ଲଣ୍ଡନ/ନୂଆଦିଲ୍ଲୀ : ଇସଲାମିକ୍ ଧର୍ମଗୁରୁ ତଥା ପ୍ରବକ୍ତା ଜାକିର ନାଏକର ଟିଭି ଚ୍ୟାନେଲ ଉପରେ 3 ଲକ୍ଷ ପାଉଣ୍ଡର ଜରିମାନା ଲଗାଯାଇଛି । ୟୁକେରେ ଜାକିର୍ ନାଏକର ଦୁଇ ଚ୍ୟାନେଲ ପିସ୍ ଟିଭି ଏବଂ ପିସ୍ ଟିଭି ଉର୍ଦ୍ଦୁ ଉପରେ ଏହି ଜରିମାନା ଲାଗୁ କରାଯାଇଛି । ଘୃଣାଭରା ଭାଷଣ କାରଣରୁ ୟୁକେର ସଂସ୍ଥା ଅଫ୍କମ୍ ପକ୍ଷରୁ 3 ଲକ୍ଷ ପାଉଣ୍ଡ ବା ଭାରତୀୟ ମୁଦ୍ରାରେ 2.75 କୋଟି ଟଙ୍କାର ଜରିମାନା ଲଗାଇଛି । ପିସ୍ ଟିଭିକୁ 1 ଲକ୍ଷ ପାଉଣ୍ଡ ଏବଂ ପିସ୍ ଟିଭି ଉର୍ଦ୍ଦୁକୁ 2 ଲକ୍ଷ ପାଉଣ୍ଡର ଜରିମାନା ଲଗାଯାଇଛି । ଘୃଣା ଭରା ଭାଷଣ ଏବଂ ହତ୍ୟା ପରି ଜିନିଷ ବାରମ୍ବାର ଦେଖାଉଥିବାରୁ ପିସ୍ ଟିଭି ବିରୋଧରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ପିସ୍ ଟିଭିର ମାଲିକ ଜାକିର ନାଏକ ଉଭୟ ଭାରତ ଏବଂ ବାଂଲାଦେଶର ମୋଷ୍ଟ ଓ୍ବାଣ୍ଟେଡ୍ ଅପରାଧୀ । ଉଭୟ ଦେଶରେ ଜାକିର ବିରୋଧରେ ଆତଙ୍କବାଦ ଏବଂ ଅର୍ଥ ହେରଫେରର ଅଭିଯୋଗ ରହିଥିବା ବେଳେ ସେ ମାଲେସିଆରେ ଆତ୍ମଗୋପନ କରିଛି । (ଏଜେନ୍ସି)
