Tag: pmla

Categories
ଆଜିର ଖବର ଜାତୀୟ ଖବର

ଏଥର ଫାରୁକ୍ ଅବଦୁଲ୍ଲାଙ୍କ ପାଳି: ଅର୍ଥ ହେରଫେର ମାମଲାରେ ସମନ ପଠାଇଲା ଇଡି

ନୂଆଦିଲ୍ଲୀ: ଜମ୍ମୁ କାଶ୍ମୀର କ୍ରିକେଟ୍ ଆସୋସିଏସନ୍ ସ୍କାମରେ ସମ୍ପୃକ୍ତ ଅର୍ଥ ହେରଫେର ମାମଲାରେ ଜେରା ପାଇଁ ଇଡି ଜମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ଏନସି ନେତା ଫାରୁକ୍ ଅବଦୁଲ୍ଲାଙ୍କୁ ସମନ ପଠାଇଛି।

ମଙ୍ଗଳବାର ଦିନ ଅନୁସନ୍ଧାନକାରୀ ଏଜେନ୍ସି ସମ୍ମୁଖରେ ତାଙ୍କୁ ପଚରାଉଚରା ପାଇଁ ଉପସ୍ଥିତ ରହିବାକୁ କୁହାଯାଇଛି। ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ, ୨୦୦୨ (PMLA) ଅନୁଯାୟୀ ତାଙ୍କୁ ସମନ ପଠାଯାଇଛି। ୨୦୨୨ ମସିହାରେ ଇଡି ଏହି ମାମଲାରେ ଚାର୍ଜସିଟ୍ ଦାଖଲ କରିଥିଲା।

ଚାର୍ଜସିଟରେ କୁହାଯାଇଛି ଯେ, ସଭାପତି ଭାବରେ ତାଙ୍କ କାର୍ଯ୍ୟକାଳ ମଧ୍ୟରେ ଫାରୁକ୍ ଅବଦୁଲ୍ଲା ଜମ୍ମୁ କାଶ୍ମୀର କ୍ରିକେଟ୍ ଆସୋସିଏସନର ଅଧିକାରୀ ତଥା ଅନ୍ୟ ଲୋକଙ୍କ ଦ୍ଵାରା ପ୍ରାପ୍ତ ଅର୍ଥକୁ ଖେଳର ବିକାଶ ନାମରେ ବ୍ୟକ୍ତିଗତ ଲାଭ ପାଇଁ ବ୍ୟବହାର କରିଥିଲେ। ଏହି ପାଣ୍ଠି ଅନେକ ଘରୋଇ ବ୍ୟାଙ୍କ ଆକାଉଣ୍ଟ ଏବଂ ଘନିଷ୍ଠ ସମ୍ପର୍କୀୟଙ୍କୁ ପଠାଯାଇଥିଲା। ପରେ ପାଣ୍ଠି ନିଜ ମଧ୍ୟରେ ବାଣ୍ଟି ଦିଆଗଲା।

୨୦୧୮ ରେ ସିବିଆଇ ଚାର୍ଜସିଟ୍ ଆଧାରରେ ଏହି ମାମଲାରେ PMLA ର ଅନୁସନ୍ଧାନ ଆରମ୍ଭ କରିଥିଲା। ବିସିସିଆଇ ଦ୍ୱାରା ଆସୋସିଏସନକୁ ୧୧୨ କୋଟି ଟଙ୍କା ଦିଆଯାଇଥିଲା। ଏଥିରୁ ୪୩.୬ କୋଟି ଟଙ୍କା ଠକେଇ ହୋଇଥିବା ଅଭିଯୋଗ ହୋଇଛି। ୨୦୦୧ ରୁ ୨୦୧୨ ମଧ୍ୟରେ ଫାରୁକ୍ ଅବଦୁଲ୍ଲା ଜମ୍ମୁ କାଶ୍ମୀର କ୍ରିକେଟ୍ ଆସୋସିଏସନର ସଭାପତି ଥିବାବେଳେ ଏହି ଦୁର୍ନୀତି ଘଟିଥିଲା।

Categories
ଆଜିର ଖବର ଜାତୀୟ ଖବର

ସୁପ୍ରିମକୋର୍ଟଙ୍କ ବଡ ରାୟ: ରଦ୍ଦ ହେଲା PMLA ବିରୋଧରେ ଆବେଦନ, ଜାରି ରହିବ ଗିରଫ ପ୍ରକ୍ରିୟା

ନୂଆଦିଲ୍ଲୀ: ମନି ଲଣ୍ଡରିଂ ଆକ୍ଟ (PMLA) ଅଧୀନରେ ଇଡି ଦ୍ୱାରା ଗିରଫ, ଜବତ ଏବଂ ତଦନ୍ତ ପ୍ରକ୍ରିୟାକୁ ଚ୍ୟାଲେଞ୍ଜ କରୁଥିବା ଆବେଦନ ଉପରେ ସୁପ୍ରିମକୋର୍ଟ ଏହାର ରାୟ ଦେଇଛନ୍ତି। ମନି ଲଣ୍ଡରିଂ ଆକ୍ଟ ମାମଲାରେ ସୁପ୍ରିମକୋର୍ଟ ଇଡିର କ୍ଷମତାକୁ ସବୁଜ ସଙ୍କେତ ଦେଇଛନ୍ତି। PMLA ଅଧୀନରେ ଗିରଫ ହେବାର ଅଧିକାରକୁ ସୁପ୍ରିମକୋର୍ଟ ସମର୍ଥନ କରିଛନ୍ତି। ଗିରଫ ପ୍ରକ୍ରିୟା ମନମୁଖୀ ନୁହେଁ ବୋଲି କୋର୍ଟ କହିଛନ୍ତି। ଅପରାଧ, ସନ୍ଧାନ ଏବଂ ଜବରଦଖଲ, ଗିରଫଦାରୀ, ସମ୍ପତ୍ତି ସଂଲଗ୍ନ ଏବଂ ଜାମିନର ଦ୍ୱିଗୁଣ ସର୍ତ୍ତ ଉପରେ ସୁପ୍ରିମକୋର୍ଟ PMLA ର କଠୋର ବ୍ୟବସ୍ଥାକୁ ସମର୍ଥନ କରିଥିଛନ୍ତି।

କାର୍ତ୍ତି ଚିଦାମ୍ବରମ, ଅନିଲ ଦେଶମୁଖଙ୍କ ଆବେଦନ ସମେତ ମୋଟ ୨୪୨ ଟି ଆବେଦନ ଉପରେ ଏହି ନିଷ୍ପତ୍ତି ନିଆଯାଇଛି। କୋର୍ଟ କହିଛନ୍ତି ଯେ PMLA ଅଧୀନରେ ଗିରଫ ହେବାର ଇଡି ଅଧିକାର ଅକ୍ଷୁର୍ଣ୍ଣ ରହିବ। ଗିରଫ ପ୍ରକ୍ରିୟା ମନମୁଖୀ ନୁହେଁ। ଜଷ୍ଟିସ ଏମ ଖାନୱିଲକର, ଜଷ୍ଟିସ ଦୀନେଶ ମହେଶ୍ୱରୀ ଏବଂ ସିଟି ରବି କୁମାରଙ୍କ ଏକ ସ୍ୱତନ୍ତ୍ର ବେଞ୍ଚ ଏହି ରାୟ ଦେଇଛନ୍ତି।

Categories
ଅନ୍ତରାଷ୍ଟ୍ରୀୟ ଆଜିର ଖବର

ପୂର୍ବତନ ବାଂଲାଦେଶ ମୁଖ୍ୟ ବିଚାରପତିଙ୍କୁ ଗିରଫ ପାଇଁ ନିର୍ଦ୍ଦେଶ

ଢାକା : ବାଂଲାଦେଶର ପୂର୍ବତନ ମୁଖ୍ୟ ବିଚାରପତି ସୁରେନ୍ଦ୍ର କୁମାର ସିହ୍ନାଙ୍କ ଗିରଫ ପାଇଁ କୋର୍ଟ ନିର୍ଦ୍ଦେଶନାମା ଜାରି କରିଛନ୍ତି । ଅର୍ଥ ହେରଫେର ମାମଲାରେ ସିହ୍ନାଙ୍କ ବିରୋଧରେ ଦୁର୍ନୀତି ନିବାରଣ ବିଭାଗ ପକ୍ଷରୁ ମାମଲା ରୁଜୁ କରାଯାଇଥିବା ବେଳେ ସୋମବାର କୋର୍ଟ ସିହ୍ନାଙ୍କ ଗିରଫଦାରୀ ଆଦେଶ ଦେଇଛନ୍ତି । ବାଂଲାଦେଶରୁ ପଳାୟନ କରି ଯୁକ୍ତରାଷ୍ଟ୍ର ଆମେରିକାରେ ଆତ୍ମଗୋପନ କରିଥିବା ସିହ୍ନାଙ୍କ ନାମରେ ଗିରଫ ପରଓ୍ବାନା ଜାରି କରାଯାଇଛି । ଜାନୁୟାରୀ 22 ତାରିଖ ମଧ୍ୟରେ ସିହ୍ନାଙ୍କୁ ଗିରଫ କରି କୋର୍ଟରେ ହାଜର କରିବା ପାଇଁ ପୋଲିସ୍‌କୁ ନିର୍ଦ୍ଦେଶ ଦିଆଯାଇଛି । ଉଲ୍ଲେଖଯୋଗ୍ୟ ଯେ, ସିହ୍ନା ଅକ୍ଟୋବର 13,2017ରେ ଦେଶ ଛାଡି ପଳାୟନ କରିଥିଲେ ଏବଂ ନଭେମ୍ବର 10,2017ରେ ବିଦେଶରୁ ନିଜର ଇସ୍ତଫା ପ୍ରଦାନ କରିଥିଲେ । ଜାନୁୟାରୀ 2015ରେ ସିହ୍ନାଙ୍କୁ ବାଂଲାଦେଶର ମୁଖ୍ୟ ବିଚାରପତି ଭାବରେ ନିଯୁକ୍ତ କରାଯାଇଥିଲା । (ଏଜେନ୍ସୀ)

Categories
ଆଜିର ଖବର

ପୂର୍ବତନ ହରିୟାଣା ମୁଖ୍ୟମନ୍ତ୍ରୀ ଭୁପିନ୍ଦର ହୁଡାଙ୍କୁ ଇଡିର ଜେରା

କର୍ଣ୍ଣାଲ, ୪/୧୨: ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ଭୂପିନ୍ଦର ସିଂ ହୁଡାଙ୍କୁ ଏକ ଜମି ଦୁର୍ନୀତି ମାମଲାରେ ଇଡି ପକ୍ଷରୁ ପଚରା ଉଚୁରା କରାଯାଇଛି । ଗୁରଗାଓଁ ଜମି ଦୁର୍ନୀତି ମାମଲାରେ ହୁଡାଙ୍କ ସମ୍ପୃକ୍ତି ନେଇ ବୁଧବାର ପଚରା ଉଚୁରା କରାଯାଇଥିବା ଜଣାପଡିଛି । ସମାନ ମାମଲାରେ ଜାନୁୟାରୀ 2019ରେ ହୁଡାଙ୍କ ବିରୋଧରେ ସିବିଆଇ ପକ୍ଷରୁ ଏକ ମାମଲା ରୁଜୁ କରାଯାଇଥିଲା । ଗୁରୁଗାଓଁ ଜମି ଦୁର୍ନୀତିରେ ଘରୋଇ ବିଲ୍ଡରଙ୍କୁ ୧୪ଶହ ଏକର ଜମି ପ୍ରଦାନ କରିଥିଲେ । ଏହି ମାମଲା ବ୍ୟତୀତ ହୁଡାଙ୍କ ନାମରେ ଏଜେଏଲ୍‌ ଗ୍ରୁପ୍‌ ସହିତ ଦୁର୍ନୀତି ମାମଲା ରୁଜୁ କରାଯାଇଛି । ନ୍ୟାସନାଲ ହେରାଲ୍ଡ ଖବର କାଗଜ ଚଳାଉଥିବା ଏଜେଏଲ୍‌ ଗ୍ରୁପ୍‌ ସହିତ ହୁଡା ଏକ ଜମି ଦୁର୍ନୀତିରେ ସମ୍ପୃକ୍ତ ଥିବାର ଅଭିଯୋଗ ଆସିଥିଲା । (ଏଜେନ୍ସି)