ନୂଆଦିଲ୍ଲୀ: ପୂର୍ବତନ ଭାରତୀୟ କ୍ରିକେଟ ଦଳର ଖେଳାଳି ଶିଖର ଧୱନଙ୍କ ଏକ ପୋଷ୍ଟ ତାଙ୍କ ପ୍ରଶଂସକଙ୍କୁ ଏକ ବଡ଼ ଆଶ୍ଚର୍ଯ୍ୟ ଦେଇଛି। ଶିଖର ଧୱନଙ୍କ ପୋଷ୍ଟ ଦେଖିଲେ ସ୍ପଷ୍ଟ ହେଉଛି ଯେ, ଭାରତୀୟ କ୍ରିକେଟର ‘ଗବ୍ବର’ ପୁଣି ଥରେ ପ୍ରେମରେ ପଡ଼ିଯାଇଛନ୍ତି। ଶିଖର ଧୱନ ତାଙ୍କ କଥିତ ପ୍ରେମିକା ସୋଫି ସାଇନଙ୍କ ସହ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି।
ଶିଖର ଧାୱନ ଆୟର୍ଲାଣ୍ଡ ଝିଅ ସୋଫି ସାଇନଙ୍କ ସହ ତାଙ୍କ ସମ୍ପର୍କକୁ ନିଶ୍ଚିତ କରିଛନ୍ତି। ସୋଫି ଇନଷ୍ଟାଗ୍ରାମ ପୋଷ୍ଟ ସହିତ ଏକ କ୍ୟାପସନ ମଧ୍ୟ ଦେଇଛନ୍ତି, ଯେଉଁଥିରେ MY ସାମ୍ନାରେ ଏକ ଲାଲ ହୃଦୟ ତିଆରି ହୋଇଛି, ଯାହାର ଅର୍ଥ ହେଉଛି – ମୋର ପ୍ରେମ। ଶିଖର ଧୱନଙ୍କୁ ପୂର୍ବରୁ ଅନେକ ସ୍ଥାନରେ ସୋଫିଙ୍କ ସହ ଦେଖିବାକୁ ମିଳିଥିଲା। ସୋଫିଙ୍କୁ ଶିଖରଙ୍କ ସହିତ ବିମାନବନ୍ଦରରେ ଏବଂ IPL ମ୍ୟାଚ୍ ସମୟରେ ମଧ୍ୟ ଦେଖାଯାଇଛି। ଶିଖର ଧୱନଙ୍କ ପ୍ରେମିକା ସୋଫି ସାଇନ୍ ପେଶାରେ ଜଣେ ପ୍ରଡ଼କ୍ଟ କଂସଲ୍ଟଣ୍ଟ।
ଉଲ୍ଲେଖ ଯୋଗ୍ୟ ଯେ, ଶିଖର ଧାୱନ ୨୦୧୨ ମସିହାରେ ଜଣେ ଅଷ୍ଟ୍ରେଲୀୟ ମହିଳା ଆୟଶା ମୁଖାର୍ଜୀଙ୍କୁ ବିବାହ କରିଥିଲେ। ବିବାହର ଦୁଇ ବର୍ଷ ପରେ, ୨୦୧୪ ମସିହାରେ ସେମାନଙ୍କର ଏକ ପୁଅ ହୋଇଥିଲା, ଯାହାର ନାମ ଜୋରାୱର ଥିଲା। ଆୟଶାଙ୍କ ପୂର୍ବ ବିବାହରୁ ଏକ ଝିଅ ମଧ୍ୟ ଥିଲା, ଯାହାକୁ ଶିଖର ଧୱନ ବିବାହ ପରେ ପୋଷ୍ୟ ଭାବରେ ଗ୍ରହଣ କରିଥିଲେ। ନଅ ବର୍ଷର ବିବାହ ପରେ, ଶିଖର ଏବଂ ଆୟଶାଙ୍କ ମଧ୍ୟରେ ସମ୍ପର୍କରେ ଫାଟ ସୃଷ୍ଟି ହୋଇଥିଲା ଏବଂ ଉଭୟ ପରସ୍ପରଠାରୁ ଅଲଗା ହେବାକୁ ନିଷ୍ପତ୍ତି ନେଇଥିଲେ। ଶିଖର ଏବଂ ଆୟଶା ଅକ୍ଟୋବର ୨୦୨୩ ରେ ଛାଡପତ୍ର ନେଇଥିଲେ।
ସୋଫି ସାଇନ୍ କିଏ?:
ଶିଖର ଧୱନଙ୍କ ପ୍ରେମିକା ସୋଫି ସାଇନ୍ ସୋସିଆଲ ମିଡିଆରେ ଜଣେ ପ୍ରସିଦ୍ଧ ବ୍ୟକ୍ତିତ୍ୱ। ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ୧୩୪ ହଜାର ଫଲୋଅର୍ସ ଅଛନ୍ତି। ସୋଫି ପେଶାରେ ଜଣେ ପ୍ରଡ଼କ୍ଟ କଂସଲ୍ଟଣ୍ଟ ଏବଂ ଆବୁଧାବିର ଏକ କମ୍ପାନୀରେ କାମ କରନ୍ତି। ସୋଫି ଆୟରଲ୍ୟାଣ୍ଡର ଲିମେରିକ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରୁ ମାର୍କେଟିଂ ଏବଂ ମ୍ୟାନେଜମେଣ୍ଟରେ ଡିଗ୍ରୀ ହାସଲ କରିଛନ୍ତି। ସୋଫି ସାଇନଙ୍କ ସହିତ ଶିଖର ଧାୱନଙ୍କ ଏହି ଫଟୋ ସେମାନଙ୍କ ସମ୍ପର୍କକୁ ନିଶ୍ଚିତ କରିଛି।
