Categories
ଆଜିର ଖବର ଜାତୀୟ ଖବର ରାଜ୍ୟ ଖବର ସଂସ୍କୃତି

ରାକ୍ଷୀ ପୂର୍ଣ୍ଣିମାରେ ନବୀନ ନିବାସ ମନା, ଜରୁରୀ କାମରେ ବ୍ୟସ୍ତ ରହିବେ ମୁଖ୍ୟମନ୍ତ୍ରୀ

ଭୁବନେଶ୍ବର: ଆସନ୍ତାକାଲି ରାକ୍ଷୀ ପୂର୍ଣ୍ଣିମା। ଚାରିଆଡେ ରହିବ ଉତ୍ସବ ମୁଖର। ହେଲେ ଆସନ୍ତାକାଲି କୌଣସି ଭଉଣୀ ସମର୍ଥକ ନବୀନ ନିବାସ ଆସିବାକୁ ମନା କରାଯାଇଛି। ଏ ନେଇ ଆଜି ନବୀନ ନିବାସ ତରଫରୁ ସୂଚନା ପ୍ରଦାନ କରାଯାଇଛି। ଏଥିରେ କୁହାଯାଇଛି ଯେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜରୁରୀ କାର୍ଯ୍ୟରେ ବ୍ୟସ୍ତ ରହିବେ। ସେଥିପାଇଁ ସେ କୌଣସି କାର୍ଯ୍ୟକ୍ରମରେ ଯୋଗ ଦେଇପାରିବେ ନାହିଁ।

ତେବେ ପବିତ୍ର ରାକ୍ଷୀ ପୂର୍ଣ୍ଣିମା ଉପଲକ୍ଷେ ମୁଖ୍ୟମନ୍ତ୍ରୀ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି। ପୂର୍ବରୁ କରୋନା ପାଇଁ ନବୀନ ନିବାସ ସଂପୂର୍ଣ୍ଣ ଭାବେ ବନ୍ଦ ରହିଥିଲା। ହୋଲି ହେଉ କିମ୍ବା ରାକ୍ଷୀ କୌଣସି ପର୍ବରେ ନବୀନ ନିବାସ ଯାଇ ମୁଖ୍ୟମନ୍ତ୍ରୀଙ୍କୁ ଭେଟିବା କର୍ମି ନେତାଙ୍କ ମହଲରେ ବେଶ ଆଗ୍ରହ ରହିଥାଏ। ହେଲେ ଚଳିତ ବର୍ଷ ରକ୍ଷା ବନ୍ଧନ ପାଳନ ହେବ ନାହିଁ ବୋଲି ସୂଚନା ଦିଆଯାଇଛି।

Categories
ଆଜିର ଖବର ରାଜ୍ୟ ଖବର ସଂସ୍କୃତି

ରକ୍ଷାବନ୍ଧନରେ ଭାଇଙ୍କ ପାଖକୁ ପଠାନ୍ତୁ ଏହି ଓଡିଆ ବାର୍ତ୍ତା, ମୋବାଇଲରେ କରନ୍ତୁ କପିପେଷ୍ଟ

ଲେଖକ: ହାସ୍ୟମୟୀ ରାଜ

ଆସନ୍ତାକାଲି ହେଉଛି ରାକ୍ଷୀ ପୂର୍ଣ୍ଣିମା। ଭାଇ ହାତରେ ଭଉଣୀ ବାନ୍ଧିବ ରାକ୍ଷୀ। ତେବେ ଯେଉଁ ଭଉଣୀମାନେ ଦୂରରେ ଅଛନ୍ତି, ଭାଇପାଖକୁ ଆସିପାରୁ ନାହାଁନ୍ତି, ସେମାନେ ଅନ୍ତତଃ ରାକ୍ଷୀ ପୂର୍ଣ୍ଣିମା ଦିନ ଏକ ଶୁଭେଚ୍ଛା ବାର୍ତ୍ତାଟିଏ ପଠାଇବା ଉଚିତ। ତଳେ ଥିବା ବାର୍ତ୍ତାଗୁଡିକରୁ ଗୋଟିଏ ପସନ୍ଦ କରି କପିପେଷ୍ଟ କରି ଭାଇଙ୍କ ପାଖଙ୍କୁ ପଠାନ୍ତୁ।

ଶ୍ରାବଣ ପୂର୍ଣ୍ଣିମା ଆସେ
ହୃଦୟକୁ ଉଦ୍ ବେଳିତ କରି
ଭାଇ ପାଇଁ ଭଉଣୀର
କେତେ ଆଶା, ଆଶ୍ୱସନା
ପ୍ରେମ ପ୍ରୀତି ସଂପର୍କର
ମଧୁ ପଡେ ଝରି।

ତୋଳୁଥାଏ ଅନାବିଳ
ସଂପର୍କର ସୂତ୍ରଟିଏ
ଭାଇ ଭଉଣୀର
କହୁଥାଏ କାନେ କାନେ
ସଂପର୍କର ମାନେ ନୁହେଁ
କେବଳ ରକ୍ତର,
ଇଏ ଏକ ଅତୁଟ ବନ୍ଧନ
ହୃଦୟ ଓ ଆତ୍ମାର।

ଭାଇ ହାତେ ଭଉଣୀ ଟି
ବାନ୍ଧିଦିଏ ରାକ୍ଷୀ
ସାମନ୍ୟ ନୁହେଁ ସିଏ ଅସାମାନ୍ୟ
ଭାଇ ପାଇଁ ଭଉଣୀର
ସୁରକ୍ଷା କବଚ
ପବିତ୍ର ଭାବର ବନ୍ଧନ।

ପୁରାଣରୁ ଇତିହାସ ଯାଏ
ଯାର ହୁଏ ଗୁଣଗାନ
ଯୁଗେ ଯୁଗେ ଭାଇ ସାଜେ
ଭଗ୍ନି ପାଇଁ ସୁରକ୍ଷା ବଳୟ
ଭଗ୍ନୀ ପୁଣି କହୁଥାଏ ମନେ ମନେ
ଭାଇ ତାର ହେଉ ଜିତେନ୍ଦ୍ରିୟ।

ଭାରତୀୟ ପରଂପରାର ଏ
ମହାନ ଦର୍ଶନ
ଆଜି ବି ଗୁଞ୍ଜରିତ କାନେ କାନେ
କୃଷ୍ଣ ଆଉ ଦ୍ରୌପଦୀଙ୍କ
ସେଇ ନିଦର୍ଶନ
ଯେଉଁ ସୂତ୍ର ଦିନେ
ପାଲଟିଲା କୋଟି ବସ୍ତ୍ର ହୋଇ
କୁରୁ ସଭାସ୍ଥଳେ
ରକ୍ଷା କଲା ମାନ।

ଇତିହାସ ଆଜି ମୁକ୍ତ କଣ୍ଠରେ
କରୁଛି ନିର୍ଘୋସ
ଆଲେକ୍ଜାଣ୍ଡାର ପତ୍ନୀଙ୍କର
ପୁରୁ ହସ୍ତେ ରାକ୍ଷୀର ବନ୍ଧନ
ରାଣୀ କର୍ଣ୍ଣାବତୀ ପୁଣି ହିମାୟୁନ
ଅନନ୍ୟ ଜ୍ୱଳନ୍ତ ଚିତ୍ର
ଉଦ୍ଭାସିତ ହୁଏ
ଲକ୍ଷ୍ମୀବାଈ ଠାରୁ ପୁଣି ମହାଲକ୍ଷ୍ମୀ ଯାଏ
ସେଇ ଶ୍ରଦ୍ଧା ସୂତ୍ର
ତା\’ର ଜୟଗାନ।

ଆଜି ବି ଶେଷ ହୋଇନାହିଁ
ସେଇ କାହାଣୀର
ମହାନ ସଂପର୍କ
ପୁଣି ଭାଇ ଭଉଣୀର
ଯାହା ଭରୁଥାଏ ଶକ୍ତି
ତୋଳୁଥାଏ ଅପରୂପ
ଛନ୍ଦ ଜୀବନର
ଲାଗୁଥାଏ ସରଗଟା ଅଜାଣତେ
ଆସିଛିକି ଏଇ ମର୍ତ୍ତ୍ୟପୁର।

 

Categories
ଆଜିର ଖବର ଜାତୀୟ ଖବର ଧର୍ମ ରାଜ୍ୟ ଖବର

ବୁଧବାରରେ ରାକ୍ଷୀ ପୂର୍ଣ୍ଣିମା, ହେଲେ ରାକ୍ଷୀ ବାନ୍ଧିବା ସମୟ କେତେବେଳେ, ଦ୍ବନ୍ଦରେ ଭଉଣୀମାନେ

ଭୁବନେଶ୍ବର: ଆସନ୍ତାକାଲି ହେଉଛି ଶ୍ରାବଣ ପୂର୍ଣ୍ଣିମା। ଏହିଦିନ ବଳଭଦ୍ର ଜନ୍ମ ଗ୍ରହଣ କରିଥିଲେ। ଏହିଦିନ ମଧ୍ୟ ଭାଇ ହାତରେ ଭଉଣୀ ରାକ୍ଷୀ ବାନ୍ଧିଥାଏ। ତେବେ ଚଳିତ ବର୍ଷ ରାକ୍ଷୀ ବାନ୍ଧିବା ସମୟକୁ ନେଇ ସମସ୍ତେ ଦ୍ବନ୍ଦରେ ରହିଛନ୍ତି। କାରଣ ହେଲା ଆସନ୍ତାକାଲି 30 ତାରିଖ ବୁଧବାର ସକାଳେ ପୂର୍ଣ୍ଣିମା ପ୍ରବେଶ କରୁଛି। ହେଲେ ମଧ୍ୟ ରାକ୍ଷୀ ବାନ୍ଧିବାକୁ ବାରଣ କରାଯାଉଛି।

ଜ୍ୟୋତିର୍ବିଦଙ୍କ ହିସାବରେ ଆସନ୍ତାକାଲି ସକାଳେ ପୂର୍ଣ୍ଣିମା ପ୍ରବେଶ କରିବା ସହିତ ଭଦ୍ରା ଛାୟା ମଧ୍ୟ ପ୍ରବେଶ କରୁଛି। ଭଦ୍ରା ଛାୟା ରହିଲେ କୌଣସି ଶୁଭ କାର୍ଯ୍ୟ କରାଯାଇପାରିବ ନାହିଁ। ଜ୍ୟୋର୍ତିବିଦଙ୍କ ଅନୁସାରେ ୩୦ ତାରିଖ ସକାଳ ୧୦ ଟା ୫୮ ମିନିଟରେ ପୂର୍ଣ୍ଣିମା ପ୍ରବେଶ ଆରମ୍ଭ ହେଉଛି। ଏହା ୩୧ ତାରିଖ ସକାଳ ୭ ଟା ୫ ମିନିଟରେ ଶେଷ ହେଉଛି।

ସେହିପରି ଭଦ୍ରାକାଳ ୩୦ ତାରିଖ ସେହି ସକାଳ ୧୦ ଟା ୫୮ ମିନିଟରେ ପ୍ରବେଶ କରୁଛି। ହେଲେ ଏହା ରାତି ୯ ଟା ୦୨ ମିନିଟ ପର୍ଯ୍ୟନ୍ତ ରହୁଛି। ସେଥିପାଇଁ ଭଉଣୀମାନେ ରାତି ୯ ଟା ୦୨ ମିନିଟ ପରେ ବାନ୍ଧିପାରିବେ। ତେବେ ରାତିରେ ରାକ୍ଷୀ ବାନ୍ଧିବା ମଧ୍ୟ ଠିକ ହେବ ନାହିଁ ବୋଲି ବିବେଚନା କରାଯାଇଛି।

ସେଥିପାଇଁ ଜ୍ୟୋର୍ତିବିଦଙ୍କ ମତ ଦେଇଛନ୍ତି ଯେ, ଯେହେତୁ  ୩୧ ତାରିଖ ସକାଳ ୭ ଟା ୫ ମିନିଟ୍ ପର୍ଯ୍ୟନ୍ତ ପୂର୍ଣ୍ଣିମା ରହୁଛି। ତେଣୁ ସକାଳ ୭ ଟା ୫ ମିନିଟ ମଧ୍ୟରେ ରାକ୍ଷୀ ବାନ୍ଧି ଦେବା ଉଚିତ ବୋଲି କୁହାଯାଉଛି।

Categories
RakshaBandhan ଜାତୀୟ ଖବର ଧର୍ମ ବିଶେଷ ଖବର

ଆଜି ହେଉଛି ରକ୍ଷା ବନ୍ଧନ, ଜାଣନ୍ତୁ ରାକ୍ଷୀ ବାନ୍ଧିବାର ଶୁଭ ସମୟ କେତେବେଳେ

ନୂଆଦିଲ୍ଲୀ, ଆଜ ହେଉଛି ରାକ୍ଷୀ ପୂର୍ଣ୍ଣିମା। ଏହି ଦିନ ଭଉଣୀମାନେ ନିଜ ଭାଇଙ୍କ ହାତରେ ରାକ୍ଷୀ ବାନ୍ଧିବେ ଏବଂ ଭାଇମାନେ ସେମାନଙ୍କ ଭଉଣୀମାନଙ୍କୁ ସୁରକ୍ଷା ଦେବାକୁ ପ୍ରତିଜ୍ଞା କରିବେ। ରାକ୍ଷା ବନ୍ଧନ ପର୍ବ ଭାଇ-ଭଉଣୀ ପ୍ରେମର ପ୍ରତୀକ ଭାବରେ ବିବେଚନା କରାଯାଏ।

ଜ୍ୟୋତିଷ ଶାସ୍ତ୍ର ଅନୁଯାୟୀ, ଚଳିତ ବର୍ଷ ରକ୍ଷା ବନ୍ଧନ ସମୟରେ ଦୁଇଟି ବିଶେଷ ଶୁଭ ସମୟର ମିଶ୍ରଣ ସଂଗଠିତ ହେଉଛି। ରକ୍ଷା ବନ୍ଧନରେ ଧନିଷ୍ଠା ନକ୍ଷତ୍ର ସହିତ ଶୋଭନ ଯୋଗର ଏକ ଶୁଭ ମିଶ୍ରଣରେ ପରିଣତ ହେଉଛି। ଜ୍ୟୋତିଷ ଶାସ୍ତ୍ରରେ, ଏହି ଶୁଭ ମିଶ୍ରଣକୁ ବହୁତ ଭଲ ବିବେଚନା କରାଯାଏ।  ବିଶ୍ୱାସ କରାଯାଏ ଯେ ଏହି ମିଶ୍ରଣରେ ଉଭୟ ଭାଇ ଓ ଭଉଣୀଙ୍କ ପାଇଁ ରକ୍ଷା ବନ୍ଧନ ଶୁଭ ଏବଂ ଲାଭଦାୟକ ହେବ।

ରାକ୍ଷୀ ବାନ୍ଧିବା ପାଇଁ ସଠିକ୍ ସମୟ

ପଞ୍ଚାଙ୍ଗ ଅନୁଯାୟୀ, ରକ୍ଷା ବନ୍ଧନ ଶୁଭ ଦିନରେ ଶୋଭନ ଯୋଗ ସକାଳ 06.15 ରୁ 10.34 ପର୍ଯ୍ୟନ୍ତ ଥିବାବେଳେ ଧନୀଷ୍ଠା ଯୋଗ ସନ୍ଧ୍ୟା ପ୍ରାୟ 07.40 ମିନିଟ୍ ପର୍ଯ୍ୟନ୍ତ ରହିବ। ଏହି ଯୋଗରେ ରାଖୀ ବାନ୍ଧିବା ସର୍ବୋତ୍ତମ ବୋଲି ବିବେଚନା କରାଯାଏ।

ଶୁଭ ସମୟ: – ୨୨ ଅଗଷ୍ଟ ୨୦୨୧, ରବିବାର ସକାଳ ୦୫:୫୦ ରୁ ୦୬:୦୩ ଅପରାହ୍ନ

ଅପରାହ୍ନରେ ରାକ୍ଷୀ ବନ୍ଧନ ପାଇଁ ସର୍ବୋତ୍ତମ ସମୟ: – ୦୧:୪୪ ରୁ ୦୪:୨୩

ରାକ୍ଷୀ ପ୍ଲେଟରେ ସଜାନ୍ତୁ – ରାଶି ଅନୁଯାୟୀ ରଙ୍ଗୀ, କୁମ୍କୁମ୍, ଅକ୍ଷତ, ଦୀପକ, ମିଠା ଏବଂ ରାକ୍ଷୀ ରଙ୍ଗୀନ

ଶ୍ରାବଣ ପୂର୍ଣ୍ଣିମା ତିଥିର ଆରମ୍ଭ ସମୟ – ୨୧ ଅଗଷ୍ଟ ୨୦୨୧ ୦୭:୦୦ pm ରୁ

ଶ୍ରାବଣ ପୂର୍ଣ୍ଣିମା ତିଥିର ସମାପ୍ତ ସମୟ – ୨୨ ଅଗଷ୍ଟ ୨୦୨୧ ଟା ୦୫:୩୧ pm

ରାକ୍ଷୀ ବନ୍ଧନ ରୀତିନିତି ସମୟ – ୦୬:୧୫ ଇଗ ରୁ ୦୫:୩୧ pm

ରାକ୍ଷୀ ବନ୍ଧନ ପାଇଁ ମଧ୍ୟାହ୍ନରେ – ୦୧:୪୨ ରୁ ୦୪:୧୮ ଅପରାହ୍ନରେ

ରାକ୍ଷୀ ବନ୍ଧନ ଭଦ୍ର ପୁଞ୍ଚ – ୨୨ ଅଗଷ୍ଟ ୦୨:୧୯ ଘଣ୍ଟା ରୁ ୦୩:୨୭ ଘଣ୍ଟା

ରାକ୍ଷୀ ବନ୍ଧନ ଭଦ୍ର ମୁଖ – ୨୨ ଅଗଷ୍ଟ ସକାଳ ୦୩:୨୭ ରୁ ୦୫:୧୯ ପୂର୍ବାହ୍ନ

ରାକ୍ଷୀ ବନ୍ଧନ ଭଦ୍ର ଶେଷ ସମୟ – ୨୨ ଅଗଷ୍ଟ ସକାଳ ୦୬:୧୫ ରୁ