ନିଜର ଅନନ୍ୟ ଅଭିନୟ ଦ୍ଵାରା ବଲିଉଡ୍ରେ ନିଜର ଏକ ସ୍ଵତନ୍ତ୍ର ସ୍ଥାନ କରିଥିବା ଅଭିନେତା ନୱାଜ୍ଉଦ୍ଦିନ୍ ସିଦ୍ଧିକି ଆଗାମୀ ଫିଲ୍ମ ‘ବୋଲେ ଚୁଡିଆ’ରେ ଅଭିନେତ୍ରୀ ମୌନୀ ରାୟଙ୍କ ସହ ନଜର ଆସିବେ । ଏହି ଫିଲ୍ମର ଲିଡ୍ ଆକ୍ଟ୍ରେସକୁ ନେଇ ବହୁ ସମୟ ଧରି ଚର୍ଚ୍ଚା ଲାଗି ରହିଥିଲା । ପ୍ରଥମେ ଏହି ଫିଲ୍ମ ପାଇଁ ସୋନାକ୍ଷୀ ସିହ୍ନା ଓ ପରେ ପରେ ଶ୍ରଦ୍ଧା କପୁର୍ଙ୍କ ନାମ ମଧ୍ୟ ଏହି ଲିଷ୍ଟ୍ରେ ରହିଥିଲା । ତେବେ ଏହି ଫିଲ୍ମର ନିର୍ଦ୍ଦେଶକ ତଥା ନୱାଜଙ୍କ ଭାଇ ସାମସ୍ ନବାବ ସିଦ୍ଦିକ ମୌନୀ ଏହି ଫିଲ୍ମର ହିରୋଇନ ରୂପେ ନଜର ଆସିବେ ବୋଲି ସୂଚନା ଦେଇଛନ୍ତି । ନୱାଜଙ୍କ ଭାଇ ଏହି ଫିଲ୍ମ ଜରିଆରେ ନିର୍ଦ୍ଦେଶନାରେ ପାଦ ଥାପୁଛନ୍ତି । ମୌନୀ ଏହି ଫିଲ୍ମରେ କାମ କରିବାକୁ ନେଇ ବେଶ୍ ଉତ୍ସାହିତ ରହିଛନ୍ତି । ନୱାଜଙ୍କ ପରି ଜଣେ ଦକ୍ଷ କଳାକାରଙ୍କ ସହ କାମ କରିବାକୁ ନେଇ ବେଶ୍ ଆଗ୍ରହୀ ରହିଛନ୍ତି ମୌନୀ ।
