ନୂଆଦିଲ୍ଲୀ,29/12 : ସାମୁଦ୍ରିକ ଝଡ ଟାଇଫୁନ୍ ଫାନ୍ଫୋନ୍ ଫିଲିପାଇନ୍ସରେ ଏହାର ତାଣ୍ଡବ ରଚିଛି । ଫାନ୍ଫୋନ୍ ପ୍ରଭାବରେ 5 ଦିନ ମଧ୍ୟରୋ 41 ଜଣଙ୍କର ମୃତ୍ୟୁ ଘଟିଛି । ଫିଲିପାଇନ୍ସ ସରକାରଙ୍କ ବିପର୍ଯ୍ୟୟ ପ୍ରଶମନ ବିଭାଗ ପକ୍ଷରୁ ରବିବାର ଏହି ସୂଚନା ଦିଆଯାଇଛି । 5 ଦିନ ମଧ୍ୟରେ 41 ଜଣଙ୍କ ପ୍ରାଣହାନି ଘଟିଥିବା ବେଳେ 12 ଜଣ ନିଖୋଜ ଅଛନ୍ତି । ଏହା ସହିତ ଟାଇଫୁନ୍ ପ୍ରଭାବରେ 28 ଜଣ ଆହତ ହୋଇଥିବା ଜଣାପଡିଛି । ପାନାୟ, ସାମାର ଏବଂ ବିସୟସରେ ସର୍ବାଧିକ କ୍ଷତି ଘଟିଥିବା ଜଣାପଡିଛି । ଟାଇଫୁନ୍ କାରଣରୁ 100ଟି ଘରୋଇ ଏବଂ ଅନ୍ତର୍ଜାତୀୟ ବିମାନ ଚଳାଚଳ ବନ୍ଦ ରଖାଯାଇଛି । (ଏଜେନ୍ସୀ)
