ନୂଆଦିଲ୍ଲୀ : 2022ରେ ଇସ୍ରୋର ମାନବ ମିଶନ ପୂର୍ବରୁ ଇସ୍ରୋ ଏକ ରୋବୋଟ୍ ପଠାଇବାକୁ ଯାଉଛି । ଏହି ମିଶନ ପୂର୍ବରୁ 2020 ମସିହାର ଶେଷ ଭାଗକୁ ଏହି ମିଶନ ଲଞ୍ଚ ହେବାକୁ ଯାଉଛି । 2022 ମିଶନରେ ଭାରତ ପକ୍ଷରୁ ତିନିଜଣ ମାନବଙ୍କୁ ପଠାଯିବ । ବୁଧବାର ଇସ୍ରୋ ମୁଖ୍ୟ କେ ଶିବନ ରୋବୋଟ ପଠାଯିବା ସୂଚନା ସ୍ପଷ୍ଟ କରିଛନ୍ତି । ବୁଧବାର ଇସ୍ରୋ ପକ୍ଷରୁ ଏହି ରୋବୋଟ୍ର ଏକ ଫଟୋ ଜାରି କରାଯାଇଛି । ମାନବ ଜୀବନ ଅତ୍ୟନ୍ତ ଗୁରୁତ୍ବପୂର୍ଣ୍ଣ ତେଣୁ ମାନବ ପ୍ରେରଣ ପୂର୍ବରୁ ଏକ ରୋବୋଟ୍ ପଠାଇ ଏହାକୁ ଫେରାଇ ଆଣିବା ପାଇଁ ଇସ୍ରୋ ପକ୍ଷରୁ ଏହି ମିଶନ କରାଯାଇଛି । ଏହି ରୋବୋଟ୍ ଜଣେ ମହିଳା ହ୍ୟୁମାନଏଡ୍ । ଦୁଇଟି ଭାଷାରେ କଥାବାର୍ତ୍ତା କରିବାର କ୍ଷମତା ରଖୁଥିବା ଏହି ହ୍ୟୁମାନଏଡ୍କୁ ଡିସେମ୍ବର 2020 ସୁଦ୍ଧା ମହାକାଶକୁ ପଠାଯିବ । ଏହି ରୋବୋଟ୍ର ନାମ ବ୍ୟୋମ ମିତ୍ର ରଖାଯାଇଛି । ମାନବ ଜୀବନ ଅତ୍ୟନ୍ତ ମୂଲ୍ୟବାନ, ତେଣୁ ମାନବ ପ୍ରେରଣ ପୂର୍ବରୁ ପ୍ରଥମେ ଏକ ରୋବୋଟ୍ ପଠାଇ ମହାକାଶର ଅଭିଜ୍ଞତା ହାସଲ କରିବା ପାଇଁ ଏହି ପ୍ରୟାସ ବୋଲି ଇସ୍ରୋ ମୁଖ୍ୟ କେ ଶିବନ୍ ପ୍ରକାଶ କରିଛନ୍ତି । (ଏଜେନ୍ସୀ)
