ଗୁରୁବାରର ଦିନର ପ୍ରାରମ୍ଭିକ ଟ୍ରେଡ୍ ରିପୋର୍ଟ ଅନୁଯାୟୀ ଭାରତୀୟ ମୁଦ୍ରାର ମୂଲ୍ୟ ହ୍ରାସ ପାଇଛି। ଆରବିଆଇର ଅର୍ଥନୈତିକ ରିପୋର୍ଟ ଆସିବାର ଠିକ୍ ପୂର୍ବରୁ ଟଙ୍କାର ମୂଲ୍ୟ ହ୍ରାସ ଘଟିଛି। ଗୁରୁବାର ଡଲାର ତୁଳନାରେ ଟଙ୍କାର ମୂଲ୍ୟ ୧୯ ପଇସା ହ୍ରାସ ପାଇ ୬୯.୪୫ ପଇସାରେ ପହଞ୍ଚିଛି। ସପ୍ତାହ ଆରମ୍ଭରୁ ଲଗାତାର ତିନିଦିନ ଧରି ଟଙ୍କାର ମୂଲ୍ୟ ବଢି ଚାଲିଥିଲା। ମଙ୍ଗଳବାର ଦିନ ଡଲାର ତୁଳନାରେ ଟଙ୍କାର ମୂଲ୍ୟ ୬୯.୨୬ ପଇସା ରହିଛି। ଆଜି ଆରବିଆାଇର ଦ୍ବିମାସିକ ରିପୋର୍ଟ ଆସୁଥିବାରୁ ଏହା ଉପରେ ମଧ୍ୟ ସମସ୍ତଙ୍କ ନଜର ରହିବ। ଅଶୋଧିତ ତୈଳର ମୂଲ୍ୟ ଆନ୍ତର୍ଜାତୀୟ ବଜାରରେ ୦.୨୫ ପ୍ରତିଶତ ବୃଦ୍ଧି ପାଇ ୬୦.୭୮ ଡଲାରରେ ପହଞ୍ଚିବା ଟଙ୍କା ଦୁର୍ବଳ ହେବାର କାରଣ ବୋଲି ଜଣା ପଡିଛି।
