The Samikhsya Odia
ବାଲେଶ୍ବର, ନିର୍ବାଚନ କମିଶନରଙ୍କ ନିର୍ଦ୍ଦେଶ ଅନୁସାରେ ବିଭିନ୍ନ ପୁଲିଂ ବୁଥ ମଧ୍ୟରୁ କେତେକ ଆଦର୍ଶ ବୁଥ କରାଯିବ। ଯେଉଁଥିରେ ଭୋଟରଙ୍କ ଭୋଟ ଦେବାକୁ ଆସିଲେ ସ୍ବାଗତ କରାଯିବ। ସେହି ଅନୁସାରେ ବାଲେଶ୍ବର ଏବଂ ତିର୍ତ୍ତୋଲର ବିଭିନ୍ନ ବୁଥକୁ ଆଦର୍ଶ ବୁଥ ଭାବେ କରାଯାଇଛି। କେନ୍ଦ୍ରକୁ ବେଲୁନରେ ସଜାଯିବା ସହିତ ଭୋଟରଙ୍କୁ ଫୁଲ ଦେଇ ଭୋଟ ଗ୍ରହଣ ଭିତରକୁ ନିଆଯାଉଛି। ଏଥିସହିତ ସେମାନେ ଅପେକ୍ଷା କରିବା ପାଇଁ ମଧ୍ୟ ବସିବାର ବନ୍ଦୋବସ୍ତ କରାଯାଇଛି। ଏହାଦ୍ବାରା ଭୋଟରମାନେ ଭୋଟ ଗ୍ରହଣ କେନ୍ଦ୍ରକୁ ଆଗ୍ରହରେ ଆସିବେ ବୋଲି ଆଶା କରାଯାଇଛି।
ଭୁବନେଶ୍ବର, ରାଜ୍ୟରେ ହେବାକୁ ଥିବା ଦୁଇଟି ଉପନିର୍ବାଚନ ପାଇଁ ଭୋଟରଙ୍କ ସଂପର୍କରେ ତଥ୍ୟ ସଂଗ୍ରହ କରିଥିଲା ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ। କାରଣ କରୋନା ପଜେଟିଭ ଏବଂ ବୟସ୍କ ଭୋଟରଙ୍କୁ ସତର୍କତା ସହିତ ମତଦାନ କରିବା ପାଇଁ ବ୍ୟବସ୍ଥା କରାଯିବ। ସେଥିପାଇଁ ସ୍ଥାନୀୟ ନିର୍ବାଚନ ଅଧିକାରୀ ଘରକୁ ଘର ବୁଲି ତିନୋଟି ବର୍ଗର ଭୋଟରଙ୍କ ତଥ୍ୟ ସଂଗ୍ରହ କରିଥିଲେ।ସେମାନେ ହେଲେ ବୟସ୍କ, ଭିନ୍ନକ୍ଷମ ଏବଂ କରୋନା ପଜେଟିଭ ଭୋଟର। ଏମାନଙ୍କୁ ପୋଷ୍ଟାଲ ଭୋଟ ଦେବା ପାଇଁ ଉତ୍ସାହିତ କରାଯାଇଥିଲା। ସେହି ଅନୁସାରେ ଦୁଇ ନିର୍ବାଚନ ମଣ୍ଡଳୀର ଏହି ତିନୋଟି ବର୍ଗର ଭୋଟର ହେଲେ
ତିର୍ତ୍ତୋଲ
ତିନିବର୍ଗର ଭୋଟର ସଂଖ୍ୟା-15253 ଜଣ, ସେମାନଙ୍କ ମଧ୍ୟରୁ ପୋଷ୍ଟାଲ ଭୋଟ ପାଇଁ ରାଜି ହେଲେ 3685 ଜଣ, ବୁଥରେ ଭୋଟ ଦେବେ 9677 ଜଣ ଏବଂ ଅନୁପସ୍ଥିତ ଅଛନ୍ତି 1496 ଜଣ ଭୋଟର।
ତେବେ ଏହି ନିର୍ବାଚନ ମଣ୍ଡଳୀରେ କରୋନା ପଜେଟିଭ ଭୋଟର 340 ଜଣ ଅଛନ୍ତି। ସେମାନଙ୍କ ମଧ୍ୟରୁ 130 ଜଣ ପୋଷ୍ଟାଲ ଏବଂ 210 ଜଣ ବୁଥରେ ଭୋଟ ଦେବେ ବୋଲି ରାଜି ହୋଇଛନ୍ତି।
ବାଲେଶ୍ବର
ଏହି ତିନି ବର୍ଗର ମୋଟ ଭୋଟର ଅଛନ୍ତି 8275 ଜଣ, ପୋଷ୍ଟାଲ ଭୋଟ ଦେବାକୁ ରାଜି ଅଛନ୍ତି 1727 ଜଣ, ବୁଥରେ ଭୋଟ ଦେବା ପାଇଁ ରାଜି ଅଛନ୍ତି 3503 ଜଣ ଏବଂ 902 ଜଣ ଅନୁପସ୍ଥିତ ଅଛନ୍ତି। ତେବେ ଏହି ନିର୍ବାଚନ ମଣ୍ଡଳୀରେ 101 ଜଣ କରୋନା ପଜେଟିଭ ଭୋଟର ଅଛନ୍ତି। ସେମାନଙ୍କ ମଧ୍ୟରୁ 7 ଜଣ ପୋଷ୍ଟାଲ ଭୋଟ ଦେବାକୁ ରାଜି ଥିବା ବେଳେ 94 ଜଣ ବୁଥରେ ଭୋଟ ଦେବେ ବୋଲି କହିଥିଲେ।
ପୋଷ୍ଟାଲ ଭୋଟ ପାଇଁ ବୁଥ ଅଫିସରମାନେ ଭୋଟ ଗ୍ରହଣ ପୂର୍ବଦିନ ଘରକୁ ଘର ବୁଲି ମତଦାନ କରାଇବେ। ସେଥିପାଇଁ ନିର୍ବାଚନ ଅଧିକାରୀଙ୍କ ତରଫରୁ ସ୍ବତନ୍ତ୍ର ବ୍ୟବସ୍ଥା କରାଯାଇଛି। ଯେଉଁମାନେ ପୋଷ୍ଟାଲ ଭୋଟ ଦେବେ ସେମାନଙ୍କୁ ଆଗରୁ ଚିହ୍ନଟ କରାଯାଇ ସୂଚନା ପ୍ରଦାନ କରାଯାଇଛି।
ଭୁବନେଶ୍ବର, ଓଡିଶାର ଦୁଇଟି ଉପନିର୍ବାଚନ ପାଇଁ ବିଜେପି ତାହାର ଷ୍ଟାର ପ୍ରଚାରକ ତାଲିକା ପ୍ରକାଶ କରିଛି। ଏଥିରେ ରାଜ୍ୟର ବଛା ବଛା 30 ଜଣ ନେତା ଅଛନ୍ତି। ସେମାନଙ୍କ ମଧ୍ୟରେ ଧର୍ମେନ୍ଦ୍ର ପ୍ରଧାନ, ପ୍ରତାପ ଷଡଙ୍ଗୀ, ଅପରାଜିତା ଷଡଙ୍ଗୀ, ଜୁଏଲ ଓରାମ ପ୍ରମୁଖ ଅଛନ୍ତି। ଜାଣନ୍ତୁ ବିଜେପିର ସଂପର୍ଣ୍ଣ ଷ୍ଟାର ପ୍ରଚାରକଙ୍କ ନାମ