ଭୁବନେଶ୍ବର: ଆଜି ବିଜେଡି ପଦ୍ମପୁର ଉପନିର୍ବାଚନରେ ବିଶୃଙ୍ଖଳା ସୃଷ୍ଟି କରିଥିବା ବିଜେପି ନେତାଙ୍କ ବିରୋଧରେ ଅଭିଯୋଗ କରିଛି। ବିଜେଡି ନେତା ଲେନୀନ ମହାନ୍ତିଙ୍କ ନେତୃତ୍ବରେ ଏକ ଦଳ ଓଡିଶା ମୁଖ୍ୟ ନିର୍ବାଚନ ଅଧିକାରୀଙ୍କୁ ଦାବୀପତ୍ର ପ୍ରଦାନ କରିଛନ୍ତି। ଏଥିରେ ଉଲ୍ଲେଖ କରାଯାଇଛି ଯେ, ପଦ୍ମପୁରରେ ଜିଏସଟି ଚଢାଉ ବେଳେ ସରକାରୀ ଅଧିକାରୀଙ୍କୁ ବିଜେପି ନେତାମାନେ ଦୁଃବ୍ୟବହାର ପ୍ରଦର୍ଶନ କରିଥିଲେ।
ଏଥିରେ କୁହାଯାଇଛି ଯେ, ବିଜେପି ବିଧାୟିକା କୁସୁମ ଟେଟେ ଜିଏସଟି ଚଢାଉ ବେଳେ ସେଠାରେ ଅଧିକାରୀଙ୍କୁ ବିରୋଧ କରିଥିଲେ। ସେହିପରି ସେଠାରେ ଠାକୁର ରଞ୍ଜିତ ଦାସ, ପିଙ୍କି ପ୍ରାଧାନ, କାଳନ୍ଦୀ ସାମଲ ମଧ୍ୟ ବାଧା ସୃଷ୍ଟି କରିଥିଲେ। ଏ ନେଇ ଜିଏସଟି ଅଧିକାରୀ ଥାନାରେ ଏତଲା ଦେଇଛନ୍ତି। ଏହିମାନଙ୍କୁ ତୁରନ୍ତ ନିର୍ବାଚନ ପ୍ରଚାରରୁ ବହିସ୍କାର କରାଯାଉ ବୋଲି ବିଜେଡି ଅଭିଯୋଗ କରିଛି।