ମହାରାଷ୍ଟ୍ରର ଔରଙ୍ଗବାଦରେ ଚାଲିଥିବା ନବମ ଜାତୀୟ ହକି ଜୁନିୟର ବାଳକ ହକି ଚାମ୍ପିୟନଶିପରେ ଓଡିଶା ଦଳ ଉତ୍ତରପ୍ରଦେଶ ଦଳକୁ ପରାଜିତ କରି ଚାମ୍ପିୟନ ହୋଇଛି। ଗୁରୁବାର ଖେଳାଯାଇଥିବା ଏହି ମ୍ୟାଚ୍ରେ ପେନାଲିଟ୍ ସୁଟ୍ଆଉଟ୍ ଟାଇବ୍ରେକରେ ଓଡ଼ିଶା ୪-୩ ଗୋଲ୍ରେ ଉତ୍ତରପ୍ରଦେଶକୁ ପରାସ୍ତ କରିଛି । ଓଡ଼ିଶା ପାଇଁ ପ୍ରକାଶ ଧୀର, ସୁଶୀଲ୍ ଧନୱର, ଲବଣ ଲୁଗୁନ୍ ଓ ଅଧିନାୟକ କ୍ରିଷ୍ଣା ତିର୍କି ପେନାଲ୍ଟି ସୁଟ୍ଆଉଟ୍ରେ ଗୋଲ୍ ଦେଇଥିଲେ । ୩୦ ମିନିଟ୍ର ଓଡ଼ିଶାର ସୁଶାନ୍ତ ଟପ୍ପୋ ଏକ ଫିଲଡ୍ ଗୋଲ୍ ଦେଇ ଓଡ଼ିଶାକୁ ଆଗୁଆ କରିଥିଲେ । ତେବେ ୪୪ ମିନିଟ୍ରେ ଉତ୍ତରପ୍ରଦେଶର ଆନନ୍ଦ ଶିବମ୍ ଗୋଲ୍ ସୁଝାଇ ଦେଇଥିଲେ । ୬୦ ମିନିଟର ନିର୍ଦ୍ଧାରିତ ସମୟରେ ସ୍କୋର ୧-୧ ଗୋଲ୍ ସ୍ଥିତି ରହିଥିବାରୁ ପେନାଲଟି ସୁଟ୍ଆଉଟ୍ ଟାଇେବ୍ରକର୍ ହୋଇଥିଲା । ଏଥିରେ ଓଡ଼ିଶା ୪-୩ ଗୋଲରେ ଜିତି ଟ୍ରଫି ହାତେଇ ପାରିଥିଲେ ।
