ଚଣ୍ଡିଗଡ଼, ପୁଣି ଚର୍ଚ୍ଚାରେ ଡେରା ସଚ୍ଚା ସୌଦା ମୁଖ୍ୟ ଗୁରୁମିତ ରାମ ରହିମ ସିଂ। ଶିଖ ଧର୍ମଗ୍ରନ୍ଥ ଚୋରି ନେଇ ଏକ ପାଞ୍ଚ ବର୍ଷ ତଳର ମାମଲାରେ ସ୍ୱତନ୍ତ୍ର ତଦନ୍ତକାରୀ ସଂସ୍ଥା ଏସଆଇଟି ଗୁରୁମିତଙ୍କୁ ଅଭିଯୁକ୍ତ କରିଛି। ଜଣେ ସାମ୍ବାଦିକଙ୍କୁ ହତ୍ୟା ଓ ଧର୍ଷଣ ମାମଲାରେ ଗୁରୁମିତ 20 ବର୍ଷ ପାଇଁ ଜେଲଦଣ୍ଡ ଭୋଗୁଛନ୍ତି।
.
2015 ଜୁନ୍ ରେ ପଂଜାବର ବୁର୍ଜ ଜବାହାର ସିଂହ ୱାଲା ଗାଁରୁ ଗୁରୁ ଗ୍ରନ୍ଥ ସାହିବ ଚୋରି କରିବା ଅଭିଯୋଗରେ ଏସଆଇଟି ଡେରା ସଚ୍ଚା ସୌଦାର 7 ଜଣ ସମର୍ଥକଙ୍କୁ ଗିରଫ କରିବା ପରେ ଏକ ମାମଲା ରୁଜୁ କରିଛି। ଏହି ମାମଲାରେ ଗୁରୁମିତ ହେଉଛନ୍ତି ମୁଖ୍ୟ ଅଭିଯୁକ୍ତ। ଗିରଫଙ୍କ ମଧ୍ୟରୁ 5 ଜଣଙ୍କୁ ଜେଲ ପଠାଇ ଦିଆଯାଇଛି।
ଏହି ଚୋରି ଘଟଣା ନେଇ 2015ରେ ପଂଜାବର ବିଭିନ୍ନ ସ୍ଥାନରେ ପ୍ରବଳ ହିଂସା ଓ ପୋଡାଜଳା ଘଟିଥିଲା। ପୋଲିସ ଗୁଳିରେ 2 ଜଣଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଥିଲେ।
ସେ ସମୟରେ ରାଜ୍ୟରେ ଶିରୋମଣି ଅକାଳୀ ଦଳ-ବିଜେପି ସରକାର ଥିଲା। ଆତ୍ମଘୋଷିତ ଗଡମ୍ୟାନ ଗୁରୁମିତଙ୍କୁ ଜେଲରୁ ଅଣାଯାଇ ଏସଆଇଟି ଜେରା କରିବ। ଧର୍ଷଣ ମାମଲାରେ ଅଗଷ୍ଟ 25, 2017ରେ ଡେରା ମୁଖ୍ୟଙ୍କୁ ଦଣ୍ଡାଦେଶ ହେବା ପରେ ପଞ୍ଚକୁଳା ଓ ସିରସାରେ ବ୍ୟାପକ ହିଂସା ଘଟିଥିଲା, ଯେଉଁଥିରେ 41 ଭୋଟରଙ୍କୁ ଆକୃଷ୍ଟ କରି ପାରୁଥିବା ରାମ ରହିମଙ୍କୁ ପଂଜାବ ଓ ହରିଆଣାରେ ବିଭିନ୍ନ ରାଜନୈତିକ ଦଳରୁ ସମର୍ଥନ ମିଳୁଥିବା ଅଭିଯୋଗ ଥିଲା। (ଏଜେନସି)