ତେଲେଙ୍ଗାନା : ମଦ ନିଶାରେ ମଣିଷ ଅମଣିଷ ପାଲଟି ଯାଉଛି । ନିଶା ପାଇଁ ମଣିଷ ପଶୁ ପାଲଟି ଯାଉଛି । ଏହିପରି ଏକ ଘଟଣା ତେଲେଙ୍ଗାନାରୁ ସାମ୍ନାକୁ ଆସିଛି । ମଦ ପାଇଁ ଜଣେ ପୁଅ ନିଜ ଜନ୍ମିତ ମା’ର ମୁଣ୍ଡ କାଟି ଦେଇଥିବାର ସୂଚନା ରହିଛି । କ୍ରୂରତା ସୀମା ପାର କରୁଥିବା ଏହି ଘଟଣା ତେଲେଙ୍ଗାନାଠାରେ ଘଟିଥିବାର ସୂଚନା ରହିଛି । ମଦ ପାଇଁ ମା’କୁ ପଇସା ମାଗିଥିଲା ପୁଅ । ମା’ ପଇସା ନ ଦେବାରୁ ପୁଅଟି ଅସୁର ରୂପ ଧାରଣ କରି ମା’ର ବେକ କାଟି ଦେଇଥିବାବେଳେ ମା’ର ମୁଣ୍ଡକୁ ନେଇ ଫେରାର ହୋଇଯାଇଥିଲା ।
ପୋଲିସ୍ ସୂଚନା ଅନୁସାରେ ମୃତକା ଜଣକ 65 ବର୍ଷୀୟ ହୋଇଥିବାବେଳେ ତେଲେଙ୍ଗାନାର ନାଗରକୁର୍ନଲ୍ ଜିଲ୍ଲାର ଏକ ଗ୍ରାମରେ ଏହିପରି ଏକ ଘଟଣା ସାମ୍ନାକୁ ଆସିଛି । 45 ବର୍ଷୀୟଅଭିଯୁକ୍ତ ଜଣକୁ ଏକ ଟ୍ୟାଙ୍କି ନିକଟରୁ ପୋଲିସ୍ ଧରିଥିବାବେଳେ କଟାମୁଣ୍ଡ ମଧ୍ୟ ଉଦ୍ଧାର କରିଛି । ଅଭିଯୁକ୍ତଙ୍କ ବଡ ଭାଇଙ୍କ ଅଭିଯୋଗକ୍ରମେ ପୋଲିସ ମାମଲା ରୁଜୁ କରିଛି । (ଏଜେନ୍ସି)
