Tag: pchidambaram

Categories
ଆଜିର ଖବର ଜାତୀୟ ଖବର ବ୍ୟବସାୟ

ପଳାତକଙ୍କ ଋଣ ଛାଡ କରାଯିବା ଅନୁଚିତ : ଚିଦାମ୍ବରମ

ନୂଆଦିଲ୍ଲୀ : ଆରବିଆଇର ଋଣ ଛାଡ ପଲିସିକୁ ସମାଲୋଚନା କରିଛନ୍ତି ପୂର୍ବତନ ଅର୍ଥମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପି ଚିଦାମ୍ବରମ । ଯେଉଁ ବ୍ୟବସାୟୀ ଦେଶ ଛାଡି ପଳାୟନ କରିଛନ୍ତି ତାଙ୍କର ଋଣଛାଡ କରାଯିବା ଅନୁଚିତ୍‌ ବୋଲି ଚିଦାମ୍ବରମ୍‌ ମତ ଦେଇଛନ୍ତି । ମେହୁଲ୍‌ ଚୋକ୍‌ସୀ ଏବଂ ନୀରବ ମୋଦୀଙ୍କ ପରି ପଳାତକଙ୍କ ଋଣଛାଡ କାରଣରୁ ଚିଦାମ୍ବରମ ଏହି ମନ୍ତବ୍ୟ ଦେଇଛନ୍ତି । ଋଣ ଛାଡ ମାମଲାରେ କଂଗ୍ରେସ ଏବଂ ବିଜେପି ପରସ୍ପର ପ୍ରତି କାଦୁଅ ଫିଙ୍ଗିବାରେ ବ୍ୟସ୍ତ ରହିଛନ୍ତି । ନିର୍ମଳା ସୀତାରମଣ କଂଗ୍ରେସକୁ ଦୋଷ ଦେଇଥିବା ବେଳେ ଚିଦାମ୍ବରମ ସରକାରଙ୍କ ଅପାରଗତା ବୋଲି ଦର୍ଶାଇଛନ୍ତି । ଏନେଇ କଂଗ୍ରେସ ସାଂସଦ ରାହୁଲ ଗାନ୍ଧୀ ସଂସଦରେ ପ୍ରଶ୍ନ କରିଥିଲେ ମଧ୍ୟ ଏହାର ଉତ୍ତର ମିଳିନଥିଲା ମାତ୍ର ବର୍ତ୍ତମାନ ଆରଟିଆଇ ମାଧ୍ୟମରେ ଏହି ଉତ୍ତର ମିଳିଛି ବୋଲି ଚିଦାମ୍ବରମ ପ୍ରକାଶ କରିଛନ୍ତି । (ଏଜେନ୍ସି)

Categories
ଆଜିର ଖବର

ଗୁରୁବାର ଦିନ ଏକ ବଡ ଖୋଲାସା କରିବି, ଜେଲରୁ ମୁକୁଳିବା ପରେ କହିଲେ ଚିଦାମ୍ବରମ୍

New Delhi: Former fiance Minister P. Chidambaram peeping through window at his residence after returning home from Tihar Jain on bail, in new Delhi on Dec 4, 2019. (Photo: IANS)

ନୂଆଦିଲ୍ଲୀ,4/12:  ମୁଁ କୌଣସି ଦୁର୍ନିତିରେ ସଂପୃକ୍ତ ନାହିଁ, ହେଲେ ମୋତେ କଣ ପାଇଁ ଜେଲରେ ଭର୍ତ୍ତି କରାଗଲା ତାହାର ଖୋଲାସା କରିବି। ଏହି କଥା କହିଛନ୍ତି ପୂର୍ବତ୍ତନ ଅର୍ଥମନ୍ତ୍ରୀ ତଥା କଂଗ୍ରେସର ବରିଷ୍ଠ ନେତା ପି ଚିଦାମ୍ବରମ। ଆଜି ରାତି ଆଠଟା ବେଳେ ଜେଲରୁ ମୁକୁଳି ଗାଡିରେ ବସିବାକୁ ଯାଉଥିବା ବେଳେ ଗଣମାଧ୍ୟମକୁ ଏ କଥା କହିଛନ୍ତି। ଗୁରୁବାର ମଧ୍ୟାହ୍ନରେ ସେ କଂଗ୍ରେସ ଭବନରେ ଏକ ସାମ୍ବାଦିକ ସମ୍ମିଳନୀ କରିବେ। ଏହି ସମ୍ମିଳନୀରେ ସବୁ କଥା ଦେଶର ଜନସଧାରଣଙ୍କୁ ଜଣାଇବେ ବୋଲି ଚିଦାମ୍ବରମ କହିଛନ୍ତି। ଜେଲରୁ ମୁକୁଳିବା ବେଳେ ତାଙ୍କୁ ନେବା ପାଇଁ ତାଙ୍କ ପୁତ୍ର ତଥା ସାଂସଦ କୀର୍ତ୍ତି ଚିଦାମ୍ବରମ ଅପେକ୍ଷା କରିଥିଲେ। ଏଥିସହିତ କଂଗ୍ରେସ କର୍ମିମାନେ ଚିତାମ୍ବରମ ଜିନ୍ଦାବାଦ କରି ସ୍ଲୋଗାନ ଦେଇଥିଲେ। ଆଇଏନଏକ୍ସ ମିଡିଆ ମାମଲାରେ ଚିତାମ୍ବରମ 106 ଦିନ ଜେଲରେ ଥିଲେ। ଗୁରୁବାର ଦିନ ଚିଦାମ୍ବରମ ସଂସଦକୁ ଯିବେ ବୋଲି ଜଣାପଡିଛି। ଏହାପରେ କଂଗ୍ରେସ ଭବନରେ ଏହି ସାମ୍ବାଦିକ ସମ୍ମିଳନୀ କରିବେ।

ଫଟୋ-ଜେଲରୁ ମୁକୁଳି ଘରେ ପହଁଚିବା ପରେ ଏହି ଫଟୋଟି ନିଆଯାଇଛି

Categories
ଆଜିର ଖବର

ଆଇଏନ୍‌ଏକ୍ସ ମିଡିଆ ମାମଲା : ଚିଦାମ୍ବରମଙ୍କୁ ସୁପ୍ରିମକୋର୍ଟଙ୍କ ଜାମିନ

ନୂଆଦିଲ୍ଲୀ,4/12: ଆଇଏନଏକ୍ସ ମିଡିଆ ମାମଲାରେ ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମଙ୍କୁ ରିହାତି ମିଳିଛି । ବୁଧବାର ସୁପ୍ରିମକୋର୍ଟଙ୍କ ପକ୍ଷରୁ ଚିଦାମ୍ବରମଙ୍କୁ ଜାମିନ ପ୍ରଦାନ କରାଯାଇଛି । ପୂର୍ବରୁ ଦିଲ୍ଲୀ ହାଇକୋର୍ଟ ଏହି ମାମଲାରେ ଜାମିନ ଆବେଦନ ଖାରଜ କରିଥିଲେ । ସୁପ୍ରିମକୋର୍ଟଙ୍କ ପକ୍ଷରୁ ଗଠିତ ତିନି ଜଣିଆ ଖଣ୍ଡପୀଠ ସକାଳ 10.40 ମିନିଟରେ ଚିଦାମ୍ବରମଙ୍କ ଜାମିନ ରାୟ ଶୁଣାଇଥିଲେ । ଜଷ୍ଟିସ୍‌ ଆର ଭାନୁମତୀ, ଏ ଏସ୍‌ ବୋପାନ୍ନା ଏବଂ ହ୍ରିଶିକେଷ ରାୟଙ୍କ ନେତୃତ୍ବରେ ଗଠିତ ଖଣ୍ଡପୀଠ ଏହି ମାମଲାର ଶୁଣାଣି କରିଥିଲେ । ଉଲ୍ଲେଖଯୋଗ୍ୟ ଯେ, ନଭେମ୍ବର 15ରେ ଚିଦାମ୍ବରମଙ୍କ ପକ୍ଷରୁ ଜାମିନ ଆବେଦନ କରାଯାଇଥିବା ବେଳେ ନଭେମ୍ବର 28ରେ ରାୟ ସଂରକ୍ଷିତ ରଖାଯାଇଥିଲା । ମାମଲାର ରାୟ ପ୍ରକାଶ ପରେ ଭାରତୀୟ ନ୍ୟାୟ ବ୍ୟବସ୍ଥାକୁ କର୍ତ୍ତୀ ଚିଦାମ୍ବରମ ଧନ୍ୟବାଦ ଜଣାଇଛନ୍ତି । 106 ଦିନର ଲଢେଇ ପରେ ସତ୍ୟର ବିଜୟ ହେଲା ବୋଲି କର୍ତ୍ତୀ ଟ୍ବିଟ୍‌ କରିଛନ୍ତି । (ଏଜେନ୍ସୀ)