି ବିଜେପି କହିଛି।
ତେବେ ଏହାର ଜବାବ ଦେଇଛି କଂଗ୍ରେସ। ଦଳର ନେତା ପ୍ରସାଦ ଗୌଡ ତାଙ୍କ ସାମାଜିକ ଗଣମାଧ୍ୟମରେ କହିଛନ୍ତି ଯେ, କୌଣସି ଭାଷା ଜାଣିବା ପାଇଁ କାହାକୁ ବାଧ୍ୟ କରାଯାଇ ନାହିଁ। ଯଦି ଜଣେ କନ୍ନଡ ଜାଣିଛି ତେବେ ସେଥିରେ କୌଣସି ଅସୁବିଧା ନାହିଁ। ହେଲେ ଏହି ଭାଷା ସହିତ ଯେ କେହି ଅଧିକ ଭାଷା ଜ୍ଞାନ ରହିଛି ତେବେ ଭଲ ବୋଲି କୁହାଯାଇଛି। ଏହାକୁ ନେଇ କର୍ଣ୍ଣାଟକରେ ଏକ ରାଜନୈତିକ ଝଡ ସୃଷ୍ଟି ହେବାକୁ ଯାଉଛି।
