Tag: Test Cricket

Categories
ଆଜିର ଖବର ଖେଳ ଜାତୀୟ ଖବର

ଟେଷ୍ଟରେ ଶତକ ହାସଲକାରୀ ୫ ଜଣ ନାଇଟ୍ ଓ୍ଵାଚ୍‍ମ୍ୟାନ୍‍ ବ୍ୟାଟ୍ସମ୍ୟାନ୍

ନୂଆଦିଲ୍ଲୀ: ବିଶେଷଜ୍ଞ ବ୍ୟାଟ୍ସମ୍ୟାନ୍‍ଙ୍କ ବଦଳରେ ବ୍ୟାଟିଂ ଅର୍ଡରକୁ ପଦୋନ୍ନତି ପାଇଥିବା ଏହି ନିମ୍ନକ୍ରମ ବ୍ୟାଟ୍ସମ୍ୟାନ୍ କୁହଯାଏ। ଦଳର ସୁରକ୍ଷା ଅର୍ଥାତ୍ ଗୁରୁତ୍ୱପୂର୍ଣ୍ଣ ୱିକେଟ୍ ବଞ୍ଚାଇବା ଏହି ନାଇଟ୍ ଓ୍ଵାଚ୍ ମ୍ୟାନ୍ ବ୍ୟାଟ୍ସମାନ୍‍ମାନଙ୍କ କାମ। ଏହା ଅଧିକାଂଶ ଦିନର ଖେଳ ଶେଷରେ ହୋଇଥାଏ। ନାଇଟ୍ ଓ୍ଵାଚ୍‍ବ୍ୟାନ୍‍ଭାବେ ଦଳ ଏମିତି ଜଣେ ଖେଳାଳିଙ୍କୁ ଫିଲ୍ଡ କରିଥାଏ, ଯାହାର ୱିକେଟ୍‍ର ବିଶେଷ ମୂଲ୍ୟ ନ ଥାଏ। ଏହାପରେ ମଧ୍ୟ ଅନେକ ନାଇଟ୍ ୱାଚ୍‍ମ୍ୟାନ୍ ବଡ଼ ଇନିଂସ ଖେଳିଥାନ୍ତି। ଆମେ ଆପଣଙ୍କୁ ଏମିତି ୫ ଜଣ ନାଇଟ ୱାଚ୍‍ମ୍ୟାନଙ୍କ ବିଷୟରେ କହିବାକୁ ଯାଉଛୁ ଯେଉଁମାନେ ଟେଷ୍ଟରେ ଶତକ ହାସଲ କରିଛନ୍ତି।

ନସିମ-ଉଲ୍-ଘନି

ପାକିସ୍ତାନର ନସିମ ଉଲ ଘନି ପ୍ରଥମ ବ୍ୟାଟ୍ସମ୍ୟାନ୍‍ଭାବେ ନାଇଟ୍‍ ୱାଚ୍‍ ମ୍ୟାନ ଖେଳାଳିଭାବେ ଖେଳି ଶତକ ହାସଲ କରିଛନ୍ତି। ଲର୍ଡସ ପଡ଼ିଆରେ ଶତକ ହାସଲ କରିବାରେ ସେ ହେଉଛନ୍ତି ପ୍ରଥମ ପାକିସ୍ତାନୀ ବ୍ୟାଟ୍ସମ୍ୟାନ୍। ସେ ୧୦୧ ରନ୍ କରିଥିଲେ।

ଟୋନି ମାନ

ଅଷ୍ଟ୍ରେଲିଆର ଟୋନି ମାନ୍ ମଧ୍ୟ ନାଇଟ୍ ଓ୍ଵାଚ୍ ମ୍ୟାନ୍‍ଭାବେ ଟେଷ୍ଟରେ ଶତକ ହାସଲ କରିଛନ୍ତି। ଭାରତ ବିପକ୍ଷ ୧୯୭୭ ପର୍ଥ ଟେଷ୍ଟରେ ସେ ଏହି ସଫଳତା ହାସଲ କରିଥିଲେ। ତୃତୀୟ ସ୍ଥାନରେ ବ୍ୟାଟିଂ କରିବାକୁ ଆସିଥିବା ମାନ ୧୦୫ ରନ୍ କରିଥିଲେ।

ସୟଦ କିରମାନି

ସୟଦ କିରମାନି ଭାରତୀୟ ଦଳର ୱିକେଟ୍ ରକ୍ଷକ ବ୍ୟାଟ୍ସମ୍ୟାନ୍ ଥିଲେ। ୧୯୭୯ରେ ଅଷ୍ଟ୍ରେଲିଆ ବିପକ୍ଷରେ ନାଇଟ୍ ୱାଚ୍‍ମ୍ୟାନ୍‍ ଭାବେ ସେ ୫ ନମ୍ବର ସ୍ଥାନରେ ରହିଥିଲେ। କିରମାନି ୨୦୬ ବଲ୍‍ରୁ ୧୦୧ ରନ୍ କରିଥିଲେ। ମୁମ୍ବାଇରେ ଖେଳାଯାଇଥିବା ଏହି ମ୍ୟାଚରେ ଭାରତ ଗୋଟିଏ ଇନିଂସ ଓ ୧୦୦ ରନରେ ବିଜୟୀ ହୋଇଥିଲା।

ମାର୍କ ବାଉଚର

ଦକ୍ଷିଣ ଆଫ୍ରିକାର ୱିକେଟକିପର ବ୍ୟାଟ୍ସମ୍ୟାନ୍ ମାର୍କ ବାଉଚର ନାଇଟ୍‍ ୱାଚ୍‍ ମ୍ୟାନ୍‍ ବ୍ୟାଟ୍ସମ୍ୟାନ୍‍ଭାବେ ଦୁଇଥର ଶତକ ହାସଲ କରିଛନ୍ତି। ଗୋଟିଏ ବର୍ଷରେ ସେ ଏହି ସଫଳତା ହାସଲ କରିଥିଲେ। ପ୍ରଥମ ଥର ପାଇଁ ଜିମ୍ବାୱେ ବିପକ୍ଷରେ ସେ ୧୨୫ ରନ୍ କରିଥିଲେ। ଏହାପରେ ଡର୍ବାନରେ ଇଂଲଣ୍ଡ ବିପକ୍ଷରେ ୧୦୮ ରନ୍ କରିଥିଲେ।

ଜେସନ୍‍ ଗିଲେସ୍ପି

ଅଷ୍ଟ୍ରେଲିଆର ଜେସନ୍ ଗିଲେସ୍ପି ତୃତୀୟ ସ୍ଥାନରେ ନାଇଟ୍ ଓ୍ଵାଚ୍ ମ୍ୟାନ୍‍ଭାବେ ବ୍ୟାଟିଂ କରିବାକୁ ଆସିଥିଲେ। ୨୦୦୬ରେ ଚିଟୋଗ୍ରାମ ଟେଷ୍ଟରେ ସେ ୨୦୧ ରନର ଅପରାଜିତ ଇନିଂସ ଖେଳିଥିଲେ। ଦ୍ୱିଶତକ ହାସଲ କରିବାରେ ସେ ଏକମାତ୍ର ନାଇଟ୍‍ ୱାଚ୍‍ ମାନ୍‍ ବ୍ୟାଟ୍ସମ୍ୟାନ୍। ଏହା ମଧ୍ୟ ତାଙ୍କ କ୍ୟାରିୟରର ଶେଷ ମ୍ୟାଚ୍ ଥିଲା।

Categories
ଆଜିର ଖବର ଖେଳ ଜାତୀୟ ଖବର

ଶତକ ଲଗାଇ ରେକର୍ଡ ସୃଷ୍ଟି କଲେ ଅନେକ ରୋହିତ ଶର୍ମା, ବିଶ୍ୱ କ୍ରିକେଟ୍ ମଧ୍ୟ ଚକିତ

ନୂଆଦିଲ୍ଲୀ: ଧର୍ମଶାଳାରେ ଭାରତ ଏବଂ ଇଂଲଣ୍ଡ ମଧ୍ୟରେ ଚାଲିଥିବା ସିରିଜର ଶେଷ ମ୍ୟାଚର ଦ୍ୱିତୀୟ ଦିନରେ ରୋହିତ ଶର୍ମା ଏକ ଶତକ ହାସଲ କରିଛନ୍ତି। ବର୍ତ୍ତମାନର ସିରିଜରେ ରୋହିତ ଶର୍ମାଙ୍କ ବ୍ୟାଟରୁ ଏହା ପ୍ରଥମ ଶତକ ହୋଇଥିବାବେଳେ ଏହା ରୋହିତଙ୍କ ଟେଷ୍ଟ କ୍ୟାରିୟରର ଦ୍ୱାଦଶ ଶତକ। ଏହି ଶତକ ସହିତ ଭାରତୀୟ ଅଧିନାୟକ ଅନେକ ରେକର୍ଡ ତାଲିକାରେ ସ୍ଥାନ ପାଇଛନ୍ତି। ଭାରତ ପାଇଁ ସର୍ବାଧିକ ଶତକ ହାସଲ କରିଥିବା ବ୍ୟାଟ୍ସମ୍ୟାନ୍ ତାଲିକାରେ ରୋହିତ ଶର୍ମା ମିଳିତ ଭାବେ ତୃତୀୟ ସ୍ଥାନରେ ରହିଛନ୍ତି। ଅନ୍ତର୍ଜାତୀୟ କ୍ରିକେଟରେ ୧୦୦ ଶତକ ହାସଲ କରିଥିବା ଏହି ତାଲିକାରେ ସଚିନ ତେନ୍ଦୁଲକର ପ୍ରଥମ ସ୍ଥାନରେ ଅଛନ୍ତି। ଏହା ପରେ ବିରାଟ କୋହଲି ୮୦ ଟି ଆନ୍ତର୍ଜାତୀୟ ଶତକ ସହିତ ଦ୍ୱିତୀୟ ସ୍ଥାନରେ ଅଛନ୍ତି। ରୋହିତ ଶର୍ମା ଏବଂ ରାହୁଲ ଦ୍ରାବିଡ ଅନ୍ତର୍ଜାତୀୟ କ୍ରିକେଟରେ ୪୮-୪୮ ଶତକ ହାସଲ କରିଛନ୍ତି ଏବଂ ସେମାନେ ଏହି ତାଲିକାରେ ତୃତୀୟ ସ୍ଥାନରେ ଅଛନ୍ତି। ଭାରତ ପାଇଁ ଅନ୍ତର୍ଜାତୀୟ କ୍ରିକେଟରେ ବିରେନ୍ଦର ସେହୱାଗ ୩୮ ଶତକ ହାସଲ କରିଛନ୍ତି। ଯେଉଁଠାରେ ସୌରଭ ଗାଙ୍ଗୁଲି ମଧ୍ୟ ୩୮ ଟି ଆନ୍ତର୍ଜାତୀୟ ଶତକ ହାସଲ କରିଛନ୍ତି।

ଏହା ବ୍ୟତୀତ ରୋହିତ ଶର୍ମା ଇଂଲଣ୍ଡ ବିପକ୍ଷରେ ଭାରତୀୟ ଓପନର୍ ଭାବରେ ସର୍ବାଧିକ ଟେଷ୍ଟ ଶତକ ହାସଲ କରିବାରେ ସୁନୀଲ ଗାଭାସ୍କରଙ୍କ ସହ ସମକ୍ଷକ ହେବାରେ ସଫଳ ହୋଇଛନ୍ତି। ଭାରତୀୟ ଓପନର୍ ଭାବରେ ଇଂଲଣ୍ଡ ବିପକ୍ଷରେ ସୁନୀଲ ଗାଭାସ୍କର ଏବଂ ରୋହିତ ଶର୍ମାଙ୍କର ଚାରିଟି ଟେଷ୍ଟ ଶତକ ରହିଛି। ଏହା ପରେ ଏହି ତାଲିକାରେ ବିଜୟ ମର୍ଚ୍ଚାଣ୍ଟ, ମୁରଲୀ ବିଜୟ ଏବଂ କେ.ଏଲ୍ ରାହୁଲ ଅଛନ୍ତି, ଯେଉଁମାନେ ଇଂଲଣ୍ଡ ବିପକ୍ଷରେ ତିନିଟି ଲେଖାଏଁ ଶତକ ହାସଲ କରିଛନ୍ତି।

ଇଂଲଣ୍ଡ ବିପକ୍ଷ ଓପନର୍ ଭାବରେ ଅଧିକାଂଶ ଟେଷ୍ଟ ଶତକ ହାସଲ କରିଥିବା ଭାରତୀୟ ବ୍ୟାଟ୍ସମ୍ୟାନ୍

୪- ସୁନୀଲ ଗାଭାସ୍କର
୪- ରୋହିତ ଶର୍ମା
୩- ବିଜୟ ମର୍ଚ୍ଚାଣ୍ଟ
୩- ମୁରଲୀ ବିଜୟ
୩- କେ.ଏଲ୍ ରାହୁଲ

ଏହା ବ୍ୟତୀତ ଅନ୍ତର୍ଜାତୀୟ କ୍ରିକେଟରେ ଓପନର୍ ଭାବରେ ସର୍ବାଧିକ ଶତକ ହାସଲ କରିଥିବା ବ୍ୟାଟ୍ସମ୍ୟାନ୍ ଙ୍କ ତାଲିକାରେ ରୋହିତ ଶର୍ମା ତୃତୀୟ ସ୍ଥାନରେ ରହିଛନ୍ତି। ଅନ୍ତରାଷ୍ଟ୍ରୀୟ କ୍ରିକେଟରେ ସର୍ବାଧିକ ଶତକ ଲଗାଇବା ରେକର୍ଡ ଡେଭିଡ ୱାର୍ଣ୍ଣରଙ୍କ ନାମରେ ରହିଛି, ଯିଏ ୪୯ ଶତକ ହାସଲ କରିଛନ୍ତି। ଏହା ପରେ ତାଲିକାରେ ସଚିନ ତେନ୍ଦୁଲକରଙ୍କ ୪୫ ଶତକ ରହିଛି। ରୋହିତ ଶର୍ମାଙ୍କ ନାମରେ ୪୩ ଶତକ ଥିବାବେଳେ ସେ ଏହି ତାଲିକାରେ ତୃତୀୟ ସ୍ଥାନରେ ଅଛନ୍ତି। କ୍ରିସ୍ ଗେଲ୍ ଙ୍କ ୪୨ ଶତକ ଥିବାବେଳେ ସନଥ ଜୟସୁରିଆଙ୍କର ୪୧ ଏବଂ ମାଥ୍ୟୁ ହେଡେନ୍ ଙ୍କର ୪୦ ଶତକ ରହିଛି।

ଅନ୍ତର୍ଜାତୀୟ କ୍ରିକେଟ୍ ରେ ଓପନର୍ ଭାବରେ ସର୍ବାଧିକ ଶତକ:

୪୯- ଡେଭିଡ୍ ୱାର୍ଣ୍ଣର
୪୫- ସଚିନ୍ ତେନ୍ଦୁଲକର
୪୩- ରୋହିତ ଶର୍ମା
୪୨- କ୍ରିସ୍ ଗେଲ୍
୪୧- ସନାଥ ଜୟସୁରିଆ
୪୦- ମାଥ୍ୟୁ ହେଡେନ୍।

Categories
ଆଜିର ଖବର ଖେଳ ଜାତୀୟ ଖବର

ରାଞ୍ଚିରେ ବ୍ୟାଟରେ ମା’ ଭାରତୀଙ୍କୁ ବଞ୍ଚାଇଲେ ପୁଅ, କାର୍ଗିଲରେ ବନ୍ଧୁକ ଦେଖାଇ ମା’ ଭାରତୀଙ୍କୁ ବଞ୍ଚାଇଥିଲେ ବାପା

ଭୁବନେଶ୍ଵର: ରାଞ୍ଚି ଟେଷ୍ଟରେ ଭାରତ ବିଜୟୀ ହୋଇଛି। ଏହି ଟେଷ୍ଟ ସହ ଇଂଲଣ୍ଡ ବିପକ୍ଷରେ ଖେଳାଯାଉଥିବା ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ମଧ୍ୟ ଟିମ୍ ଇଣ୍ଡିଆ ନାମରେ ନାମିତ ହୋଇଛି। ସିରିଜର ୪ଟି ମ୍ୟାଚ୍ ପରେ ଟିମ୍ ଇଣ୍ଡିଆ ୩-୧ରେ ଅପରାଜେୟ ଅଗ୍ରଣୀ ହାସଲ କରିଛି।

ରାଞ୍ଚି ଟେଷ୍ଟରେ ଟିମ୍ ଇଣ୍ଡିଆର ବିଜୟର ନାୟକ ଥିଲେ ଧ୍ରୁବ ଜୁରେଲ। ଏହି ଟେଷ୍ଟକୁ ୫ ୱିକେଟରେ ଜିତିବାରେ ସେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଏହି ମ୍ୟାଚର ଉଭୟ ଇନିଂସରେ ସେ ବ୍ୟାଟିଂରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରନ୍ କରିଥିଲେ। ଏହି ଟେଷ୍ଟରେ ସେ ଟିମ୍ ଇଣ୍ଡିଆ ପକ୍ଷରୁ ସର୍ବାଧିକ ରନ ସ୍କୋରର ଥିଲେ।

ପ୍ରଥମ ଇନିଂସରେ ଟିମ୍ ଇଣ୍ଡିଆ ୧୭୭ ରନରେ ୭ ଓ୍ଵିକେଟ୍ ହରାଇଥିବା ବେଳେ ଜୁରେଲ ନିମ୍ନ କ୍ରମବ୍ୟାଟ୍ସମ୍ୟାନଙ୍କ ସହ ଛୋଟ ଓ ଗୁରୁତ୍ୱପୂର୍ଣ୍ଣ ଭାଗିଦାରୀ କରି ଟିମ୍ ଇଣ୍ଡିଆକୁ ୩୦୦ ପାର କରାଇଥିଲେ। ଧ୍ରୁବ ଜୁରେଲଙ୍କ ଇନିଂସ ଯୋଗୁଁ ଭାରତୀୟ ଦଳ ଇଂଲଣ୍ଡକୁ ଚ୍ୟାଲେଞ୍ଜ କରିବା ସ୍ଥିତିରେ ଥିଲା। ଭାରତର ପ୍ରଥମ ଇନିଂସରେ ଜୁରେଲ ୧୪୯ ବଲରେ ୬ ଚୌକା ଓ ୪ ଛକା ସହ ୯୦ ରନ କରିଥିଲେ। ଏହାପରେ ଦ୍ୱିତୀୟ ଇନିଂସରେ ଯେତେବେଳେ ଭାରତୀୟ ଦଳ ମାତ୍ର ୧୨୦ ରନରେ ୫ ୱିକେଟ୍ ହରାଇ ବ୍ୟାକଫୁଟକୁ ଓହ୍ଲାଇଥିଲା, ସେତେବେଳେ ଜୁରେଲ ଶୁବମନ ଗିଲଙ୍କ ସହ ମିଶି ଭାରତକୁ ଜିତାଇଥିଲେ। ଜୁରେଲ ଦ୍ୱିତୀୟ ଇନିଂସରେ ଅପରାଜିତ ୩୯ ରନ କରିଥିଲେ।

ବାସ୍ତବରେ ୨୫ ବର୍ଷ ପୂର୍ବେ ୧୯୯୯ରେ ଭାରତ ଓ ପାକିସ୍ତାନ ମଧ୍ୟରେ କାର୍ଗିଲ ଯୁଦ୍ଧ ହୋଇଥିଲା। ଧ୍ରୁବ ଜୁରେଲଙ୍କ ପିତା ନେମ ସିଂହ ମଧ୍ୟ ଏହି ଯୁଦ୍ଧରେ ଭାଗ ନେଇଥିଲେ। ସେ ଭାରତୀୟ ସେନାରେ ଅଛନ୍ତି। ବର୍ତ୍ତମାନ ସେ ଅବସର ନେଇଥିଲେ ମଧ୍ୟ କାର୍ଗିଲ ଯୁଦ୍ଧ ସମୟରେ ସେ ଭାରତର ସୀମାର ସୁରକ୍ଷାରେ ଠିଆ ହୋଇଥିଲେ।

ପଛରେ ଥାଇ ମଧ୍ୟ ଟେଷ୍ଟ ଜିତିଲା ଭାରତ

ରାଞ୍ଚି ଟେଷ୍ଟରେ ଇଂଲଣ୍ଡ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଇଂଲଣ୍ଡ ତା’ର ପ୍ରଥମ ଇନିଂସରେ ୩୫୩ ରନ କରିଥିଲା। ଟିମ୍ ଇଣ୍ଡିଆ ଏଠାରେ ୧୭୭ ରନରେ ୭ ଓ୍ଵିକେଟ୍ ହରାଇଥିଲା, କିନ୍ତୁ ଏହା ପରେ ଧ୍ରୁବ ଜୁରେଲଙ୍କ ବ୍ୟାଟିଂ ବଳରେ ଭାରତର ପ୍ରଥମ ଇନିଂସ୍ ୩୦୭ ରନରେ ଶେଷ ହୋଇଥିଲା। ଫଳରେ ଇଂଲଣ୍ଡ ଦଳ ପ୍ରଥମ ଇନିଂସ୍ ଆଧାରରେ ୪୬ ରନର ଅଗ୍ରଣୀ ହାସଲ କରିଥିଲା। ଏଠାରେ ତୃତୀୟ ଇନିଂସରେ ପିଚ୍ ଟିକେ ଖରାପ ଦେଖାଯାଉଥିଲା ଏବଂ ଇଂଲଣ୍ଡ ଦଳ ମାତ୍ର ୧୪୫ ରନ୍ କରି ଅଲ୍ ଆଉଟ୍ ହୋଇଯାଇଥିଲା। ଫଳରେ ଟିମ୍ ଇଣ୍ଡିଆକୁ ୧୯୨ ରନର ଟାର୍ଗେଟ ମିଳିଥିଲା, ଯାହାକୁ ସେମାନେ ୫ ୱିକେଟ୍ ବାକି ଥାଇ ହାସଲ କରିନେଇଥିଲେ।

Categories
ଆଜିର ଖବର ଖେଳ ଜାତୀୟ ଖବର

ଜସପ୍ରୀତ ବୁମ୍ରା ହେଲେ ବିଶ୍ୱର ଏକ ନମ୍ବର ବୋଲର, ଟି -୨୦ ଏବଂ ODI ପରେ ଏବେ ଟେଷ୍ଟରେ ମଧ୍ୟ ନମ୍ବର ୱାନ

ନୂଆଦିଲ୍ଲୀ: ଟେଷ୍ଟ କ୍ରିକେଟ୍ ର଼୍ୟାଙ୍କିଙ୍ଗରେ ଟିମ୍ ଇଣ୍ଡିଆର ତାରକା ଦ୍ରୁତ ବୋଲର ଜସପ୍ରୀତ ବୁମ୍ରା ଏକ ନମ୍ବର ବୋଲର ହୋଇଛନ୍ତି। ଜସପ୍ରୀତ ବୁମ୍ରା ହେଉଛନ୍ତି ପ୍ରଥମ ବୋଲର ଯିଏକି ODI, ଟି -୨୦ ଏବଂ ଟେଷ୍ଟ କ୍ରିକେଟରେ ଏକ ନମ୍ବର ବୋଲର ହୋଇଛନ୍ତି। ଆଜି ପ୍ରକାଶିତ ନୂତନ ଆଇସିସି ଟେଷ୍ଟ ମାନ୍ୟତାରେ ଜସପ୍ରୀତ ବୁମ୍ରା ଏହି ପଦ ହାସଲ କରିଛନ୍ତି। ଇଂଲଣ୍ଡ ବିପକ୍ଷରେ ଶେଷ ହୋଇଥିବା ଦ୍ୱିତୀୟ ଟେଷ୍ଟ ମ୍ୟାଚରେ ଜସପ୍ରୀତ ବୁମ୍ରା ମଧ୍ୟ ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କାର ପାଇଥିଲେ। ମାତ୍ର ୩୪ ଟି ମ୍ୟାଚ୍ ଖେଳିବା ପରେ ଜସପ୍ରୀତ ବୁମ୍ରା ଟେଷ୍ଟ କ୍ରିକେଟରେ ଏକ ନମ୍ବର ସ୍ଥାନ ହାସଲ କରିଛନ୍ତି। ବୁମ୍ରାଙ୍କ ବ୍ୟତୀତ ଅଶ୍ୱିନ ଏବଂ ଜାଡେଜା ମଧ୍ୟ ଶ୍ରେଷ୍ଠ ୧୦ ବୋଲରଙ୍କ ମଧ୍ୟରେ ସ୍ଥାନ ପାଇଛନ୍ତି।

ଜସପ୍ରୀତ ବୁମ୍ରା ଭାରତର ତାରକା ସ୍ପିନର ଆର ଅଶ୍ୱିନଙ୍କୁ ପଛରେ ପକାଇ ଟେଷ୍ଟ କ୍ରିକେଟର ଏକ ନମ୍ବର ବୋଲର ହୋଇଛନ୍ତି। ସର୍ବଶେଷ ର଼୍ୟାଙ୍କିଙ୍ଗରେ ଅଶ୍ୱିନ ଦୁଇଟି ସ୍ଥାନ ହରାଇ ତୃତୀୟ ସ୍ଥାନକୁ ଆସିଛନ୍ତି। ଜସପ୍ରୀତ ବୁମ୍ରା ତିନୋଟି ସ୍ଥାନକୁ ଡେଇଁଛନ୍ତି। ୮୮୧ ପଏଣ୍ଟ ସହ ବୁମ୍ରା ଏକ ନମ୍ବର ସ୍ଥାନ ଅଧିକାର କରିଛନ୍ତି। ଦକ୍ଷିଣ ଆଫ୍ରିକାର ତାରକା ଦ୍ରୁତ ବୋଲର ରାବାଡା ର଼୍ୟାଙ୍କିଙ୍ଗରେ ଦ୍ୱିତୀୟ ସ୍ଥାନରେ ଅଛନ୍ତି। ରାବାଡା ୮୫୧ ପଏଣ୍ଟ ପାଇଛି। ଆଇସିସି ଟେଷ୍ଟ ମାନ୍ୟତାରେ ୮୪୧ ପଏଣ୍ଟ ସହ ଆର ଅଶ୍ୱିନ ତୃତୀୟ ସ୍ଥାନରେ ଅଛନ୍ତି। ଭାରତର ତାରକା ସ୍ପିନର ରବିନ୍ଦ୍ର ଜାଡେଜା ୭୪୬ ପଏଣ୍ଟ ସହ ବୋଲର ମାନ୍ୟତାରେ ୯ମ ସ୍ଥାନକୁ ଖସି ଆସିଛନ୍ତି।

ଟେଷ୍ଟ କ୍ରିକେଟ୍ ଇତିହାସରେ ସବୁଠାରୁ ସଫଳ ପ୍ରତ୍ୟାବର୍ତ୍ତନ ଭାବରେ ଜସପ୍ରୀତ ବୁମରାଙ୍କ ପ୍ରତ୍ୟାବର୍ତ୍ତନ ମଧ୍ୟ ଦେଖିବାକୁ ମିଳେ। ୨୦୨୨ ମସିହାରେ ଜସପ୍ରୀତ ବୁମ୍ରା ପିଠିରେ ଆଘାତ ହେତୁ ପ୍ରାୟ ଏକ ବର୍ଷ କ୍ରିକେଟ୍ ପଡ଼ିଆରୁ ଦୂରରେ ରହିଥିଲେ। ଗତ ବର୍ଷ ବୁମରା ସୀମିତ ଓଭର ଜରିଆରେ କ୍ରିକେଟ୍ ପଡ଼ିଆକୁ ଫେରିଥିଲେ। ଚଳିତ ବର୍ଷ ଆରମ୍ଭରେ ମାତ୍ର ୪ ଟି ଟେଷ୍ଟ ଖେଳିବା ପରେ ଜସପ୍ରୀତ ବୁମ୍ରା ବୋଲର ମାନ୍ୟତାରେ ଏକ ନମ୍ବର ସ୍ଥାନ ହାସଲ କରିଛନ୍ତି। ବୁମରାଙ୍କର ଏହି ସଫଳତା ମଧ୍ୟ ବିଶେଷ କାରଣ ସେ ସ୍ପିନରଙ୍କ ପାଇଁ ସହାୟକ ହୋଇଥିବା ଏକ ପିଚରେ ୯ ୱିକେଟ୍ ନେଇ ଚମତ୍କାର କରିଥିଲେ ଏବଂ ଇତିହାସ ସୃଷ୍ଟି କରିଥିଲେ।

Categories
ଆଜିର ଖବର ଖେଳ ଜାତୀୟ ଖବର

ବିରାଟ କୋହଲିଙ୍କ ପରି କେହି ନାହିଁ, ଆଇସିସି ଟାଇଟଲ ଜିତିବାରେ ସବୁଠୁ ଆଗରେ

ନୂଆଦିଲ୍ଲୀ: ଆଇସିସି ଟାଇଟଲ୍ ଜିତିବାରେ ବିରାଟ କୋହଲି ଶୀର୍ଷ ସ୍ଥାନରେ ଅଛନ୍ତି। କୋହଲି ହେଉଛନ୍ତି ଖେଳାଳି ଯିଏକି ଏପର୍ଯ୍ୟନ୍ତ ସର୍ବାଧିକ ବ୍ୟକ୍ତିଗତ ଆଇସିସି ଟାଇଟଲ୍ ଜିତିଛନ୍ତି। କୋହଲିଙ୍କୁ 2023 ପାଇଁ ଆଇସିସି ODI କ୍ରିକେଟର ଅଫ୍ ଦି ଇୟର ପୁରସ୍କାର ପ୍ରଦାନ କରାଯାଇଛି। ଏହି ଟାଇଟଲ୍ ସହିତ କୋହଲିଙ୍କ ନାମରେ ମୋଟ 10 ଟି ବ୍ୟକ୍ତିଗତ ଆଇସିସି ପୁରସ୍କାର ରହିଛି।

ଆଇସିସି ଟାଇଟଲ ଜିତିବା ପରିପ୍ରେକ୍ଷୀରେ ଶ୍ରୀଲଙ୍କାର ପୂର୍ବତନ ୱିକେଟ୍ କିପର ବ୍ୟାଟ୍ସମ୍ୟାନ୍ କୁମାର ସାଙ୍ଗାକାରା ଏବଂ ପୂର୍ବତନ ଭାରତୀୟ ଅଧିନାୟକ ଏମ.ଏମ ଧୋନି ମିଳିତ ଭାବେ ଦ୍ୱିତୀୟ ସ୍ଥାନରେ ଅଛନ୍ତି। ଉଭୟ ଖେଳାଳି ନିଜ ନିଜ କ୍ୟାରିଅରରେ 4 ଟି ବ୍ୟକ୍ତିଗତ ଆଇସିସି ଟାଇଟଲ୍ ଜିତିଛନ୍ତି। କିନ୍ତୁ କୋହଲି 10 ଟି ବ୍ୟକ୍ତିଗତ ଆଇସିସି ଟାଇଟଲ୍ ଜିତିଛନ୍ତି। ଅର୍ଥାତ୍ ଆଇସିସି ପୁରସ୍କାର ଜିତିବା କ୍ଷେତ୍ରରେ କୌଣସି ଖେଳାଳି କୋହଲିଙ୍କ ନିକଟତର ନୁହଁନ୍ତି।

କୋହଲି ପ୍ରଥମ ଥର ପାଇଁ ନୁହେଁ ବରଂ ଚତୁର୍ଥ ଥର ପାଇଁ ଆଇସିସି ODI କ୍ରିକେଟର ହୋଇଛନ୍ତି। ସେ ପ୍ରଥମେ ଏହି ଟାଇଟଲ୍ ଜିତିଥିଲେ, ଯେତେବେଳେ ତାଙ୍କୁ ମାତ୍ର 24 ବର୍ଷ ହୋଇଥିଲା। ବର୍ତ୍ତମାନ ସେ 35 ବର୍ଷ ବୟସରେ ଚତୁର୍ଥ ଥର ପାଇଁ ଏହି ପୁରସ୍କାର ଜିତିଛନ୍ତି। ଏହି ସମୟରେ, କୋହଲି 2017 ଏବଂ 2018 ରେ ଆଇସିସି ODI କ୍ରିକେଟର ହୋଇଛନ୍ତି।

ଚଳିତ ବର୍ଷର ଆଇସିସି ODI କ୍ରିକେଟର ଅଫ୍ ଦି ଇୟର ପୁରସ୍କାର ସହିତ କୋହଲି ପ୍ରଥମ କ୍ରିକେଟର ଭାବରେ 10 ଟି ଆଇସିସି ପୁରସ୍କାର ଜିତିଛନ୍ତି। ଏହା ବ୍ୟତୀତ ସେ ପ୍ରଥମ କ୍ରିକେଟର ଭାବରେ ଆଇସିସି ODI କ୍ରିକେଟର ଅଫ୍ ଦି ଇୟର ପୁରସ୍କାର ଜିତିଛନ୍ତି।

ଏଗୁଡ଼ିକ ହେଉଛି କୋହଲିଙ୍କ ମୋଟ 10 ଆଇସିସି ପୁରସ୍କାର:

କ୍ରିକେଟର ଅଫ ଦ ଡିକେଡ- 2010
ODI କ୍ରିକେଟର ଅଫ ଦ ଡିକେଡ- 2010
ODI କ୍ରିକେଟର ଅଫ ଦ ଡିକେଡ- 2012
ODI କ୍ରିକେଟର ଅଫ ଦ ଡିକେଡ- 2017
କ୍ରିକେଟର ଅଫ ଦ ଇୟର- 2017
କ୍ରିକେଟର ଅଫ ଦ ଇୟର- 2018
ଟେଷ୍ଟ କ୍ରିକେଟ୍ ଅଫ ଦ ଇୟର- 2018
ODI କ୍ରିକେଟର ଅଫ ଦ ଇୟର- 2018
ସ୍ପିରିଟ୍ ଅଫ୍ କ୍ରିକେଟ୍ ପୁରସ୍କାର- 2019
ODI କ୍ରିକେଟର ଅଫ ଦ ଇୟର- 2023

ସମସ୍ତ ତିନୋଟି ଫର୍ମାଟରେ କରିଛନ୍ତି କମାଲ:

କ୍ରିକେଟ୍ ଇତିହାସରେ ସେହି ଅଳ୍ପ ଖେଳାଳିଙ୍କ ମଧ୍ୟରୁ ବିରାଟ କୋହଲି ଅନ୍ୟତମ, ଯିଏ ନିଜକୁ ତିନୋଟି ଫର୍ମାଟରେ ଖାପ ଖୁଆଇ ଚମତ୍କାର ପ୍ରଦର୍ଶନ କରିବାର କ୍ଷମତା ରଖିଛନ୍ତି। ବର୍ତ୍ତମାନ ପର୍ଯ୍ୟନ୍ତ ଭାରତୀୟ ବ୍ୟାଟ୍ସମ୍ୟାନ୍ 113 ଟେଷ୍ଟ, 292 ODI ଏବଂ 117 ଟି -20 ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି।

ଟେଷ୍ଟର 191 ଇନିଂସରେ ସେ 29 ଶତକ ଏବଂ 30 ଟି ଅର୍ଦ୍ଧଶତକ ସହାୟତାରେ 8848 ରନ୍ ସ୍କୋର କରିଛନ୍ତି, ଯେଉଁଥିରେ ତାଙ୍କର ଉଚ୍ଚ ସ୍କୋର 254 * ରନ୍ ରହିଛି।

ଏହା ବ୍ୟତୀତ ODI ର 280 ଇନିଂସରେ ବ୍ୟାଟିଂ କରୁଥିବାବେଳେ କୋହଲି ହାରାହାରି 58.67 ରେ 13848 ରନ୍ ସଂଗ୍ରହ କରିଛନ୍ତି। ଏହି ଅବଧି ମଧ୍ୟରେ ସେ 50 ଶତକ ଏବଂ 72 ଅର୍ଦ୍ଧଶତକ ହାସଲ କରିଛନ୍ତି। କୋହଲି ହେଉଛନ୍ତି ସେହି ଖେଳାଳି ଯିଏ ODI କ୍ରିକେଟରେ ସର୍ବାଧିକ ଶତକ ହାସଲ କରିଛନ୍ତି।

ଟି -20 ଇଣ୍ଟରନ୍ୟାସନାଲ୍ ର 109 ଇନିଂସରେ କୋହଲିଙ୍କ ବ୍ୟାଟରୁ 4037 ରନ୍ ସ୍କୋର କରାଯାଇଛି। ଏହି ଅବଧିରେ ସେ ହାରାହାରି 51.75 ଏବଂ ଷ୍ଟ୍ରାଇକ୍ ରେଟ୍ 138.15 ରେ ବ୍ୟାଟିଂ କରିଛନ୍ତି। କୋହଲି ଟି -20 ଇଣ୍ଟରନ୍ୟାସନାଲରେ 1 ଶତକ ଏବଂ 37 ଅର୍ଦ୍ଧଶତକ ସ୍କୋର କରିଛନ୍ତି। ଏହି ଫର୍ମାଟରେ କୋହଲି ସର୍ବାଧିକ ରନ୍ ସ୍କୋରର।

Categories
ଆଜିର ଖବର ଖେଳ

ଚାରି ମାସ ପରେ କାଲିଠୁ ଫେରିବ ଟେଷ୍ଟ କ୍ରିକେଟ, ବିନା ଦର୍ଶକରେ ଖେଳାଯିବ ମ୍ୟାଚ୍

ସାଉଥ୍ଆମ୍ପଟନ, ମହାମାରୀ କରୋନା ପାଇଁ ଚାରି ମାସର ବିରତି ପରେ ପୁଣି ଥରେ ଷ୍ଟାଡିୟମକୁ ଫେରିବ ଅନ୍ତର୍ଜାତୀୟ କ୍ରିକେଟ। ଆସନ୍ତାକାଲି ଠାରୁ ସାଉଥ୍ଆମ୍ପଟନ ଠାରେ ଇଂଲଣ୍ଡ ଓ ୱେଷ୍ଟଇଣ୍ଡିଜ ମଧ୍ୟରେ ଆରମ୍ଭ ହେବ ତିନି ଟିକିଆ ଟେଷ୍ଟ ସିରିଜ। କୋଭିଡ-19 ପରବର୍ତୀ ଅବସ୍ଥାରେ ଅନ୍ତର୍ଜାତୀୟ ସ୍ତରରେ ଏହା ହେବ ପ୍ରଥମ ଟେଷ୍ଟ ମ୍ୟାଚ୍। ହେଲେ ଇଣ୍ଟରନ୍ୟାସନାଲ କ୍ରିକେଟ କାଉନସିଲର ନୂଆ ନିୟମରେ ଖେଳାଯିବ।

ନୂଆ ନିୟମ ଅନୁଯାୟୀ ଖେଳାଳି ମାନେ ବଲରେ ଲାଳ ଲଗାଇ ପାରିବେ ନାହିଁ। ପଡିଆ ଭିତରେ କୌଣସି ପ୍ରକାର ସେଲିବ୍ରେସନ କରିବେ ନାହିଁ। ମ୍ୟାଚ୍ ଖେଳାଯିବା ବେଳେ ଷ୍ଟାଡିୟମରେ ଦର୍ଶକ ରହିବେ ନାହିଁ। କରୋନା ଭୂତାଣୁକୁ ରୋକିବା ସକାଶେ ଆଇସିସିର ପରିବର୍ତ୍ତିତ ନିୟମାବଳୀ ଅନୁଯାୟୀ ମ୍ୟାଚ୍ ଖେଳାଯିବ।

ଏହି ଐତିହାସିକ ସିରିଜରେ ସମସ୍ତଙ୍କ ନଜର ଅଲ ରାଉଣ୍ଡର ବେନ ଷ୍ଟୋକସ ଏବଂ ଜାସନ ହୋଲଡରଙ୍କ ଉପରେ ରହିବ। ଦୁଇ ଦଳର ଶକ୍ତି ଦେଖିଲେ ସିରିଜ ଜିତିବା ନେଇ ଉଭୟ ଦଳ ଦାବିଦାର ରହିଛନ୍ତି। ଗତ ଟେଷ୍ଟ ସିରିଜରେ ୱେଷ୍ଟଇଣ୍ଡିଜ 2-1ରେ ଇଂଲଣ୍ଡକୁ ପରାସ୍ତ କରିଥିଲା, ଯାହା କି କାରିବିୟାନ୍ ଦଳ ନିଜ ମାଟିରେ ଖେଳିଥିଲେ। ଯଦି ଏହି ସିରିଜ ୱେଷ୍ଚଇଣ୍ଡିଜ ଡ୍ର ରଖେ ତେବେ ଦଳ ନିଜ ପାଖରେ ୱିଜଡେନ ଟ୍ରଫି ବଜାୟ ରଖିବାରେ ସମର୍ଥ ହେବ। କିନ୍ତୁ ଇଂଲଣ୍ଡକୁ ଇଂଲଣ୍ଡ ମାଟିରେ ହରାଇବା ୱେଷ୍ଚଇଣ୍ଡିଜ ପାଇଁ ସେତେଟା ସହଜ ହେବନାହିଁ। (ଏଜେନସି)