The Samikhsya Odia
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଟେନିସ୍ ଖେଳାଳି ରୋହନ ବୋପନ୍ନାଙ୍କୁ ଭେଟିଛନ୍ତି। ଅଷ୍ଟ୍ରେଲିଆନ୍ ଓପନ ଜିତିବା ପାଇଁ ସେ ବୋପନ୍ନାଙ୍କୁ ପ୍ରଶଂସା କରି କହିଥିଲେ, ତାଙ୍କ ଉପଲବ୍ଧି ଯୋଗୁ ଭାରତ ଗର୍ବିତ।
ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି:
‘ରୋହନ ବୋପନ୍ନାଙ୍କୁ ଭେଟି ମୁଁ ଖୁସି । ତୁମ ସଫଳତା ଭାରତକୁ ଗର୍ବିତ କରେ ଏବଂ ତୁମ ଉତ୍ସର୍ଗ ଅନେକ ଲୋକଙ୍କୁ ପ୍ରେରିତ କରିଥାଏ । ତୁମର ଭବିଷ୍ୟତର ଉଦ୍ୟମ ପାଇଁ ମୋର ଶୁଭେଚ୍ଛା ।’
ନୂଆଦିଲ୍ଲୀ: ଟେନିସ ଖେଳାଳି ରୋହନ ବୋପାନ୍ନା ଅଷ୍ଟ୍ରେଲିଆନ୍ ଓପନ ଜିତିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କୁ ଅଭିନନ୍ଦନ ଜଣାଇଛନ୍ତି।
ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି:
‘ବାରମ୍ବାର, ଅସାଧାରଣ ପ୍ରତିଭାଶାଳୀ ରୋହନ ବୋପାନ୍ନା ଦେଖାଉଛନ୍ତି ଯେ ବୟସ କେବେ ବାଧା ନୁହେଁ!
ଐତିହାସିକ ଅଷ୍ଟ୍ରେଲିଆନ୍ ଓପନ ଜିତିଥିବାରୁ ତାଙ୍କୁ ଅଭିନନ୍ଦନ।
ତାଙ୍କ ଉଲ୍ଲେଖନୀୟ ଯାତ୍ରା ଆମକୁ ବାରମ୍ବାର ମନେପକାଇଦିଏ ଯେ, ଆମ ଇଚ୍ଛା, କଠିନ ପରିଶ୍ରମ ଏବଂ ଦୃଢ଼ତା ଆମ ସାମର୍ଥ୍ୟକୁ ବ୍ୟାଖ୍ୟା କରେ।’
ତିନି ଗ୍ରାଣ୍ଡସ୍ଲାମ ଟୁର୍ଣ୍ଣାମଣ୍ଟ ବିଜେତା ବ୍ରିଟେନ୍ର ଆଣ୍ଡି ମୁରେ ଆଗାମୀ କ୍ବିନ୍ସ କ୍ଲବ୍ ଟୁର୍ଣ୍ଣାମେଣ୍ଟରୁ ଆନ୍ତର୍ଜାତୀୟ ସର୍କିଟ୍କୁ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି। ଆଣ୍ଠୁ ଅସ୍ତ୍ରୋପଚାର ପରେ ପ୍ରତ୍ୟାବର୍ତ୍ତନ କରିଥିବା ମୁରେ ଚଳିତ ମାସ ଶେଷ ଭାଗରେ ଅନୁଷ୍ଠିତ ଏହି ଟୁର୍ଣ୍ଣାମେଣ୍ଟରୁ ପ୍ରତ୍ୟାବର୍ତ୍ତନ କରିବାର ନିଷ୍ପତ୍ତି ନେଇଛନ୍ତି। ଏହି ଟୁର୍ଣ୍ଣାମେଣ୍ଟରେ ମୁରେ ଉଭୟ ଏକକ ଏବଂ ଯୁଗଳ ବର୍ଗରେ ଭାଗ ନେବେ। ମୁରେ ଶେଷ ଥର ପାଇଁ ଜାନୁୟାରୀରେ ଅଷ୍ଟ୍ରେଲିଆନ ଓପନରେ ଭାଗ ନେଇଥିଲେ। କ୍ବିନ୍ସ କ୍ଲବ୍ ଟୁର୍ଣ୍ଣାମେଣ୍ଟ ପ୍ରତ୍ୟାବର୍ତ୍ତନ କରିବା ପାଇଁ ଏକ ପ୍ରକୃଷ୍ଟ ସ୍ଥାନ ବୋଲି ଏହି ପୂର୍ବତନ ଏକ ନମ୍ବର ଖେଳାଳି ପ୍ରକାଶ କରିଛନ୍ତି। ଅଭ୍ୟାସ ମ୍ୟାଚ୍ରେ ଭଲ ପ୍ରଦର୍ଶନ ପରେ ପ୍ରତ୍ୟାବର୍ତ୍ତନ ପାଇଁ ନିଷ୍ପତ୍ତି ନେଇଛନ୍ତି ମୁରେ। ଯୁଗଳ ବର୍ଗରେ ଫେଲିସିଆନୋ ଲୋପେଜ୍ଙ୍କ ସହ ଏକତ୍ର ମ୍ୟାଚ୍ ଖେଳିବେ ବୋଲି ଜଣାପଡିଛି। ବ୍ରିଟେନ୍ର ୭୭ ବର୍ଷର ଇତିହାସରେ ପ୍ରଥମ ଖେଳାଳି ଭାବରେ ଓ୍ବିମ୍ବିଲଡନ୍ ଜିତିବାର ରେକର୍ଡ ରଖିଛନ୍ତି ମୁରେ। ଏହା ସହିତ ଦୁଇ ଦୁଇ ଥର ଅଲମ୍ପିକ୍ସ ସ୍ବର୍ଣ୍ଣ ପଦକ ବିଜୟୀ ହୋଇଛନ୍ତି ମୁରେ। କ୍ବିନ୍ସ କ୍ଲବ୍ ଟୁର୍ଣ୍ଣାମେଣ୍ଟ ଆସନ୍ତା ଜୁନ୍ ୧୭ରୁ ଆରମ୍ଭ ହେବାକୁ ଯାଉଛି।