ଜାପାନ: ଜାପାନ ପ୍ରଧାନମନ୍ତ୍ରୀ ସିଞ୍ଜୋ ଆବେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ମିଳିଥିବା ସୂଚନା ଅନୁସାରେ ସିଞ୍ଜୋ ଦୀର୍ଘ ଦିନ ଧରି ଅସୁସ୍ଥ ରହିଥିବାରୁ ପଦରୁ ଇସ୍ତଫା ଦେଇଛନ୍ତି । । ଏନେଇ ସେ ଔପଚାରିକ ଭାବେ ଘୋଷଣା ମଧ୍ୟ କରିଛନ୍ତି । ଯେ 65 ବର୍ଷିୟ ସିଞ୍ଜୋ ଆବେଙ୍କ ସପ୍ତାହ ମଧ୍ୟରେ ଦୁଇଥର ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଏହା ପୂର୍ବରୁ 2007 ମସିହାରେ ମଧ୍ୟ ଇସ୍ତଫା ଦେଇଥିଲେ । ତେବେ 2012ରେ ବହୁମତ ଜରିଆରେ ପୁନର୍ବାର ସତ୍ତାକୁ ଫେରିଥିଲେ ଆବେ ।
ଏକ ସାମ୍ବାଦିକ ସମ୍ମିଳନୀରେ ଆବେ ଇସ୍ତଫା ଦେବାର ନିଷ୍ପତ୍ତି ସମ୍ପର୍କରେ ସୂଚନା ଦେଇଛନ୍ତି । ପ୍ରଧାନମନ୍ତ୍ରୀ ସିଞ୍ଜୋ ଆବେ ତାଙ୍କ କାର୍ଯ୍ୟାଳୟରେ 7 ବର୍ଷ 8ମାସ ପୂ୍ରଣ କରିଛନ୍ତି । ତେବେ ଆବେଙ୍କ କାର୍ଯ୍ୟକାଳ 2021ରେ ପୂରା ହେବାକୁ ରହିଥିଲା। କିନ୍ତୁ ସ୍ବାସ୍ଥ୍ୟଗତ କାରଣରୁ ଆବେ ନିଜ ପଦବୀରୁ ଇସ୍ତଫା ଦେଇଛନ୍ତି ।
