ନୂଆଦିଲ୍ଲୀ: ଲକ୍ଷ୍ନୌ ସୁପର ଜିଆଣ୍ଟସକୁ ଦିଲ୍ଲୀ କ୍ୟାପିଟାଲ୍ସ ୬ ୱିକେଟରେ ପରାସ୍ତ କରିଛି। ଲକ୍ଷ୍ନୌ ସୁପର ଜିଆଣ୍ଟସ୍ ପୂର୍ବରୁ ନିଜ ଗ୍ରାଉଣ୍ଡରେ ୧୬୭ ରନ୍ ସଂଗ୍ରହ କରିଥିଲା। ଜବାବରେ ଦିଲ୍ଲୀ ମାତ୍ର ୪ ୱିକେଟ ହରାଇ ୧୮.୧ ଓଭରରେ ଲକ୍ଷ୍ୟ ହାସଲ କରିଥିଲା। ଦିଲ୍ଲୀର ଡେଭିଡ ୱାର୍ଣ୍ଣର ମାତ୍ର ୮ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ତାଙ୍କ ପରେ ପୃଥ୍ବୀ ଶ’ ଦାୟିତ୍ଵ ଗ୍ରହଣ କରିଥିଲେ, କିନ୍ତୁ ପୂର୍ବ ମ୍ୟାଚ ପରି ସେ ପଚାଶ ସ୍କୋର କରିପାରି ନଥିଲେ। ସେ ୨୨ ବଲରେ ୩୨ ରନ୍ ସ୍କୋର କରିବା ପରେ ପାଭିଲିୟନକୁ ଫେରିଥିଲେ। ପ୍ରଥମେ ଦିଲ୍ଲୀ ଖୁବ୍ ଧୀରେ ଧୀରେ ବ୍ୟାଟିଂ କରିଥିଲା, କିନ୍ତୁ ଏହା ପରେ ଋଷଭ ପନ୍ତ ଏବଂ ଜେକେ ଫ୍ରେଜର ମ୍ୟାକଗର୍କ ଏକ ଆକ୍ରମଣାତ୍ମକ ଶୈଳୀରେ ବ୍ୟାଟିଂ କରିଥିଲେ। ଗୋଟିଏ ପଟେ ପନ୍ତ ୨୪ ବଲରେ ୪୧ ରନର ଇନିଂସ ଖେଳିଥିଲେ, ଯେଉଁଥିରେ ସେ ୪ ଟି ଚୌକା ଓ ୨ ଛକା ମାରିଥିଲେ। ସେହିଭଳି ମ୍ୟାକଗର୍କ ୩୫ ବଲରେ ୫୫ ରନ୍ ସଂଗ୍ରହ କରିଥିଲେ। ଏଥିସହ ସେ ୨ ଟି ଚଉକା ଓ ୫ ଛକା ମାରିଥିଲେ।
