ନୂଆଦିଲ୍ଲୀ : ପାଣିପରି ବହିଗଲା 50 ହଜାର ଲିଟର ରେଡ୍ ଓ୍ବାଇନ୍ । ଆଶ୍ଚର୍ଯ୍ୟ ଲାଗୁଥିଲେ ବି କଥାଟା ସତ । ସୋସିଆଲ ମିଡିଆରେ ଏନେଇ ଏକ ଭିଡିଓ ଭାଇରାଲ୍ ହୋଇଛି । ଯେଉଁ ଭିଡିଓରେ ଏକ ରେଡ୍ ଓ୍ବାଇନ୍ର ଟ୍ୟାଙ୍କର ଫାଟିଯିବା କାରଣରୁ ପ୍ରାୟ 50 ହଜାର ଲିଟର ରେଡ୍ ଓ୍ବାଇନ୍ ପାଣି ପରି ବହି ଯାଇଛି ।
ସୋସିଆଲ ମିଡିଆରେ Radio Albacete ନାମକ ଏକ ଟ୍ବିଟର ହ୍ୟାଣ୍ଡେଲ୍ରେ ଏହି ଭିଡିଓ ସେୟାର ହୋଇଛି । ଏହି ଭିଡିଓ ସ୍ପେନ୍ର ବୋଲି ସୂଚନା ରହିଛି । ଏଥିରେ ଟ୍ୟାଙ୍କରରୁ ରେଡ୍ ଓ୍ବାଇନ୍ ପାଣି ପରି ବହି ଯାଉଥିବାର ଦୃଶ୍ୟ ରହିଛି । ଏହି ଭିଡିଓଟି 49 ସେକେଣ୍ଡର ରହିଛି । ଏହି ଭିଡିଓକୁ ଦେଖିଲେ ଲାଗୁଛି ସତେ ଯେପରି ରେଡ୍ ଓ୍ବାଇନ୍ର ବନ୍ୟା ସୃଷ୍ଟି ହୋଇଛି । ଏହି ଭିଡିଓକୁ ସୋସିଆଲ ମିଡିଆରେ ୟୁଜର୍ସମାନେ ସେୟାର କରିବାସହିତ ଭିନ୍ନ ଭିନ୍ନ ମଜାଦାର ମିମ୍ସ ପ୍ରସ୍ତୁତ କରୁଛନ୍ତି ।
SUCESOS | Reventón de un depósito de vino de unos 50.000 litros en Bodegas VITIVINOS, de Villamalea pic.twitter.com/lU5pIzZAjU
— Radio Albacete (@RadioAlbacete) September 25, 2020