The Samikhsya Odia
ଭୁବନେଶ୍ୱର: ରାଷ୍ଟ୍ରୀୟ ସ୍ୱୟଂସେବକ ସଂଘର ସରସଂଘଚାଳକ ଡ.ମୋହନ ଭାଗବତ ୭ ଦିନିଆ ଓଡିଶା ଗସ୍ତରେ ଆସି ଜୁଲାଇ ୩୧ ତାରିଖ ଦିନ ଭୁବନେଶ୍ୱରରେ ପହଁଚିବେ। ଡ. ଭାଗବତ ୭ ଦିନ ଓଡିଶା ଗସ୍ତ ସମୟରେ ସ୍ୱାମୀ ବିବେକାନନ୍ଦ କେନ୍ଦ୍ରର କାର୍ଯ୍ୟକ୍ରମରେ ଯୋଗଦେବା ସହ ପୁରୀ ଗୋବର୍ଦ୍ଧନ ପୀଠର ପୂଜ୍ୟ ଶଙ୍କରାଚାର୍ଯ୍ୟ ସ୍ୱାମୀ ନିଶ୍ଚଳାନନ୍ଦ ସରସ୍ୱତୀଙ୍କୁ ସାକ୍ଷାତ କରିବେ।
ଏହାପରେ ଡ.ଭାଗବତ ସାତ ଦିନିଆ ଓଡିଶା ପ୍ରବାସ ସାରି ଅଗଷ୍ଟ ୬ ତାରିଖ ଦିନ ଓଡିଶାରୁ ପ୍ରତ୍ୟାବର୍ତନ କରିବେ ବୋଲି ସଂଘର ଓଡିଶା ପୂର୍ବ ପ୍ରାନ୍ତର ପ୍ରାନ୍ତ ପ୍ରଚାର ପ୍ରମୁଖ ଶ୍ରୀ ରବିନାରାୟଣ ପଣ୍ଡା ପ୍ରକାଶ କରିଛନ୍ତି।
ମୁମ୍ବାଇ : ଆରଏସ୍ଏସ୍ ପ୍ରମୁଖ ମୋହନ ଭାଗବତ ତଲାକ୍କୁ ନେଇ ଦେଇଥିବା ବୟାନକୁ ନେଇ ବେଶ୍ ଚର୍ଚ୍ଚାରେ ରହିଛନ୍ତି। ତେବେ ଏହାକୁ ନେଇ ମୋହନଙ୍କୁ ଟାର୍ଗେଟ୍ କରିଛନ୍ତି ବଲିଉଡ୍ ଅଭିନେତ୍ରୀ ସୋନମ କପୁର୍। ସୋନମ୍ ମୋହନଙ୍କ ବୟାନକୁ ତୀବ୍ର ନିନ୍ଦା କରି କହିଛନ୍ତି ଯେ, – କୋଉ ବୁଦ୍ଧିମାନ ବ୍ୟକ୍ତି ଏପରି କଥା କୁହନ୍ତି ?’ ଏହା ଏକ ମୂର୍ଖତାପୂର୍ଣ୍ଣ ବୟାନ। ତେବେ ସୋନମ୍ଙ୍କ ଏହି ଟୁଇଟ୍କୁ ନେଇ ଅନେକ ପ୍ରତିକ୍ରିୟା ମଧ୍ୟ ଆସିଛି। ମୋହନଙ୍କ ବୟାନ ଭର୍ସେସ୍ ସୋନମଙ୍କ ନିନ୍ଦାକୁ ନେଇ ସୋସିଆଲ୍ ମିଡିଆରେ ଦୁଇ ଗୋଷ୍ଠୀ ହୋଇଯାଇଛନ୍ତି। ଅନେକେ ସୋନମ୍ଙ୍କୁ ବିରୋଧ କରୁଥିବାବେଳେ ଅନେକ ସମର୍ଥନ କରିଛନ୍ତି। ସୂଚନାଯୋଗ୍ୟ, ମୋହନ ଭାଗବତ ତଲାକ୍କୁ ନେଇ କହିଥିଲେ ଯେ, ‘ଆଜିକାଲି ସମାଜରେ ତଲାକ୍ ମାମଲା ବଢିବାରେ ଲାଗିଛି। ସମ୍ପନ୍ନ ତଥା ଶିକ୍ଷିତ ପରିବାରରେ ଏହା ବେଶି ଦେଖାଯାଉଛି। କାରଣ ଶିକ୍ଷା ଓ ସମ୍ପନ୍ନତା ମଣିଷ ଭିତରେ ଗର୍ବ ଓ ଉଦ୍ଧତପଣିଆ ଆସୁଛି। ଏହାର ପରିଣାମ ସ୍ବରୂପ ପରିବାର ଭିତରେ ଫାଟ ସୃଷ୍ଟି ହେଉଛି। (ଏଜେନ୍ସି)
ଶିଳ୍ପପତି ତଥା ଟାଟା ଗ୍ରୁପ୍ର ପୂର୍ବତନ ଚେୟାରମ୍ୟାନ୍ ରତନ ଟାଟା ଆରଏସ୍ଏସ୍ ମୁଖ୍ୟ ମୋହନ ଭାଗବତଙ୍କୁ ଭେଟିଛନ୍ତି। ନାଗପୁର ସ୍ଥିତ ଆରଏସ୍ଏସ୍ ମୁଖ୍ୟ କାର୍ଯ୍ୟାଳୟରେ ଏହି ବୈଠକ ହୋଇଥିବା ବେଳେ ଦୁଇ ଘଣ୍ଟା ପର୍ଯ୍ୟନ୍ତ ବୈଠକ ଚାଲିଥିଲା। ବୈଠକ ପରେ ଟାଟା ଏହାକୁ ଏକ ସୌଜନ୍ୟ ମୂଳକ ସାକ୍ଷାତ ବୋଲି କହିଥିଲେ। ଆରଏସ୍ଏସ୍ ମୁଖ୍ୟାଳୟକୁ ଏହା ଟାଟାଙ୍କର ଦ୍ବିତୀୟ ଗସ୍ତ। ପୂର୍ବରୁ ଆରଏସ୍ଏସ୍ ନେତା ନାନା ପାଲକାରଙ୍କ ଜନ୍ମ ଦିବସରେ ଦୁଇ ବର୍ଷ ପୂର୍ବେ ଟାଟା ପ୍ରଥମ ଥର ଗସ୍ତ କରିଥିଲେ। ଲୋକସଭା ନିର୍ବାଚନ ପୂର୍ବରୁ ବିଭିନ୍ନ ରାଜନୈତିକ ଦଳ ବ୍ୟବସାୟୀଙ୍କ ସହାୟତା ହାସଲର ପ୍ରୟାସ କରୁଥିବା ବେଳେ ଏହି ବୈଠକ ଚର୍ଚ୍ଚା ସୃଷ୍ଟି କରିଛି। ପୂର୍ବରୁ ମୁକେଶ ଅମ୍ବାନୀ କଂଗ୍ରେସର ମିଲିନ୍ଦ ଦେଓରାଙ୍କ ପାଇଁ ନିଜ ସମର୍ଥନ ଘୋଷଣା କରିଥିଲେ।