ନୂଆଦିଲ୍ଲୀ: କଂଗ୍ରେସ ବିଧାୟକ ରାମନିୱାସ୍ ରାୱତ ଆଜି ବିଜେପିରେ ଯୋଗ ଦେଇପାରନ୍ତି। ବିଭିନ୍ନ ସୂତ୍ରରୁ ଏହି ସୂଚନା ମିଳିଛି। ସୂଚନା ଅନୁଯାୟୀ, ସେ ଶ୍ୟୋପୁରର ବିଜୟପୁରରେ ମୁଖ୍ୟମନ୍ତ୍ରୀ ମୋହନ ଯାଦବଙ୍କ ସମ୍ମୁଖରେ ଦଳର ସଦସ୍ୟତା ଗ୍ରହଣ କରିବାକୁ ଯାଉଛନ୍ତି। ସେ ୬ ଥର ବିଧାୟକ ଭାବେ ନିର୍ବାଚିତ ହୋଇଆସିଛନ୍ତି। ସେ କଂଗ୍ରେସର ଜଣେ ବରିଷ୍ଠ ନେତା। ବିଜୟପୁର ଆସନରୁ ବିଧାୟକ ଅଛନ୍ତି। ତାଙ୍କୁ କଂଗ୍ରେସର ଜଣେ ବଡ ଓବିସି ନେତା ଭାବେ ବିବେଚନା କରାଯାଏ। ମଧ୍ୟପ୍ରଦେଶ କଂଗ୍ରେସର କାର୍ଯ୍ୟକାରୀ ସଭାପତି ଭାବରେ ରାମନିୱାସ ରାୱତ ରହିଛନ୍ତି।
ବାସ୍ତବରେ, ଲୋକସଭା ନିର୍ବାଚନର ତୃତୀୟ ପର୍ଯ୍ୟାୟ ପୂର୍ବରୁ କଂଗ୍ରେସ ଏକ ବଡ଼ ଧରଣର ବିପର୍ଯ୍ୟୟର ସମ୍ମୁଖୀନ ହୋଇଛି। ଇନ୍ଦୋରରୁ ଦଳର ପ୍ରାର୍ଥୀ ହୋଇଥିବା ଅକ୍ଷୟ କାନ୍ତୀ ଦଳରୁ ଇସ୍ତଫା ଦେଇ ବିଜେପିରେ ଯୋଗ ଦେଇଛନ୍ତି। ବର୍ତ୍ତମାନ ଖବର ଆସୁଛି ଯେ, ୬ ଥର କଂଗ୍ରେସ ବିଧାୟକ ଥିବା ରାମନିୱାସ୍ ରାୱତ ମଧ୍ୟ ଦଳ ଛାଡିପାରନ୍ତି। ଆଜି ସେ ନିଜେ ବିଜେପିରେ ଯୋଗ ଦେଇପାରନ୍ତି ବୋଲି ବିଶ୍ୱାସ ରହିଛି। ଯଦି ଏହା ଘଟେ ତେବେ ନିର୍ବାଚନ ମଧ୍ୟରେ କଂଗ୍ରେସ ପାଇଁ ଏହା ଏକ ବଡ ଝଟକା ହେବ।