ହାଇଦ୍ରାବାଦ : ନିଜର ଜନ୍ମଦିନରେ ଅପକମିଙ୍ଗ ଫିଲ୍ମ ୱକିଲ ସାବର ପୋଷ୍ଟର ରିଲିଜ କରିଛନ୍ତି ପାୱାର ଷ୍ଟାର ପୱନ କଲ୍ୟାଣ । ନିଜର 49ତମ ଜନ୍ମ ଦିବସରେ ପୱନ କଲ୍ୟାଣ ପୋଷ୍ଟର ଲଞ୍ଚ କରିଛନ୍ତି । ଫିଲ୍ମଟି ବଲିଉଡ ଫିଲ୍ମ ‘ପିଙ୍କ୍’ର ଅଫିସିଆଲ ରିମେକ୍ ବୋଲି ସୂଚନା ରହିଛି । ତେବେ ଏହି ଫିଲ୍ମର କାହାଣୀରେ ସାମାନ୍ୟ ପରିବର୍ତ୍ତନ କରାଯାଇଛି ।
ପୋଷ୍ଟରରେ ପୱନ କଲ୍ୟାଣ ଓକିଲଙ୍କ କଳା ଧଳା ପୋଷାକରେ ରହିଥିବା ବେଳେ ହାତରେ ଏକ ଓକିଲାତି ବହି ଏବଂ ବେସବଲ ବ୍ୟାଟ ଧରିଛନ୍ତି । ସେହିପରି ଫିଲ୍ମର ପ୍ରଯୋଜକ ବୋନି କପୁର ମଧ୍ୟ ପୱନ କଲ୍ୟାଣଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଏହି ଫିଲ୍ମରେ ଅଞ୍ଜଳି, ନିଭେତା ଥୋମାସ ଏବଂ ଅଞ୍ଜଳି ନଗଲ୍ଲା ମୁଖ୍ୟ ଭୂମିକାରେ ନଜର ଆସିବାକୁ ଯାଉଛନ୍ତି । ଏହା ବ୍ୟତୀତ ଏହି ଫିଲ୍ମରେ ପ୍ରକାଶ ରାଜ ଏବଂ ଶ୍ରୁତି ହସନଙ୍କ କ୍ୟାମିଓ ରୋଲ ରହିଛି । (ଏଜେନ୍ସି)
