Categories
ଆଜିର ଖବର ଖେଳ ଜାତୀୟ ଖବର

ପରାଜୟ ପରେ ଆରସିବି ଠାରୁ ବଡ କ୍ଷତି, ଜିତିବା ପରେ ମଧ୍ୟ ଗୁଜୁରାଟକୁ ନୁହେଁ, ଏହି ଦୁଇ ଦଳକୁ ମିଳିଲା ଲାଭ

ନୂଆଦିଲ୍ଲୀ: ବୁଧବାର ଖେଳାଯାଇଥିବା ମ୍ୟାଚରେ ଗୁଜୁରାଟ ଟାଇଟାନ୍ସ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ 8 ୱିକେଟରେ ପରାସ୍ତ କରିଛି। ୧୭୦ ରନ୍ ପିଛା କରି ଗୁଜୁରାଟ ଦଳ ୧୭.୫ ଓଭରରେ ଲକ୍ଷ୍ୟ ହାସଲ କରିଥିଲା। ଜୋସ୍ ବଟଲର୍ ୭୩ ରନର ଅପରାଜିତ ଇନିଂସ ଖେଳିଥିଲେ। ଏହାପୂର୍ବରୁ ଦ୍ରୁତ ବୋଲର ମହମ୍ମଦ ସିରାଜ ୪ ଓଭରରେ ମାତ୍ର ୧୯ ରନ୍ ଦେଇ ୩ ୱିକେଟ୍ ନେଇ ଆରସିବି ଉପରେ ଅଘଟଣ ଘଟାଇଥିଲେ। ଏହି ମ୍ୟାଚ୍ ପରେ ଆରସିବି ଆଇପିଏଲର ପଏଣ୍ଟ ଟେବୁଲରେ ଏକ ନମ୍ବର ମୁକୁଟ ହରାଇଛି।

ଟସ୍ ହାରି ପ୍ରଥମେ ବ୍ୟାଟିଂ କରିବାକୁ ଓହ୍ଲାଇଥିବା ଆରସିବିର ପ୍ରଥମ ୱିକେଟ୍ ଦ୍ୱିତୀୟ ଓଭରରେ ବିରାଟ କୋହଲି (୭) ଙ୍କ ରୂପରେ ଖସିଥିଲା। ସେ ଅର୍ଶଦ ଖାନଙ୍କ ବଲରେ ଆଉଟ ହୋଇଥିଲା। ଏହା ପରେ ମହମ୍ମଦ ସିରାଜ ତୃତୀୟ ତଥା ପଞ୍ଚମ ଓଭରରେ ଯଥାକ୍ରମେ ଦେବଦତ୍ତ ପାଦିକଲ (୪) ଏବଂ ଫିଲ୍ ସଲ୍ଟ (୧୪) ଙ୍କୁ ଆଉଟ କରିଥିଲେ। ଏହା ପରେ ରଜତ୍ ପାଟିଦାର ମଧ୍ୟ ୧୨ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ, ଇଶାନ୍ତ ଶର୍ମା ତାଙ୍କୁ ଶିକାର କରିଥିଲେ। ଲିଆମ୍ ଲିଭିଙ୍ଗଷ୍ଟୋନ୍ ୪୦ ବଲରେ ୫୪ ରନ୍ ର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳି ଦଳକୁ ସମ୍ମାନଜନକ ସ୍କୋରରେ ନେବାରେ ସହଯୋଗ କରିଥିଲେ। ଜିତେଶ ଶର୍ମା (୩୩) ଏବଂ ଟିମ୍ ଡେଭିଡ (୩୨) ମଧ୍ୟ ଭଲ ଇନିଂସ ଖେଳିଥିଲେ।

ଟାର୍ଗେଟକୁ ପିଛା କରିବା ବେଳେ ଗୁଜରାଟର ୩୨ ସ୍କୋରରେ ଶୁଭମାନ ଗିଲ (୧୪) ରୂପରେ ପ୍ରଥମ ୱିକେଟ୍ ହରାଇଥିଲା। ଏହା ପରେ ସାଇ ସୁଦର୍ଶନ (୪୯) ଜୋସ୍ ବଟଲରଙ୍କ ସହ ୭୫ ରନ୍ ର ଭାଗିଦାରୀ କରିଥିଲେ। ୩୯ ବଲରେ ବଟଲର ଅପରାଜିତ ୭୩ ରନ୍ ସଂଗ୍ରହ କରିଥିଲେ। ଏହି ଇନିଂସରେ ସେ ୬ ଟି ଛକା ଓ ୫ ଚୌକା ମାରିଥିଲେ। ଏହିପରି ୧୩ ଟି ବଲ ପୂର୍ବରୁ ଗୁଜୁରାଟ ଲକ୍ଷ୍ୟ ହାସଲ କରି ୮ ୱିକେଟ୍ ରେ ଜିତିଥିଲା।

ଆଇପିଏଲ୍ ପଏଣ୍ଟ ସାରଣୀ:

ମ୍ୟାଚ୍ ପୂର୍ବରୁ ଆରସିବି ପଏଣ୍ଟ ଟେବୁଲରେ ଏକ ନମ୍ବର ସ୍ଥାନରେ ରହିଥିଲା, କିନ୍ତୁ ହାରିବା ପରେ ପ୍ରଥମ ସ୍ଥାନ ହରାଇଛି। ଦଳ ତୃତୀୟ ସ୍ଥାନକୁ ଖସି ଆସିଛି। ବିଜୟ ସତ୍ତ୍ୱେ ଗୁଜୁରାଟ ଟାଇଟାନ୍ସ ଚତୁର୍ଥ ସ୍ଥାନରେ ରହିଛି। ୩ ଟି ମ୍ୟାଚରେ ଆରସିବିର ଏହା ପ୍ରଥମ ପରାଜୟ। ଦଳର ନେଟ୍ ରନ୍ ହାର ହେଉଛି +୧.୧୪୯ ରହିଛି। ୩ ଟି ମ୍ୟାଚରେ ଗୁଜୁରାଟର ଏହା ଦ୍ୱିତୀୟ ବିଜୟ ଥିଲା, ଦଳର ନେଟ୍ ରନ୍ ହାର ହେଉଛି +୦.୮୦୭।

ଆରସିବିର ପରାଜୟରୁ ପଞ୍ଜାବ କିଙ୍ଗସ୍ ଏବଂ ଦିଲ୍ଲୀ କ୍ୟାପିଟାଲ୍ସ ଉପକୃତ ହୋଇଛନ୍ତି। ୨ ଟି ମ୍ୟାଚରେ ୨ ଟି ବିଜୟ ସହ ପଞ୍ଜାବ ଏକ ନମ୍ବରରେ ପହଞ୍ଚିଛି, ଦଳର ନେଟ୍ ରନ୍ ହାର ହେଉଛି +୧.୪୮୫। ଦିଲ୍ଲୀ ଉଭୟ ମ୍ୟାଚ୍ ଜିତିଛି, ଏହାର ନେଟ୍ ରନ୍ ହାର +୧.୩୨୦, ପଏଣ୍ଟ ଟେବୁଲରେ ଦଳ ଦ୍ୱିତୀୟ ସ୍ଥାନରେ ରହିଛି।

Categories
ଆଜିର ଖବର ଖେଳ ଜାତୀୟ ଖବର

ବାଙ୍ଗାଲୋରର କ୍ରମାଗତ ତୃତୀୟ ବିଜୟ, ରାଟ-ଫାଫ ଙ୍କ ଆକ୍ରମଣାତ୍ମକ ପାଳିରେ ଗୁଜରାଟକୁ ୪ ୱିକେଟରେ କଲା ପରାସ୍ତ

ନୂଆଦିଲ୍ଲୀ: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଗୁଜୁରାଟ ଟାଇଟାନ୍ସକୁ ପରାସ୍ତ କରିଛି। ଆରସିବି ପାଇଁ ୧୪୮ ରନ୍ ର ଲକ୍ଷ୍ୟ ଥିଲା। ଦଳର ଓପନର୍ ଫାଫ୍ ଡୁ ପ୍ଲେସିସ୍ ଏବଂ ବିରାଟ କୋହଲି ପ୍ରଥମ ୬ ଓଭରରେ ୯୨ ରନ୍ ଯୋଡିଥିଲେ। କିନ୍ତୁ ଏହା ପରେ ୱିକେଟ୍ ଖସିବାର ପ୍ରକ୍ରିୟା ଆରମ୍ଭ ହୋଇଥିଲା। ଦେଖୁ ଦେଖୁ ଆରସିବିର ୬ ଜଣ ବ୍ୟାଟ୍ସମ୍ୟାନ୍ ୧୧୭ ରନ୍ ସ୍କୋରରେ ପାଭିଲିୟନକୁ ଫେରିଥିଲେ। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଥିଲେ, ଷ୍ଟାଡିୟମରେ ନୀରବତା ଖେଳି ଯାଇଥିଲା, କିନ୍ତୁ ଅଭିଜ୍ଞ ଦୀନେଶ କାର୍ତ୍ତିକ ଦଳକୁ ବିଜୟର ଦ୍ଵାରଦେଶରେ ପହଞ୍ଚାଇଥିଲେ। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୧୩.୪ ଓଭରରେ ୬ ୱିକେଟ୍ ହରାଇ ଲକ୍ଷ୍ୟ ହାସଲ କରିଥିଲା।