ହାଇଦ୍ରାବାଦ : ନିଜର ଅପ୍କମିଙ୍ଗ ଫିଲ୍ମ ସମ୍ପର୍କରେ ଘୋଷଣା କରିଛନ୍ତି ତେଲୁଗୁ ସୁପରଷ୍ଟାର ମହେଶ ବାବୁ । ନିଜ ପିତା କ୍ରିଷ୍ଣାଙ୍କ 77 ତମ ଜନ୍ମଦିବସରେ ମହେଶ ବାବୁ ଏହି ଫିଲ୍ମ ସମ୍ପର୍କରେ ଘୋଷଣା କରିବା ସହିତ ଫିଲ୍ମର ପୋଷ୍ଟର ରିଲିଜ୍ କରିଛନ୍ତି । ମହେଶ ବାବୁଙ୍କ ଏହି ନୂତନ ଫିଲ୍ମର ନାମ ସରକାରୁ ଭାରି ପାଟା ରହିଛି । ପର୍ଶୁରାମ ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି । ଗୀତାଗୋବିନ୍ଦମ୍ ପରେ ପର୍ଶୁରାମଙ୍କର ଏହା ଦ୍ବିତୀୟ ଫିଲ୍ମ ।
ଫିଲ୍ମର ପୋଷ୍ଟରରେ ମହେଶ ବାବୁଙ୍କ ମୁହଁର ଗୋଟିଏ ସାଇଡ୍ ଦେଖିବାକୁ ମିଳିଛି । ମହେଶଙ୍କ ଶେଷ 3ଫିଲ୍ମ 150 କୋଟି ଟଙ୍କା ଆୟ କରିଥିବାରୁ ଏହି ଫିଲ୍ମଟି ମଧ୍ୟ ବକ୍ସ ଅଫିସ୍ରେ ସଫଳ ହେବ ବୋଲି ସିନେ ସମୀକ୍ଷକ ମାନେ ଆଶା କରିଛନ୍ତି । ତେବେ ମହେଶଙ୍କ ଶେଷ ଫିଲ୍ମ ସରେଲିରୁ ନିକେଏଭରୁ 206 କୋଟି ଟଙ୍କା ଆୟ କରିଥିଲେ ମଧ୍ୟ ସମୀକ୍ଷକ ମାନେ ଏହାକୁ ନାପସନ୍ଦ କରିଥିଲେ ।
