The Samikhsya Odia
ନୂଆଦିଲ୍ଲୀ: ଦିଲ୍ଲୀର ଉତ୍ତର-ପଶ୍ଚିମ ଜିଲ୍ଲା ପୋଲିସ ଜାହାଙ୍ଗୀରପୁରୀରୁ ୬ ଜଣ ବେଆଇନ ବାଂଲାଦେଶୀ ନାଗରିକଙ୍କୁ ଗିରଫ କରିଛି। ସେମାନଙ୍କଠାରୁ ୬ ଟି ମୋବାଇଲ୍ ଫୋନ୍ ଜବତ କରାଯାଇଛି। ନିଷିଦ୍ଧ IMO ଆପ୍ ସେଥିରେ ସଂସ୍ଥାପିତ ହୋଇଥିଲା। ବାଂଲାଦେଶରେ ତାଙ୍କ ପରିବାର ସହିତ ଯୋଗାଯୋଗ କରିବାକୁ ସେ ଏହି ଆପ୍ ବ୍ୟବହାର କରୁଥିଲେ। ଗିରଫ ଅଭିଯୁକ୍ତମାନେ ଟ୍ରାନ୍ସଜେଣ୍ଡର ବୋଲି ଦାବି କରି ଭିକ ମାଗିବା ଏବଂ ଅନ୍ୟାନ୍ୟ କାର୍ଯ୍ୟରେ ସମ୍ପୃକ୍ତ ଥିଲେ।
ପ୍ରୟାଗରାଜ, 5/ 1: ଉତ୍ତରପ୍ରଦେଶର ପ୍ରୟାଗରାଜ ସ୍ଥିତ ସୋରାବ୍ ଥାନା ଅଞ୍ଚଳର ୟୁସୁଫପୁର ସେବାୟତ ଅଞ୍ଚଳରେ ରବିବାର ଦିନ ଗୋଟେ ପରିବାରର ପାଞ୍ଚଜଣଙ୍କୁ ହତ୍ୟା କରାଯାଇଛି। ଏହି ଘଟଣାଟି ସମଗ୍ର ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। ମିଳିଥିବା ସୂଚନା ଅନୁସାରେ ସୋମଦତ୍ତ ତିଓ୍ବାରୀ ତାଙ୍କ ପତ୍ନୀ ଓ ତିନି ସନ୍ତାନଙ୍କୁ ହତିଆର ଦ୍ବାରା ହତ୍ୟା କରାଯାଇଛି। ପୁଲିସ୍ ଏହି ଘଟଣାର ତଦନ୍ତ କରୁଛି। ସେହିପରି ୟୁପିର ମୁରଦାବାଦ ଅଞ୍ଚଳରୁ ସପ୍ନା ନାମକ ଜଣେ କିନ୍ନରଙ୍କ ମୃତଦେହ ମଧ୍ୟ ମିଳିଥିଲା। ପୁଲିସ୍ କହିବାନୁସାରେ ଏହି ହତ୍ୟା ଘଟଣା ଦୁଇଦିନ ପୂର୍ବରୁ ହୋଇଥିଲା। ଶବଟିକୁ ଜବତ କରି ବ୍ୟବଚ୍ଛେଦ ପାଇଁ ପଠାଯାଇଛି। (ଏଜେନ୍ସି)
ଇସଲାମାବାଦ,31/12 : କିନ୍ନରଙ୍କ ସ୍ବାସ୍ଥ୍ୟ ସେବା ପାଇଁ ପାକିସ୍ତାନ ସରକାରଙ୍କ ପକ୍ଷରୁ ସ୍ବାସ୍ଥ୍ୟକାର୍ଡ ଲଞ୍ଚ କରାଯାଇଛି । ‘ସେହତ୍ ଇନ୍ସାଫ୍’ ନାମକ ଏହି କାର୍ଯ୍ୟକ୍ରମକୁ ସୋମବାର ଦିନ ଲଞ୍ଚ କରାଯାଇଛି । ଇସଲାମାବାଦରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ଏହି କାର୍ଯ୍ୟକ୍ରମକୁ ଲଞ୍ଚ କରିଛନ୍ତି । କିନ୍ନର ମାନଙ୍କୁ ସୁରକ୍ଷା ପାଇଁ ପାକିସ୍ତାନ ସରକାର ପ୍ରତିବଦ୍ଧ ବୋଲି ଇମ୍ରାନ କହିଛନ୍ତି । 2009ରୁ ପାକିସ୍ତାନ ସରକାର ଦେଶରେ କିନ୍ନରଙ୍କୁ ମାନ୍ୟତା ପ୍ରଦାନ କରିଥିଲେ । 2017 ଜନଗଣନା ଅନୁସାରେ ପାକିସ୍ତାନରେ 10418 ଜଣ କିନ୍ନର ରହିଛନ୍ତି । ପାକିସ୍ତାନର ପଞ୍ଜାବ ପ୍ରଦେଶରେ ସର୍ବାଧିକ 64.4 ପ୍ରତିଶତ କିନ୍ନର ରହିଥିବା ବେଳେ ସିନ୍ଧ ପ୍ରଦେଶରେ 24 ପ୍ରତିଶତ କିନ୍ନର ରହିଛନ୍ତି । (ଏଜେନ୍ସୀ)