ଭୁବନେଶ୍ବର : ପ୍ରତି ପଞ୍ଚାୟତରେ ହେବାକୁ ଥିବା କୋଭିଡ୍ କେୟାର ହୋମ୍ ପାଇଁ ନିଯୁକ୍ତି ବିଜ୍ଞପ୍ତି ପ୍ରକାଶ ପାଇଛି । ପ୍ରତି ହୋମ୍ ପାଇଁ ଜଣେ ଏଏନ୍ଏମ୍ଙ୍କୁ ଅସ୍ଥାୟୀ ଭାବେ ନିଯୁକ୍ତି ଦିଆଯିବ । ପ୍ରାୟ 7 ହଜାର ଏଏନ୍ଏମ୍ଙ୍କୁ ନିଯୁକ୍ତି ଦେବାକୁ ସ୍ବାସ୍ଥ୍ୟ ବିଭାଗର ବିଜ୍ଞପ୍ତି ପ୍ରକାଶ ହୋଇଛି । ଯଦି ଆବଶ୍ୟକ ତାଲିମପ୍ରାପ୍ତ ଏଏନ୍ଏମ୍ ନ ମିଳିବେ, ନର୍ସ, ଫାର୍ମାସିଷ୍ଟ ନିଯୁକ୍ତ ହେବେ । ଏନେଇ ଏଏନ୍ଏମ୍, ନର୍ସ ଓ ଫାର୍ମାସିଷ୍ଟଙ୍କ ପାରିତୋଷିକ ମଧ୍ୟ ପ୍ରକାଶ ପାଇଲା । ଏଏନ୍ଏମ୍ଙ୍କୁ ଦୈନିକ 850ଟଙ୍କା ମିଳିବ, ସେହିପରି ନର୍ସ ଓ ଫାର୍ମାସିଷ୍ଟଙ୍କୁ 1 ହଜାର ଟଙ୍କା ମିଳିବ ବୋଲି ସୂଚନା ରହିଛି । ଏଏନ୍ଏମ୍, ନର୍ସ ଓ ଫାର୍ମାସିଷ୍ଟମାନଙ୍କୁ ତିନି ମାସ ପାଇଁ ନିଯୁକ୍ତି ଦିଆଯିବ ବୋଲି ସୂଚନା ରହିଛି ।
