Tag: VIGILANCE

କଟକ: ଶେଷରେ ବନ୍ଧା ହେଲେ ହାଇସ୍କୁଲ ପ୍ରଧାନ ଶିକ୍ଷକ ନିରଂଜନ ଅତି। ସେ କେନ୍ଦ୍ରାପଡା ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଅଛନ୍ତି। ଆଜି ସକାଳେ ଭିଜିଲାନ୍ସ ଲାଞ୍ଚ ନେଲା ବେଳ ଟଙ୍କା ସହ ଧରିଥିଲା। ତନାଘନା ପରେ ବର୍ତ୍ତମାନ ତାଙ୍କୁ ଗିରଫ କରାଯାଇ କୋର୍ଟ ଚାଲଣ କରାଯାଇଛି।

ଘଟଣାରୁ ଜଣାପଡିଛି ଯେ, ପ୍ରଧାନ ଶିକ୍ଷକ ଶ୍ରୀ ଅତି ଜଣେ ଶିକ୍ଷକଙ୍କର ଗୃହ ଋଣର ଦ୍ବିତୀୟ କିସ୍ତି କରାଇ ଦେବା ପାଇଁ ଲାଞ୍ଚ ମାଗିଥିଲେ। ପାଞ୍ଚ ହଜାର ଟଙ୍କା ଦେଲେ ଦ୍ବିତୀୟ କିସ୍ତି କରାଇଦେବି ବୋଲି କହିଥିଲେ। ସଂପୃକ୍ତ ଶିକ୍ଷକ ଭିଜିଲାନସ ସହିତ ଯୋଗାଯୋଗ କରିବା ପରେ ସମସ୍ତ ପ୍ରସ୍ତୁତି କରାଯାଇଥିଲା। ତାଙ୍କୁ ପାଞ୍ଚ ହଜାର ଟଙ୍କା ଦେବା ବେଳେ ଭିଜିଲାନସ ମାଡି ବସିଥିଲା।

ଭୁବନେଶ୍ବର: ଆଜି ଭିଜିଲାନସ ତରଫରୁ ଜଣେ ଜିଲ୍ଲା ସବରେଜିଷ୍ଟ୍ରାରଙ୍କ ଘରେ ଚଢାଉ ଆରମ୍ଭ ହୋଇଛି। ସେ ହେଉଛନ୍ତି ନୟାଗଡ ଜିଲ୍ଲାର ସବରେଜିଷ୍ଟ୍ରାର ଶ୍ବାଶତ କୁମାର ପଟ୍ଟନାୟକ। ତାଙ୍କର ଆୟ ବର୍ହିଭୂତ ସଂପତ୍ତି ଠୁଳ ଅଭିଯୋଗରେ ଏହି ଚଢାଉ କରାଯାଇଛି। ଏଥିରେ ୮ ଜଣ ଡିଏସପି ଏବଂ ୬ ଜଣ ଇନସ୍ପେକ୍ଟରଙ୍କ ସମେତ ବହୁ ଅଫିସର ସାମିଲ ହୋଇଛନ୍ତି।

୧- ଶ୍ବାଶତ କୁମାରଙ୍କ ନୟାଗଡ଼ର ଦେବୋତ୍ତରା କଲୋନୀରେ ଥିବା ଭଡା ଘର

୨-କେନ୍ଦ୍ରାପଡାର ତାଳବାରଙ୍ଗ ଠାରେ ଶ୍ରୀ ପଟ୍ଟନାୟକଙ୍କ ନିଜ ଘର

୩-ନୟାଗଡ଼ରେ ଥିବା ତାଙ୍କ କାର୍ଯ୍ୟାଳୟ

୪- କେନ୍ଦ୍ରାପଡାର କୁନ୍ଦନଗିରି ନିକଟସ୍ଥ ତାଳଗାଁରେ ଥିବା ତାଙ୍କର ପୈତୃକ ଘର

୫- କେନ୍ଦ୍ରାପଡା ପେଣ୍ଠାରେ ଥିବା ତାଙ୍କର ସଂପର୍କିୟ ଘର

୬- କେନ୍ଦ୍ରାପଡା ଦଳନ୍ତାରେ ଥିବା ଆଉ ଜଣେ ସମ୍ପର୍କୀୟଙ୍କ ଘର

ବର୍ତ୍ତମାନ ଚଢାଉ ଜାରୀ ରହିଥିବାରୁ ସବିଶେଷ ତଥ୍ୟ ଜଣାପଡି ନାହିଁ

ଭୁବନେଶ୍ବର: ଶେଷରେ ବୈପାରୀଗୁଡା ଥାନା ଆଇଆଇସି ସୁଶାନ୍ତ ଶତପଥୀଙ୍କର ଚାକିରୀ ଗଲା। ତାଙ୍କୁ ଆଜି ରାଜ୍ୟ ସରକାର ବହିସ୍କୃତ କରିଛନ୍ତି। ତାଙ୍କ ନିକଟରୁ ଭିଜିଲାନ୍ସ ବିପୁଳ ପରିମାଣର ଟଙ୍କା ଜବତ କରିଥିଲା। ଏହି ଟଙ୍କା କେଉଁଠୁ ଆସିଲା ବୋଲି ସେ ସଠିକ ଉତ୍ତର ଦେଇପାରି ନ ଥିଲେ। ଫଳରେ ତାଙ୍କ ଉପରେ ଏହି ପଦକ୍ଷେପ ଗ୍ରହଣ କରାଯାଇଛି।

ଗତ 28 ତାରିଖରେ ଭିଜିଲାନ୍ସ ସୁଶାନ୍ତଙ୍କୁ ବସ ଭିତରୁ ଟଙ୍କା ସହ ଠାବ କରିଥିଲା। ଏହାପରେ ତାଙ୍କ ଥାନା ଅଫିସ, ବୈପାରୀଗୁଡା ବାସଭବନ ଏବଂ କଟକ ବାସଭବନ ଉପରେ ଚଢାଉ କରାଯାଇଥିଲା। ଏଥିରେ କଟକ ଘରୁ ପାଖାପାଖି ୨୭ ଲକ୍ଷ ଓ ବୈପାରୀଗୁଡା ଘରୁ ପାଖାପାଖି ୨ ଲକ୍ଷ ଟଙ୍କା ମିଳିଥିଲା।

ଭୁବନେଶ୍ବର: ସେ ହେଉଛନ୍ତି ଜଣେ କଲେଜ କିରାଣୀ। ସେ ଜଣେ ଅବସରପ୍ରାପ୍ତ ଶିକ୍ଷକଙ୍କ ପେନସନ କାଗଜ ନ କରି ଦିନ ପରେ ଦିନ ଗଡାଇ ଚାଲିଥିଲେ। ଶେଷରେ ଲାଞ୍ଚ ନ ଦେଲେ କାଗଜ ପତ୍ର ହୋଇପାରିବ ନାହିଁ ବୋଲି କହିଲେ। ବିଚରା ଅବସରପ୍ରାପ୍ତ ଶିକ୍ଷକ ଜଣଙ୍କ ଭିଜିଲାନ୍ସର ଦ୍ବାରସ୍ଥ ହେଲେ। ତାଙ୍କ ନିର୍ଦ୍ଦେଶରେ ତିଆରି କରାଗଲା ଯୋଜନା। ଆଉ ଯୋଜନା ମୁତାବିକ କିରାଣୀ ଜଣଙ୍କ ଟଙ୍କା ନେବା ବେଳେ ମାଡିବସିଲା ଭିଜିଲାନ୍ସ।

ଏହି ଘଟଣାଟି ଯାଜପୁରର ଜିଲ୍ଲାର କବିରପୁରରେ ଥିବା ସରକାରୀ ଉଚ୍ଚ ବିଦ୍ୟାଳୟରେ ଘଟିଛି। ଯେଉଁ କିରାଣୀ ଜଣଙ୍କ ଲାଞ୍ଚ ନେଉଥିଲେ ସେ ହେଉଛନ୍ତି ମହେଶ୍ବର ସାମଲ। ତାଙ୍କ ପାଖରୁ ରଙ୍ଗବୋଳା ଦୁଇ ହଜାର ଟଙ୍କା ଜବତ କରାଯାଇଛି। ଏଥିସହିତ ତାଙ୍କର ଦୁଇଟି ସ୍ଥାନରେ ଚଢାଉ ଜାରୀ ରହିଛି। ତେବେ ସେଠାରୁ କଣ ମିଳିଛି ତାହା ଜଣାପଡି ନାହିଁ।

ଭୁବନେଶ୍ବର: ଶେଷରେ ଭୁବନେଶ୍ବରର ଥାନା ପୋଲିସକୁ ଧରିବାରେ ସଫଳ ହୋଇଛି ରାଜ୍ୟ ଭିଜିଲାନ୍ସ। ଆଜି ଲାଞ୍ଚ ନେଉଥିବା ବେଳେ ସହିଦନଗର ଥାନା ଏଏସଆଇଙ୍କୁ ଭିଜିଲାନ୍ସ ଧରିବାରେ ସକ୍ଷମ ହୋଇଛି। ସେ ହେଉଛନ୍ତି ଏଏସଆଇ ମମତା ବସ୍ତିଆ। ତାଙ୍କଠାରୁ ଭିଜିଲାନ୍ସ ସମସ୍ତ ଟଙ୍କା ଜବତ କରିବା ସହିତ ଅଟକ ରଖିଛି।

ଘଟଣାରୁ ଜଣାପଡିଛି ଯେ, ଜଣେ ମହିଳାଙ୍କ ମାମଲା ରଫାଦଫା କରିବା ପାଇଁ ସେ ୧୫ ହଜାର ଟଙ୍କା ଦାବୀ କରିଥିଲେ। ସେ ସେହି ଘଟଣାର ତଦନ୍ତ ଅଧିକାରୀ ଥିଲେ। ଅଭିଯୋଗକାରୀଣି ଏ ନେଇ ଭିଡିଲାନ୍ସରେ କହିବା ପରେ ସମସ୍ତ ପ୍ରସ୍ତୁତି କରାଯାଇ ତାଙ୍କୁ ଧରାଯାଇଥିଲା। ଏହି ଟ୍ରାପ ସହିତ ତାଙ୍କୁ ଦୁଇଟି ସ୍ଥାନରେ ଏକ କାଳିନ ଚଢାଉ କରାଯାଇଛି।

ବ୍ରହ୍ମପୁର: ଆଜି ରଙ୍ଗିଲା ହାତରେ ଜଣେ ଆସିଷ୍ଟାଣ୍ଡ ଇଜିକ୍ୟୁଟିଭି ଇଂଜିନିୟରଙ୍କୁ ଧରିଛ ଭିଜିଲାନ୍ସ। ସେ ଜଣେ ଠିକାଦାରଙ୍କଠାରୁ ପଚାଶ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ। ସେ ହେଉଛନ୍ତି ଭଂଜନଗର ଅଧିନରେ ଥିବା ବାଘୁଆ ଜଳପ୍ରକଳ୍ପର ଆସିଷ୍ଟାଣ୍ଡ ଇଜିକ୍ୟୁଟିଭ ଇଂଜିନିୟର ବିଷ୍ଣୁ ଚରଣ ସାହୁ।

ଏହା ପୂର୍ବରୁ ଭିଜିଲାନ୍ସ ଜାଲ ବିଛାଇ ସାରିଥିଲା। ତାଙ୍କ ହାତରୁ ଟଙ୍କା ଧରାପଡିବା ପରେ ତାଙ୍କ ଅଫିସ, ଘର, ବ୍ରହ୍ମପୁର ଘର ଉପରେ ଚଢାଉ କରାଯାଇଥିଲା। ଏହି ସମୟରେ ତାଙ୍କ ବାସଭବନରୁ 7 ଲକ୍ଷ ନଗଦ ଟଙ୍କା ବାହାରିଥିଲା। ଏହାପରେ ଖୋଳତାଡ କରିବା ପରେ ତାଙ୍କର ଦୁଇଟି ତିନି ମହଲା କୋଠା, ଦୁଇଟି ପ୍ଲଟ ଏବଂ ଦାମୀ କାର ଥିବାର ଜଣାପଡିଥିଲା। ଅଧିକ ତଦନ୍ତ ଜାରୀ ରହିଛି।