ନୂଆଦିଲ୍ଲୀ, ରାଜନୀତି ସମୀକ୍ଷା ପରେ ବରିଷ୍ଠ ଟିଭି ସାମ୍ବାଦିକ ରାଜଦୀପ ସରଦେଶାଇ ଷ୍ଟୁଡିଓ ଭିତରେ ନୃତ୍ୟ କରୁଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ତେବେ ରାଜଦୀପ କଣ ପାଇଁ ନୃତ୍ୟ କରୁଛନ୍ତି ସେ ସଂପର୍କରେ ସେ କିଛି ଉଲ୍ଲେଖ କରି ନାହାଁନ୍ତି। ହେଲେ ସୋସିଆଲ ମିଡିଆରେ ଏହା ଉପରେ ବିଭିନ୍ନ ଟିପଣୀ ଦିଆଯାଇଛି। ଅନେକ ଉଲ୍ଲେଖ କରିଛନ୍ତି ଯେ, ଦିଲ୍ଲୀରେ ଆପ ସରକାର ଜିତିବା ପରେ ରାଜଦୀପ ଖୁସିରେ ନୃତ୍ୟ କରୁଛନ୍ତି। ତେବେ ଅନ୍ୟତମ ସାମ୍ବାଦିକ ଅମିଶ ଦେବଗନ ଏହି ଭିଡିଓର ରିପ୍ଲାଇରେ ଲେଖିଛନ୍ତି ଯେ, ଜଣେ ସାମ୍ବାଦିକ ଭାବେ ଏପରି କରିବା ଠିକ୍ ନୁହେଁ। ଏହାର ଉତ୍ତର ମଧ୍ୟ ରାଜଦୀପ ପ୍ରଦାନ କରିଛନ୍ତି। ସେ କହିଛନ୍ତି ଯେ, ନୃତ୍ୟ ନୁହେଁ ପରବର୍ତ୍ତି ସମୟରେ ଗୀତ ମଧ୍ୟ ବୋଲିବି। ଏହି ଭିଡିଓକୁ ନେଇ ସୋସିଆଲ ମିଡିଆରେ ଯେପରି ଚର୍ଚ୍ଚା ହେବାରେ ଲାଗିଛି ରାଜନୈତିକ ମହଲରେ ମଧ୍ୟ ବେଶ୍ ଆଲୋଚନା ମଧ୍ୟ ହେଉଛି।
