Categories
ବିଶେଷ ଖବର ରାଜ୍ୟ ଖବର

ବୁଥ ସ୍ତରରେ ହେବ ଭୋଟର ତାଲିକା ସଂଶୋଧନ, ବିଭିନ୍ନ ଜିଲ୍ଲା ପାଇଁ ହେଲା ତାରିଖ ଘୋଷଣା

ଭୁବନେଶ୍ୱର: ଆଗାମୀ ସାଧାରଣ ନିର୍ବାଚନ ୨୦୨୪କୁ ଦୃଷ୍ଟିରେ ରଖି ରାଜ୍ୟର ସମସ୍ତ ନିର୍ବାଚନ ମଣ୍ଡଳୀ ପାଇଁ ତ୍ରୁଟିଶୂନ୍ୟ ଭୋଟର ତାଲିକା ପ୍ରସ୍ତୁତି ନିମନ୍ତେ ଆଜି ମୁଖ୍ୟ ନିର୍ବାଚନ ଅଧିକାରୀ ତଥା ଅତିରିକ୍ତ ମୁଖ୍ୟ ଶାସନ ସଚିବ ନିକୁଞ୍ଜ ବିହାରୀ ଧଳ ସମସ୍ତ ସ୍ୱୀକୃତିପ୍ରାପ୍ତ ରାଜନୈତିକ ଦଳର କର୍ମକର୍ତ୍ତାମାନଙ୍କୁ ନେଇ ଏକ ସର୍ବଦଳୀୟ ବୈଠକ କରାଇଛନ୍ତି।

ନିର୍ବାଚନ ଆୟୋଗଙ୍କ ନିର୍ଦ୍ଦେଶାନୁସାରେ ଆସନ୍ତା ଜାନୁଆରୀ ୫ ତାରିଖରେ ରାଜ୍ୟର ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇବ। ଏଥି ପୂର୍ବରୁ ଏକ ନିର୍ଭୁଲ ଭୋଟର ତାଲିକା ପ୍ରସ୍ତୁତି ନିମନ୍ତେ ମୁଖ୍ୟ ନିର୍ବାଚନ ଅଧିକାରୀ ସମସ୍ତ ରାଜନୈତିକ ଦଳମାନଙ୍କର ସହଯୋଗ କାମନା କରିଛନ୍ତି।

ନିର୍ବାଚନ ଆୟୋଗଙ୍କ ନିର୍ଦ୍ଦେଶାନୁସାରେ ପ୍ରତ୍ୟେକ ରାଜନୈତିକ ଦଳମାନେ ପ୍ରତି ବୁଥ୍‌ରେ ସେମାନଙ୍କ ଦଳ ତରଫରୁ ଜଣେ ଲେଖାଏଁ ବୁଥ୍‌ସ୍ତରୀୟ ଏଜେଣ୍ଟ ନିଯୁକ୍ତି କରିବା ସହ ଦଳ ତରଫରୁ ଫଟୋ ପରିଚୟ ପତ୍ର ଦେବେ ଓ ନିଯୁକ୍ତ ହୋଇଥିବା ବୁଥ୍‌ସ୍ତରୀୟ ଏଜେଣ୍ଟମାନଙ୍କର ଏକକିତା ଲେଖାଏଁ ନକଲ ସଂପୃକ୍ତ ଜିଲ୍ଲାର ଜିଲ୍ଲା ନିର୍ବାଚନ ଅଧିକାରୀ ତଥା ଜିଲ୍ଲାପାଳ, ଇଆର୍‌ଓ ତଥା ଉପଜିଲ୍ଲାପାଳ ଏବଂ ମୁଖ୍ୟ ନିର୍ବାଚନ ଅଧିକାରୀଙ୍କୁ ପ୍ରଦାନ କରିବେ।

ନିଯୁକ୍ତ ହୋଇଥିବା ବୁଥ୍‌ସ୍ତରୀୟ ଏଜେଣ୍ଟମାନେ ସଂପୃକ୍ତ ବୁଥ୍‌ ଅଞ୍ଚଳରେ ମୃତ ଭୋଟରଙ୍କୁ ଚିହ୍ନଟ କରିବା, ସ୍ଥାନାନ୍ତର ହୋଇଥିବା ଭୋଟରଙ୍କ ତାଲିକା ଏବଂ ଭୋଟର ତାଲିକାରେ ଥିବା ବିଭିନ୍ନ ପ୍ରକାରର ତ୍ରୁଟିଗୁଡ଼ିକୁ ବୁଥ୍‌ସ୍ତରୀୟ ଅଧିକାରୀଙ୍କୁ ଅବଗତ କରାଇବା ଫଳରେ ଏକ ସ୍ୱଚ୍ଛ ଓ ତ୍ରୁଟିଶୂନ୍ୟ ଭୋଟର ତାଲିକା ପ୍ରସ୍ତୁତି ସମ୍ଭବ ହୋଇପାରିବ ବୋଲି ମୁଖ୍ୟ ନିର୍ବାଚନ ଅଧିକାରୀ ଶ୍ରୀ ଧଳ ମତପ୍ରକାଶ କରିଛନ୍ତି।

ବୁଥ୍‌ସ୍ତରୀୟ ଏଜେଣ୍ଟ ବୁଥ୍‌ ହୋଇଥିବା ଗ୍ରାମ ସଂପୃକ୍ତ ବୁଥ୍‌ ଅଞ୍ଚଳର ହୋଇଥିବା ଆବଶ୍ୟକ। ବୁଥ୍‌ସ୍ତରୀୟ ଏଜେଣ୍ଟମାନେ ସଂପୃକ୍ତ ବୁଥ୍‌ ଅଞ୍ଚଳରେ ମୃତ ଭୋଟରଙ୍କୁ ଚିହ୍ନଟ କରି ଫର୍ମ ନଂ-୭ ପୂରଣ କରି ବୁଥ୍‌ସ୍ତରୀୟ ଅଧିକାରୀଙ୍କୁ ଦେଲେ ଭୋଟର ତାଲିକାରୁ ମୃତ ଭୋଟରଙ୍କ ନାମ ବାଦ ହେବ। ଏକ ସ୍ୱଚ୍ଛ ଓ ତ୍ରୁଟିଶୂନ୍ୟ ଭୋଟର ତାଲିକା ପ୍ରସ୍ତୁତି ନିମନ୍ତେ ନିର୍ବାଚନ ଆୟୋଗ ଓଡ଼ିଶା ପାଇଁ ୪ ଗୋଟି ସ୍ୱତନ୍ତ୍ର ପ୍ରଚାର ଅଭିଯାନ ଦିବସ ସ୍ଥିର କରିଛନ୍ତି।

ଆସନ୍ତା ନଭେମ୍ବର ମାସ ୫ ତାରିଖ (ରବିବାର), ନଭେମ୍ବର ମାସ ୧୯ ତାରିଖ (ରବିବାର), ନଭେମ୍ବର ୧୧ ତାରିଖ (ଶନିବାର) ଏବଂ ନଭେମ୍ବର ୨୫ ତାରିଖ (ଶନିବାର) ଦିନ ରାଜ୍ୟର ସବୁ ବୁଥ୍‌ରେ ବୁଥ୍‌ସ୍ତରୀୟ ଅଧିକାରୀମାନେ ଉପସ୍ଥିତ ରହି ଭୋଟରମାନଙ୍କର ଆପତ୍ତି ଅଭିଯୋଗ ଶୁଣିବା ସହ ଭୋଟର ତାଲିକାରେ ଥିବା ତ୍ରୁଟି ସଂଶୋଧନ କରିବା ଲାଗି ନିର୍ଦ୍ଧାରିତ ଫର୍ମରେ ଅଭିଯୋଗ ଗ୍ରହଣ ଓ ଭୋଟର ତାଲିକାରେ ଥିବା ତ୍ରୁଟି ସଂଶୋଧନ ସହ ନିର୍ଭୁଲ ଭୋଟର ତାଲିକା ପ୍ରସ୍ତୁତି ନିମନ୍ତେ ସମସ୍ତ ଭୋଟରମାନଙ୍କୁ ସହାୟତା ପ୍ରଦାନ କରିବେ।

ଏହି ସ୍ୱତନ୍ତ୍ର ପ୍ରଚାର ଅଭିଯାନ ଦିବସମାନଙ୍କରେ ବୁଥ୍‌ସ୍ତରୀୟ ଏଜେଣ୍ଟମାନେ ମଧ୍ୟ ଉପସ୍ଥିତ ରହି ଭୋଟରମାନଙ୍କୁ ସହାୟତା ପ୍ରଦାନ କରିବେ ବୋଲି ମୁଖ୍ୟ ନିର୍ବାଚନ ଅଧିକାରୀ କହିଛନ୍ତି। ଯଦି ବର୍ତ୍ତମାନ ସୁଦ୍ଧା କୌଣସି ରାଜନୈତିକ ଦଳମାନେ ବୁଥ୍‌ସ୍ତରୀୟ ଏଜେଣ୍ଟ ନିଯୁକ୍ତି କରିନଥାନ୍ତି, ଯାଥାଶୀଘ୍ର ରାଜନୈତିକ ଦଳମାନେ ବୁଥ୍‌ସ୍ତରୀୟ ଏଜେଣ୍ଟ ନିଯୁକ୍ତି ଦେବାକୁ ମୁଖ୍ୟ ନିର୍ବାଚନ ଅଧିକାରୀ ଉପସ୍ଥିତ ସମସ୍ତ ରାଜନୈତିକ ଦଳର କର୍ମକର୍ତ୍ତାମାନଙ୍କୁ ନିବେଦନ କରିଛନ୍ତି।

ଏତଦ୍‌ବ୍ୟତୀତ ଆଗାମୀ ସାଧାରଣ ନିର୍ବାଚନରେ ବ୍ୟବହୃତ ହେବାକୁ ଥିବା ଇଭିଏମ୍‌ ଓ ଭିଭିପ୍ୟାଟ୍‌ର (ଏଫ୍‌ଏଲ୍‌ସି) ପ୍ରଥମ ପର୍ଯ୍ୟାୟ ତନଖି କାର୍ଯ୍ୟ ଆମ ରାଜ୍ୟରେ ଦୁଇଟି ପର୍ଯ୍ୟାୟରେ ଅନୁଷ୍ଠିତ ହେବ ବୋଲି ମୁଖ୍ୟ ନିର୍ବାଚନ ଅଧିକାରୀ ଜଣାଇଛନ୍ତି। ଆସନ୍ତା ଅକ୍ଟୋବର ୩ ତାରିଖରୁ ୨୦ ତାରିଖ ପର୍ଯ୍ୟନ୍ତ ଗଜପତି, ଗଞ୍ଜାମ, ଖୋର୍ଦ୍ଧା, କଟକ, ପୁରୀ, ଜଗତସିଂହପୁର, କେନ୍ଦ୍ରାପଡ଼ା, ଯାଜପୁର, ଭଦ୍ରକ ଓ ବାଲେଶ୍ୱର ଆଦି ୧୦ଟି ଜିଲ୍ଲାରେ ପ୍ରଥମ ପର୍ଯ୍ୟାୟରେ ତନଖି କାର୍ଯ୍ୟ ଅନୁଷ୍ଠିତ ହେବ।

ସେହିପରି ଅବଶିଷ୍ଟ ୨୦ଟି ଜିଲ୍ଲାରେ ଦ୍ୱିତୀୟ ପର୍ଯ୍ୟାୟ ତନଖି କାର୍ଯ୍ୟ ନଭେମ୍ବର ୧ ତାରିଖରୁ ଆରମ୍ଭ ହୋଇ ନଭେମ୍ବର ୧୫ ତାରିଖ ପର୍ଯ୍ୟନ୍ତ ଚାଲିବ। ଏଫ୍‌ଏଲ୍‌ସି ଅନୁଷ୍ଠିତ ହେବାକୁ ଥିବା ଦିନଗୁଡ଼ିକରେ ପ୍ରତି ରାଜନୈତିକ ଦଳର ଜଣେ ଲେଖାଏଁ ପ୍ରତିନିଧି ଇଭିଏମ୍‌ ଓ ଭିଭିପ୍ୟାଟ୍‌ ତନଖି କାର୍ଯ୍ୟ ଦିନରେ ଉପସ୍ଥିତ ରହିପାରିବେ ବୋଲି ମୁଖ୍ୟ ନିର୍ବାଚନ ଅଧିକାରୀ ସର୍ବଦଳୀୟ ବୈଠକରେ ପ୍ରକାଶ କରିଛନ୍ତି। ଏଥି ନିମନ୍ତେ ଇଭିଏମ୍‌ ଓ ଭିଭିପ୍ୟାଟ୍‌ର ତନଖି କାର୍ଯ୍ୟ ପୂର୍ବରୁ ସଂପୃକ୍ତ ଜିଲ୍ଲାର ଜିଲ୍ଲା ନିର୍ବାଚନ ଅଧିକାରୀ ତଥା ଜିଲ୍ଲାପାଳମାନେ ରାଜନୈତିକ ଦଳର କର୍ମକର୍ତ୍ତାମାନଙ୍କୁ ଚିଠି ମାଧ୍ୟମରେ ଅବଗତ କରାଇବେ ବୋଲି ମୁଖ୍ୟ ନିର୍ବାଚନ ଅଧିକାରୀ ପ୍ରକାଶ କରିଛନ୍ତି।

ଅନ୍ୟମାନଙ୍କ ମଧ୍ୟରେ ଏହି ବୈଠକରେ ଭାରତୀୟ ଜନତା ପାର୍ଟିର ରାଜ୍ୟ ସଂପାଦକ ସରୋଜ କୁମାର କର ଓ ଅଶୋକ କୁମାର ମିଶ୍ର, ବହୁଜନ ସମାଜ ପାର୍ଟିର ରାଜ୍ୟ ମହାସଚିବ ମଧୁସୂଦନ ଯାଦବ, ଭାରତୀୟ କମୁ୍ୟନିଷ୍ଟ ପାର୍ଟିର ରାଜ୍ୟ ସଂପାଦକ ଦୁଷ୍ମନ୍ତ କୁମାର ଦାଶ, ଭାରତୀୟ ଜାତୀୟ କଂଗ୍ରେସ୍‌ର ରାଜ୍ୟ ଉପସଭାପତି ଶିବାନନ୍ଦ ରାୟ, ଆମ୍‌ ଆଦ୍‌ମୀ ପାର୍ଟିର ସୌମ୍ୟ ରଞ୍ଜନ ସ୍ୱାଇଁ, ବିଜୁ ଜନତା ଦଳର ମୁଖପାତ୍ର ଇପ୍‌ସିତା ସାହୁଙ୍କ ସମେତ ଅତିରିକ୍ତ ମୁଖ୍ୟ ନିର୍ବାଚନ ଅଧିକାରୀ ଶତ୍ରୁଘ୍ନ କର ଓ ମିହିର କୁମାର ମହାନ୍ତି, ଯୁଗ୍ମ ମୁଖ୍ୟ ନିର୍ବାଚନ ଅଧିକାରୀ ପ୍ରମୋଦ କୁମାର ସାହୁ, ଉପମୁଖ୍ୟ ନିର୍ବାଚନ ଅଧିକାରୀ ପଦ୍ମଜା ଦାଶ ପ୍ରମୁଖ ଉପସ୍ଥିତ ଥିଲେ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଭୋଟର ଭାବେ ନାମ ପଞ୍ଜିକୃତ କରିବାରେ କିଛି ପ୍ରଶ୍ନ ଅଛି କି ? ପଚାରନ୍ତୁ ମିଳିବ ଉତ୍ତର

୧. ଭୋଟର ଭାବରେ କିପରି ପଞ୍ଜିକୃତ କରାଯିବ?

ଉତ୍ତର- ଫର୍ମ-୬ ରେ ମୂଦ୍ରିତ କପି ପୁରଣ କରି କିମ୍ବା Voter Helpline App କିମ୍ବା www.nvsp.in ପୋର୍ଟାଲ ମାଧ୍ୟମରେଆପଣଙ୍କ ବୁଥ ସ୍ତରୀୟ ଅଧିକାରୀଙ୍କ ନିକଟରେ ଦାଖଲ କରିପାରିବେ। ଫର୍ମ-୬ର ମୂଦ୍ରିତ କପି ବୁଥ ସ୍ତରୀୟ ଅଧିକାରୀଙ୍କ ପାଖରେ ଉପଲବ୍ଧ କିମ୍ବା www.eci.gov.in କିମ୍ବା www.ceoorissa.nic.in ରୁ ଡାଉନଲୋଡ୍ କରି ଅନ୍ ଲାଇନ ରେ ଦାଖଲ କରିପାରିବେ।

୨. ଯୋଗ୍ୟତାର ମାନଦଣ୍ଡ ?

ଉତ୍ତର- ପ୍ରତ୍ୟେକ ଭାରତୀୟ ନାଗରିକ ଯିଏ କି ୪ ଗୋଟି ଯୋଗ୍ୟତା ତାରିଖରେ ଯଥା ଜାନୁୟାରୀ, ଏପ୍ରିଲ୍‌, ଜୁଲାଇ ଓ ଅକ୍ଟୋବର ର ପ୍ରଥମ ଦିନ ସୁଦ୍ଧା ୧୮ ବର୍ଷ ବୟସର ହୋଇଥିବେ,ସେ ଯେଉଁ ସ୍ଥାନରେ ସାଧାରଣ ଭାବେ ବସବାସ କରନ୍ତି ସେହି ବିଧାନସଭା ନିର୍ବାଚନମଣ୍ଡଳୀର ସେହି ମତଦାନ କ୍ଷେତ୍ରର ଭୋଟର ତାଲିକାର ଭୋଟର ଭାବେ ପଞ୍ଜିକୃତ ହେବାକୁ ଯୋଗ୍ୟ ଅଟନ୍ତି।

୩. ଅଗ୍ରୀମ ଆବେଦନ କଣ?

ଉତ୍ତର-ନିର୍ବାଚନ ଆୟୋଗଙ୍କ ଦ୍ୱାରା ୪ ଗୋଟି ଯୋଗ୍ୟତା ତାରିଖର ପ୍ରବର୍ତ୍ତନ ପରେ ପ୍ରତ୍ୟେକ ଭାରତୀୟ ନାଗରିକ ଯିଏ ଅକ୍ଟୋବର ପହିଲା ସୁଦ୍ଧା ୧୮ ବର୍ଷ ବୟସର ହେଉଥିବେ ସେମାନେ ଭୋଟର ଭାବେ ପଞ୍ଜିକୃତ ହେବା ପାଇଁ ଫର୍ମ-୬ରେ ଅଗ୍ରିମ ଆବେଦନ କରିପାରିବେ।

୪. ଆମେ ଘରେ ବସି ଅନଲାଇନ୍ ଆବେଦନ କରିପାରିବା କି? କିପରି?

ଉତ୍ତର- ହଁ, ଭୋଟର ହେଲ୍ପଲାଇନ ଆପ୍ କିମ୍ବା ଭୋଟର ପଞ୍ଜିକରଣ ଉଦ୍ଦେଶ୍ୟ ପାଇଁ ଡିଜାଇନ ହୋଇଥିବା www.nvsp.in ପୋର୍ଟାଲ ମାଧ୍ୟମରେ ଅନଲାଇନ ଆବେଦନ କରିପାରିବେ । ଯେଉଁଦିନ ଆପଣ ୧୮ବର୍ଷ ବୟସରେ ପଦାର୍ପଣ କରିବେ ସେହିଦିନ ଆପଣ ଭୋଟର ହେବାକୁ ଯୋଗ୍ୟ ହେବେ ଓ ପଞ୍ଜିକରଣ ପାଇଁ ଆପଣଙ୍କର ଆବେଦନର ପ୍ରକ୍ରିୟାକରଣ ହେବ। ଭୋଟର ପରିଚୟ ପତ୍ର ସ୍ପିଡ ପୋଷ୍ଟ ଯୋଗେ ଆପଣଙ୍କ ଘରକୁ ପହଞ୍ଚାଇ ଦିଆଯିବ।

୫. ଯଦି ମୁଁ ୧୭ ବର୍ଷ ବୟସର ହୁଏ ତେବେ ମୁଁ ଆବେଦନ କରିପାରିବି କି?

ଉତ୍ତର- ହଁ, ଆପଣ ଯଦି ଅକ୍ଟୋବର ପହିଲା ୨୦୦୫ ପୂର୍ବରୁ ଜନ୍ମ ହୋଇଥିବେ, ତେବେ ଆପଣ ଏହି ସଂଶୋଧନ ଅବଧିରେ ମଧ୍ୟ ଭୋଟର ତାଲିକାର ପଞ୍ଜିକରଣ ପାଇଁ ଆବେଦନ କରିପାରିବେ ଏବଂ ଆପଣଙ୍କର ଆବେଦନକୁ  ଏକ ଅଗ୍ରିମ ଆବେଦନ ଭାବରେ ବିବେଚନା କରାଯିବ  ଓ ଯଥା ସମୟରେ ଏହାର ପ୍ରକ୍ରିୟାକରଣ କରାଯିବ। ଆପଣ ବର୍ଷର ସମ୍ପୃକ୍ତ ତ୍ରୈ ମାସରେ ପଞ୍ଜିକୃତ ହେବେ ଏବଂ ଆପଣଙ୍କ ଆବେଦନ ଦିଆଯାଇଥିବା ଠିକଣା ଅନୁଯାୟୀ ଭୋଟର ପରିଚୟ ପତ୍ର ପଠାଯିବ।

୬. ଆବେଦନ ପାଇଁ କେଉଁ କେଉଁ ଦସ୍ତାବିଜ ଆବଶ୍ୟକ?

ଉତ୍ତର- ଆବେଦନର ଆବଶ୍ୟକ ହେଉଥିବା ବୟସ ଓ ଠିକଣାର ପ୍ରମାଣ ସ୍ୱରୂପ ଆଧାର କାର୍ଡର କପି ଦାଖଲ କରିପାରିବେ କିମ୍ବା ଫର୍ମ-୬ରେ ଉଲ୍ଲେଖିତ ଜନ୍ମ ଓ ବାସସ୍ଥାନର ପ୍ରମାଣ ରୂପେ ଗୃହିତ ଯେ କୌଣସି ଦଲିଲ୍ ଦାଖଲ କରିପାରିବେ।

୭. ଭୋଟର ପରିଚୟ ପତ୍ର ପାଇଁ  ଆବେଦନ କରିବାକୁ ଭୋଟର ହେଲ୍ପଲାଇନ ଆପକୁ କିପରି ଉପଯୋଗ କରିବେ?

ଉତ୍ତର- ନିଜ ଆକାଉଣ୍ଟରେ ଲଗ୍ ଇନ୍ କରିବା ପାଇଁ ଜଣେ ନୂତନ ଉପଭୋକ୍ତା ଭାବରେ ଭୋଟର ହେଲ୍ପଲାଇନ ଆପ୍ ରେ ପଞ୍ଜିକୃତ ହେବା ଜରୁରୀ। ତାପରେ ଭୋଟର ତାଲିକାରେ ନାମ ପଞ୍ଜିକରଣ ପାଇଁ ଫର୍ମ-୬ ଦାଖଲ କରିପାରିବେ। ପୁନଶ୍ଟ, ଭୋଟର ପରିଚୟ ପତ୍ର ବଦାଳାଇବା ପାଇଁ ଜଣେ ଫର୍ମ-୮ ଦାଖଲ କରିପାରିବେ ଯାହା ତାଙ୍କ ଦ୍ୱାରା ପ୍ରଦାନ କରାଯାଇଥିବା ଠିକଣାରେ ସ୍ପିଡ ପୋଷ୍ଟ ମାଧ୍ୟମରେ ବିତରଣ କରାଯିବ।

୮. ଜଣେ କିପରି ନିର୍ବାଚନ ତାଲିକାରେ ପଞ୍ଜୀକୃତ ହୋଇ ପାରିବେ?

ଉତ୍ତର-  ଇଲେକ୍ଟୋରାଲ୍ ରୋଲରେ ନିଜକୁ ପଞ୍ଜିକୃତ କରିବା ପାଇଁ ଦୁଇଟି ମୋଡ୍ ଅଛି

(କ) ଅନଲାଇନ୍ ମୋଡ୍: ଗୁଗୁଲ୍ ପ୍ଲେଷ୍ଟୋର / ଆପଲ୍ ଆପ୍ ଷ୍ଟୋର୍‌ରେ ଉପଲବ୍ଧ www.nvsp.in ପୋର୍ଟାଲ୍ କିମ୍ବା voterportal.eci.go.in କିମ୍ବା ଭୋଟର ହେଲ୍ପଲାଇନ ଆପ୍ ମାଧ୍ୟମରେ ଆବେଦନ କରିପାରିବେ। ଫର୍ମ-୬ ଦାଖଲ କରିବାବେଳେ, ଆବଶ୍ୟକ କାଗଜତ୍ ଗୁଡିକର ନକଲ ମଧ୍ୟ ଅପଲୋଡ୍ କରିବେ।

(ଖ) ଅଫଲାଇନ୍ ମୋଡ୍:  ଆପଣ ଯେଉଁ ବିଧାନ ସଭା  ନିର୍ବାଚନମଣ୍ଡଳୀରେ ସାଧାରଣଭାବେ  ବସବାସ କରୁଛନ୍ତି ସେହି ନିର୍ବାଚନମଣ୍ଡଳୀ ନିର୍ବାଚକ ପଞ୍ଜୀକରଣ ଅଧିକାରୀ / ସହାୟକ ନିର୍ବାଚକ ପଞ୍ଜୀକରଣ ଅଧିକାରୀଙ୍କ ନିକଟରେ  ନିର୍ଦ୍ଧାରିତ ଫର୍ମ-୬ ଯୋଗେ ଆବେଦନ କରିପାରିବେ। ଆବେଦନ ପତ୍ର ସହ ତତ୍ ସମୁଦାୟ କାଗଜତ୍ ନିର୍ବାଚକ ପଞ୍ଜୀକରଣ ଅଧିକାରୀ / ସହାୟକ ନିର୍ବାଚକ ପଞ୍ଜୀକରଣ ଅଧିକାରୀଙ୍କ ସମ୍ମୁଖରେ ଆବେଦନ କରିପାରିବେ କିମ୍ବା ଡାକ ଯୋଗେ ପ୍ରେରଣ କରିପାରିବେ କିମ୍ବା ସମ୍ପୃକ୍ତ ବୁଥ୍ ସ୍ତରୀୟ ଅଧିକୀରଙ୍କୁ ପ୍ରଦାନ କରିପାରିବେ।

୯. ଇଲେକ୍ଟୋରାଲ୍ ରୋଲରେ ପଞ୍ଜୀକରଣ ଉଦ୍ଦେଶ୍ୟରେ ବ୍ୟବହୃତ ବିଭିନ୍ନ ପ୍ରକାରର ଫର୍ମଗୁଡିକ କ’ଣ?

ଉତ୍ତର- ଫର୍ମ -୬: କେବଳ ନୂତନ  ନିର୍ବାଚକଙ୍କ ପଞ୍ଜିକରଣ ନିମନ୍ତେ।

ଫର୍ମ -୬କ : ଭୋଟର ତାଲିକାରେ ପ୍ରବାସୀ ଭାରତୀୟ ପଞ୍ଜିକରଣ ନିମନ୍ତେ।

ଫର୍ମ -୭:  ନିଜ ନାମକୁ ଭୋଟର ତାଲିକାରୁ ବାଦଦେବା କିମ୍ବା  ଭୋଟର ତାଲିକାରେ  କୌଣସି ନାମକୁ ପଞ୍ଜିକରଣ ନିମନ୍ତେ ଥିବା ପ୍ରସ୍ତାବକୁ ବିରୋଧ କରି ଦାବି ଉପସ୍ଥାପନା ନିମନ୍ତେ।

ଫର୍ମ -୮: i) ଏକ ନିର୍ବାଚନମଣ୍ଡଳୀ ମଧ୍ୟରେ କିମ୍ବା ଏକ ନିର୍ବାଚନମଣ୍ଡଳୀରୁ ଅନ୍ୟ ଏକ ନିର୍ବାଚନମଣ୍ଡଳୀକୁ ବାସସ୍ଥାନ ପରିବର୍ତ୍ତନ ଆବେଦନ ନିମନ୍ତେ।

  1. ii) ଚଳନ୍ତି ଭୋଟର ତାଲିକାରେ ଥିବା କୌଣସି ତଥ୍ୟର ସଂଶୋଧନ ନିମନ୍ତେ ।

iii) ଭୋଟର ପରିଚୟ ପତ୍ରର ପ୍ରତି ବଦଳ ନିମନ୍ତେ ।

  1. iv) ଭୋଟର ତାଲିକାରେ ଦିବ୍ୟାଙ୍ଗ ଭୋଟର ଭାବେଚିହ୍ନଟ ହେବା ନିମନ୍ତେ ।

୧୦. ଫର୍ମ-ସହିତ କେଉଁ କାଗଜତ୍ ଗୁଡିକ ସଂଲଗ୍ନ ହେବା ଆବଶ୍ୟକ?

ଉତ୍ତର – ଏକ ପାସପୋର୍ଟ ସାଇଜ ରଙ୍ଗୀନ ଫଟୋଗ୍ରାଫ୍ଫର୍ମ ୬ରେ ଉଦ୍ଦିଶ୍ଟ ବାକ୍ସରେ ଲଗାଇବେ ଏବଂ ବୟସ ସାଧାରଣ ଭାବେ ବାସସ୍ଥାନ ସମ୍ପର୍କିତ ଆବଶ୍ୟକୀୟ କାଗଜାତ ପ୍ରମାଣର  ଏକ ତାଲିକା ନିମ୍ନରେ ଦିଆଗଲା:

ଜନ୍ମର ତାରିଖର ପ୍ରମାଣ ନିମନ୍ତେ କାଗଜାତ୍:

କ) ଦକ୍ଷ ସ୍ଥାନୀୟ ସଂସ୍ଥା / ମ୍ୟୁନିସିପାଲିଟି ଅଥରିଟି / ରେଜିଷ୍ଟ୍ରାରଙ୍କ ଦ୍ୱାରା ଜନ୍ମ ପ୍ରମାଣପତ୍ର

ଖ) ଆଧାର କାର୍ଡ

ଗ) ପାନ୍ କାର୍ଡ

ଘ) ଡ୍ରାଇଭିଂ ଲାଇସେନ୍ସ

ଇ) CBSE / ICSE / ରାଜ୍ୟ / ଶିକ୍ଷା ବୋର୍ଡ ଦ୍ୱାରା ଜାରି କରାଯାଇଥିବା ଦଶମଶ୍ରେଣୀ କିମ୍ବା ଦ୍ୱାଦଶ ଶ୍ରେଣୀର ପ୍ରମାଣପତ୍ର, ଯଦି ଏଥିରେ ଜନ୍ମ ତାରିଖ ଥାଏ।

ଚ) ଭାରତୀୟ ପାସପୋର୍ଟ

ବାସସ୍ଥାନର ପ୍ରମାଣ ପାଇଁ ମୂଳ କାଗଜତ୍:

କ) ସେହି ଠିକଣା ପାଇଁ ଜଳ / ବିଦ୍ୟୁତ୍ / ଗ୍ୟାସ୍ ସଂଯୋଗ ବିଲ୍ (ସର୍ବନିମ୍ନ ୧ ବର୍ଷ)

ଖ) ଆଧାର କାର୍ଡ।

ଗ) ଜାତୀୟକରଣ / ଅନୁସୂଚିତ ବ୍ୟାଙ୍କ / ଡାକ କାର୍ଯ୍ୟାଳୟର ସାମ୍ପ୍ରତିକ ପାସବୁକ୍

ଘ) ଭାରତୀୟ ପାସପୋର୍ଟ ।

ଇ) କିସାନବାହି ସହିତ ରାଜସ୍ୱ ବିଭାଗର ଜମି ମାଲିକାନା ରେକର୍ଡ।

ଚ) ପଞ୍ଜୀକୃତ ଭଡା ଲିଜ୍ ଡିଡ୍ (ଭଡା କ୍ଷେତ୍ରରେ)

ଛ) ପଞ୍ଜୀକୃତ ସେଲ୍ ଡିଡ୍ (ନିଜ ଘର କ୍ଷେତ୍ରରେ)

୧୧. ମୁଁ କିପରି ନିଜକୁ ଦିବ୍ୟାଙ୍ଗ ଚୟନକର୍ତ୍ତା ଭାବରେ ପଞ୍ଜିକୃତ କରିପାରିବି?

ଉତ୍ତର – ଭୋଟର ତାଲିକାରେ ନିଜକୁ ଦିବ୍ୟାଙ୍ଗ  ଭୋଟର ଭାବେ ପଞ୍ଜିକୃତ କରିବା ପାଇଁ ଆପଣ ଫର୍ମ-୮ ରେ ଆବେଦନ କରିପାରିବେ।

୧୨. ଯଦି ଜଣେ ଆବେଦନକାରୀ ଫର୍ମ – ୬/S  ସହିତ କୌଣସି ଅକ୍ଷମକା ପ୍ରମାଣପତ୍ର  ପ୍ରଦାନ ନ କରନ୍ତି, ତେବେ ତାଙ୍କୁ ଦିବ୍ୟାଙ୍ଗ ଚୟନକର୍ମତ୍ତା ଭାବରେ ଚିହ୍ନିତ କରାଯାଇପାରିବ କି?

ଉତ୍ତର- ହଁ, ସେ ଫର୍ମ-୮ରେ ତାଙ୍କର ଆବେଦନ ଦାଖଲ କରିପାରିବେ ।ପ୍ରମାଣ  ପତ୍ର ପ୍ରଦାନ ବାଧ୍ୟତାମୂଳକ ନୁହେଁ।

୧୩. ଜଣେ ଆବେଦନକାରୀ କେମିତି ଜାଣିବେ ଯେ, ତାଙ୍କର ନାମ ଭୋଟର ତାଲିକାରେ ସଂଯୋଗ ହୋଇଛି କି?

ଉତ୍ତର- ଫର୍ମ-୬ରେ ଦିଆଯାଇଥିବା ଠିକଣାରେ ଆବେଦନ ଉପରେ ନିର୍ବାଚନ ପଞ୍ଜିକରଣ ଅଧିକାରୀଙ୍କ ନିଷ୍ପତି ଡାକ ଯୋଗେ ଜଣାଇ ଦିଆଯିବ  ଏବଂ ଏହା ଫର୍ମ-୬ରେ  ପ୍ରଦତ୍ତ ମୋବାଇଲ ନମ୍ବରରେ SMS ଯୋଗେ ଜଣାଇ ଦିଆଯିବ। ଭୋଟର ତାଲିକା ମୁଖ୍ୟ ନିର୍ବାଚନ ଅଧିକାରୀ, ଓଡିଶାଙ୍କ ଓ୍ୱେବସାଇଟରେ ମଧ୍ୟ ଉପଲବ୍ଧ ଯାହା ଯେ କୌଣସି ବ୍ୟକ୍ତି ଦେଖିପାରିବେ।

୧୪. ଭୋଟର ତାଲିକାରେ ଥିବା କୌଣସି ଭୋଟରଙ୍କ ତଥ୍ୟଜନିତ ତୃଟିକୁ କେମିତି ସଠିକ୍ କରାଯାଇ ପାରିବ?

ଉତ୍ତର- ଭୋଟର ତାଲିକାରେ ଥିବା  ତଥ୍ୟଜନିତ ତୃଟିକୁ ସୁଧାରିବା ପାଇଁ ସମ୍ପୃକ୍ତ  ଭୋଟର ଫର୍ମ-୮ ଯୋଗେ ତାଙ୍କର ନିର୍ବାଚନ ପଞ୍ଜିକରଣ  ଅଧିକାରୀଙ୍କ ନିକଟରେ ଆବେଦନ କରିପାରିବେ।

୧୫. ଭୋଟର ତାଲିକାର ଯେଉଁ ଅଂଶରେ ମୋର ନାମ ପଞ୍ଜିକୃତ ହୋଇଛି ସେ ସ୍ଥାନରୁ ମୁଁ ମୋର ବାସସ୍ଥାନକୁ ଅନ୍ୟତ୍ର ସ୍ଥାନାନ୍ତରିତ କରିଛି। ମୁଁ କେମିତି ନିଶ୍ଚିତ ହେବି ଯେ, ମୋର ନାମ ବାସସ୍ଥାନର ନୂତନ ଠିକଣାରେ  ପଞ୍ଜିକୃତ ହୋଇଛି ?

ଉତ୍ତର- ଯଦି ନୂତନ ବାସସ୍ଥାନ ସାମାନ ନିର୍ବାଚନମଣ୍ଡଳୀରେ କିମ୍ବା ଅନ୍ୟ କୌଣସି ନିର୍ବାଚନମଣ୍ଡଳୀରେ ଅଛି, ଦୟାକରି ଫର୍ମ-୮ ପୂରଣ କରନ୍ତୁ ଏବଂ ଆପଣଙ୍କ ନୂତନ ବାସସ୍ଥାନର ନିର୍ବାଚନ ପଞ୍ଜିକଣ ଅଧିକାରୀ / ସହକାରୀ ନିର୍ବାଚନ ପଞ୍ଜିକଣ ଅଧିକାରୀଙ୍କ ନିକଟରେ ଦାଖଲ କରନ୍ତୁ ।

୧୬. ମୁଁ ଏବେ ମୋ ବାସସ୍ଥାନକୁ ନୂତନ ଠିକଣାକୁ ପରିବର୍ତ୍ତନ କରିଛି। ପୂରୁଣା ଠିକଣା ଅନୁଯାୟୀ ଭୋଟର ପରିଚୟ  ପତ୍ର ମୋ ପାଖରେ ଉପଲବ୍ଧ। ମୁଁ କଣ ମୋର ବର୍ତ୍ତମାନ ଠିକଣାରେ ଏକ ନୂତନ ଭୋଟର ପରିଚୟ  ପତ୍ର ପାଇ ପାରିବି ?

ଉତ୍ତର- ସର୍ବପ୍ରଥମେ, ଆପଣଙ୍କୁ ନିଶ୍ଚିତ କରିବାକୁ ପଡିବ ଯେ ଆପଣଙ୍କର ନୁତନ ଠିକଣା ଅବସ୍ଥିତ ସଂମ୍ପୃକ୍ତ ବିଧାନସଭା ନିର୍ବାଚନମଣ୍ଡଳୀରେ ଆପଣଙ୍କ ନାମ ପଞ୍ଜିକୃତ ହୋଇଛି । ଯଦି ଆପଣ ଭୋଟର ପରିଚୟ ପତ୍ରରେ ଠିକଣା ପରିବର୍ତ୍ତନ କରିବାକୁ ଚାହୁଁଛନ୍ତି, ତାହା ନୂତନ ନିର୍ବାଚନମଣ୍ଡଳୀରେ ନିର୍ବାଚନ ପଞ୍ଜିକରଣ ଅଧିକାରୀଙ୍କ ନିକଟରେ ଏକ ଆବେଦନ କରିପାରିବେ । ନିର୍ବାଚନ ପଞ୍ଜିକରଣ ଅଧିକାରୀ ନୂତନ ଠିକଣା ସହିତ ଏକ ଭୋଟର ପରିଚୟ  ପତ୍ର ଜାରି କରିବେ ଯଦିଓ ଭୋଟର ପରିଚୟ ପତ୍ର ସଂଖ୍ୟା ପୁରୁଣା ଭୋଟର ପରିଚୟ ପତ୍ର ସହିତ ସମାନ ହେବ।

୧୭. ମୋର ଭୋଟର ପରିଚୟ  ପତ୍ର ରେ ତ୍ରୁଟି ଅଛି । ସଠିକ୍ ତଥ୍ୟ ସହିତ ଏକ ନୂତନ ଭୋଟର ପରିଚୟ  ପତ୍ର ପାଇବା ପାଇଁ ପ୍ରକ୍ରିୟା କଣ?

ଉତ୍ତର- ନିଜର ଭୋଟର ପରିଚୟ  ପତ୍ରରେ ତୃଟି ସଂଶୋଧନ  ପାଇଁ ଆପଣ ଫର୍ମ-୮ ରେ ଆବେଦନ କରିପାରିବେ। ନିର୍ବାଚନ ପଞ୍ଜିକରଣ ଅଧିକାରୀ  ଆବଶ୍ୟକୀୟ ସଂଶୋଧନ କରିବା ପରେ ସମାନ ସଂଖ୍ୟା ସହିତ ଏକ ନୂତନ  ଭୋଟର ପରିଚୟ  ପତ୍ର ଜାରି କରିବେ।

୧୮. ମୁଁ ମୋର ପୁରୁଣା ପରିଚୟ ପତ୍ର ହରାଇଛି। ମୁଁ କିପରି ଏକ ନୂତନ ପରିଚୟ ପତ୍ର ପାଇବି?

ଉତ୍ତର-ଚୟନକର୍ତ୍ତାଙ୍କଠାରୁ ଫର୍ମ-୮ ରେ ଆବେଦନ ପାଇବା ପରେ ଦୋହରା ଭୋଟର ପରିଚୟ ପତ୍ର ଜାରି କରାଯାଇପାରିବ ।

୧୯. ମୋ ନାମ ପଞ୍ଜିକରଣ କରିବାପରେ ମୁଁ କିପରି ମୋର ଭୋଟର ପରିଚୟ ପତ୍ର ପାଇ ପାରିବି?

ଉତ୍ତର- ବର୍ତ୍ତମାନ ସମସ୍ତ ଭୋଟର ପରିଚୟ ପତ୍ର ଡାକ ବିଭାଗ ଜରିୟାରେ ସ୍ପିଡି ପୋଷ୍ଟ ମାଧ୍ୟମରେ ଭୋଟରମାନଙ୍କୁ ପ୍ରଦାନ କରାଯାଇଛି । ଏଥି ପାଇଁ ଆପଣଙ୍କୁ ପରାମର୍ଶ ଦିଆଯଉଛି ଯେ, ଆପଣ ଫର୍ମ-୬ କିମ୍ବା ଫର୍ମ-୮ ଯୋଗେ ଆବେଦନ କଲା ବେଳେ ପୋଷ୍ଟାଲ ପିନ୍ କୋଡ୍ ସହ ସମ୍ପୂର୍ଣ୍ଣ ଠିକଣା ଉଲ୍ଲେଖ କରନ୍ତୁ । ଏଥି ସହ ମୋବାଇଲ ନମ୍ବର ମଧ୍ୟ ଉଲ୍ଲେଖ କରନ୍ତୁ।

୨୦. ସାଧାରଣ ପରାମର୍ଶ

ଭୋଟର ତାଲିକାରେ ଉଲ୍ଳେଖିତ ତଥ୍ୟ ଜନିତ ସତ୍ୟତା ପାଇଁ ସମସ୍ତ ଭୋଟର ବନ୍ଧୁ ଚଠା ଭୋଟର ତାଲିକାରେ ପ୍ରକାଶନ ସମୟରେ ନିଜ ନିଜ ନାମକୁ ଜାଞ୍ଚ କରି ନେବା ଉଚିତ । ଯଦି ଭୋଟର ତାଲିକାରେ ଆପଣଙ୍କ ନାମ ନାହିଁ ତେବେ ପଞ୍ଜିକରଣ ପାଇଁ ଫର୍ମ-୬ରେ ଏବଂ ତଥ୍ୟ ଜନିତ ତୃଟିର ସୁଧାର ପାଇଁ ଫର୍ମ-୮ ରେ ଆବେଦନ କରନ୍ତୁ । ପ୍ରତିବର୍ଷ ଭୋଟର ତାଲିକା ସଂଶୋଧନ ପୂର୍ବରୁ ଚିଠା ଭୋଟର ତାଲିକାର ପ୍ରକାଶନ ହୋଇଥାଏ  ଏବଂ ଏହା ମୂଖ୍ୟ ନିର୍ବାଚନ ଅଧିକରୀ ଓଡିଶାଙ୍କ ଓ୍ୱେବସାଇଟ୍ www.ceoorissa.nic.in ରେ ଉପଲବ୍ଧ ହୋଇଥାଏ।

୨୧. ଆଧାର ବିବରଣୀକୁ କିପରି ଲିଙ୍କ କରିବେ?

ଉତ୍ତର-ଭୋଟର ପରିଚୟ ପତ୍ର ସହିତ ଆଧାର ବିବରଣୀକୁ ଲିଙ୍କ କରିବାକୁ, ଭୋଟର ହେଲ୍ପଲାଇନ ଆପ୍ କିମ୍ବା www.nvsp.in ପୋର୍ଟାଲ ମାଧ୍ୟମରେ ଫର୍ମ-୬ବି ଦାଖଲ କରିବାକୁ ପଡିବ କିମ୍ବା ମୂଦ୍ରିତ ଫର୍ମ-୬ବି କୁ ପୂରଣ କରି ନିଜର ବୁଥ ସ୍ତରୀୟ ଅଧିକାରୀଙ୍କ ନିକଟରେ ଦାଖଲ କରିବାକୁ ପଡିବ।

୨୨. ନିର୍ବାଚନ ତାଲିକାରେ ଥିବା ଏଣ୍ଟ୍ରିଗୁଡିକ କିପରି ଯାଞ୍ଚ କରିବେ?

ଉତ୍ତର- ଭୋଟର ତାଲିକାରେ ଥିବା ଏଣ୍ଟ୍ରିଗୁଡିକୁ ତଦାରଖ କରିବାକୁ www.nvsp.in ପୋର୍ଟାଲ ପରିଦର୍ଶନ କରିପାରିବେ କିମ୍ବା ଭୋଟର ହେଲ୍ପଲାଇନ ଆପ୍ ଖୋଲିପାରିବେ ଏବଂ “ସର୍ଚ୍ଚ ଇନ୍ ଇଲେକ୍ଟୋରାଲ ରୋଲ୍” ଉପରେ କ୍ଲିକ୍ କରି ଦେଖି ପାରିବେ ।