ନୂଆଦିଲ୍ଲୀ: ଗୁଜୁରାଟ ଉପକୂଳବର୍ତ୍ତୀ ଆନ୍ତର୍ଜାତୀୟ ସାମୁଦ୍ରିକ ସୀମା ରେଖା ନିକଟରେ ଭାରତୀୟ ତଟରକ୍ଷୀ ବାହିନୀ ପ୍ରାୟ ୮୦ କିଲୋଗ୍ରାମ ଡ୍ରଗ୍ସ ସହିତ ୧୪ ଜଣ ପାକିସ୍ତାନୀ ନାଗରିକଙ୍କୁ ଧରିଛନ୍ତି। ଏହି ଅପରେସନ୍ ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ (ଏନସିବି) ଏବଂ ଗୁଜୁରାଟ ଏଟିଏସ୍ ସହିତ ମିଳିତ ଅପରେସନରେ କରାଯାଇଛି। ଗତ କିଛି ଦିନ ହେବ ଗୁପ୍ତଚର ଇନପୁଟ୍ ଆଧାରରେ ଏଜେନ୍ସିଗୁଡ଼ିକ ଦ୍ୱାରା ଏହି ଅପରେସନ୍ ଚାଲିଥିଲା।
ଇଣ୍ଡିଆନ କୋଷ୍ଟଗାର୍ଡ ଟ୍ୱିଟରରେ ପୋଷ୍ଟ କରି କହିଛନ୍ତି ଯେ, “ଗୁଜୁରାଟ ଏଟିଏସ ଏବଂ ଏନସିବି ଦ୍ୱାରା କରାଯାଇଥିବା ଏକ ରାତାରାତି ଅପରେସନରେ ପାକିସ୍ତାନୀ ଡଙ୍ଗା ପଶ୍ଚିମ ଆରବ ସାଗରରେ ଧରାପଡିଥିଲା, ଯେଉଁଥିରେ ୧୪ ଜଣ ପାକିସ୍ତାନୀ କ୍ରୁ ସଦସ୍ୟ ରହିଥିଲେ। ସେମାନଙ୍କଠାରୁ ୮୦ କିଲୋଗ୍ରାମ ଡ୍ରଗ୍ସ ଜବତ କରାଯାଇଥିଲା। ଯାହାର ମୂଲ୍ୟ ପ୍ରାୟ ୬୦୦ କୋଟି ଟଙ୍କା ବୋଲି କୁହାଯାଉଛି।”
ଚଳିତ ବର୍ଷ ଫେବୃଆରୀ ମାସରେ, ଏନସିବି ଏବଂ ଭାରତୀୟ ନୌସେନା ଗୁଜୁରାଟ ଉପକୂଳ ନିକଟରେ ଆଜି ପର୍ଯ୍ୟନ୍ତ ସବୁଠୁ ବଡ ଡ୍ରଗ୍ସ ଜବତ କରିଛି। ସେହି ସମୟରେ ମିଳିତ ଅପରେସନରେ ୩ ହଜାର ୧୩୨ କିଲୋଗ୍ରାମ ଡ୍ରଗ୍ସ ଜବତ କରାଯାଇଥିଲା, ଯାହାର ମୂଲ୍ୟ ୧୦୦୦ କୋଟିରୁ ଅଧିକ ଥିଲା। ନୌସେନା ସେହି ଜାହାଜକୁ ନିଜ ଅଞ୍ଚଳରେ ଜବତ କରି ପାଞ୍ଚ ଜଣଙ୍କୁ ଗିରଫ କରିଥିଲା।
ଗତ ଦୁଇ ବର୍ଷ ମଧ୍ୟରେ ଏନସିବି ସହଯୋଗରେ ଭାରତୀୟ ନୌସେନା ଭାରତ ମହାସାଗରରେ ତିନୋଟି ବଡ କାର୍ଯ୍ୟାନୁଷ୍ଠାନ କରିଛି। ଗତ ଦୁଇ ବର୍ଷ ମଧ୍ୟରେ ଏନସିବି ସହଯୋଗରେ ଭାରତୀୟ ନୌସେନା ଭାରତ ମହାସାଗରରେ ତିନୋଟି ବଡ କାର୍ଯ୍ୟାନୁଷ୍ଠାନ କରିଛି। ଫେବୃଆରୀ ୨୦୨୨ ରେ ଏନସିବି ଏବଂ ଭାରତୀୟ ନୌସେନା ଗୁଜୁରାଟ ଉପକୂଳ ନିକଟରେ ଏକ ଜାହାଜ ଜବତ କରିଥିଲେ ଯେଉଁଥିରୁ ୨ କ୍ୱିଣ୍ଟାଲରୁ ଅଧିକ ମିଥାମଫେଟାମାଇନ୍ ଜବତ କରାଯାଇଥିଲା।
ମେ ୨୦୨୩ ରେ ଏନସିବି ପାକିସ୍ତାନର ଏକ ଜାହାଜରୁ ଅତି କମରେ ୧୨ ହଜାର କୋଟି ଟଙ୍କା ମୂଲ୍ୟର ୨୫୦୦ କିଲୋଗ୍ରାମ ମିଥାମଫେଟାମାଇନ୍ ଜବତ କରିଥିଲା। ଏହି ଜାହାଜ ଭାରତ, ଶ୍ରୀଲଙ୍କା ଏବଂ ମାଲଦ୍ୱୀପର କାର୍ଟେଲକୁ ଡ୍ରଗ୍ସ ହସ୍ତାନ୍ତର କରିବା ପୂର୍ବରୁ ଭାରତ ମହାସାଗରରେ ଅଟକାଯାଇଥିଲା।
