Tag: ଆକ୍ରମଣ ଘଟଣା

ଲକ୍ଷ୍ନୌ: ଉତ୍ତରପ୍ରଦେଶର ଫାଜିଲନଗର ବିଧାନସଭା ନିର୍ବାଚନମଣ୍ଡଳୀରୁ ସମାଜବାଦୀ ପାର୍ଟିର ପ୍ରାର୍ଥୀ ସ୍ୱାମୀ ପ୍ରସାଦ ମୌର୍ଯ୍ୟଙ୍କୁ ଆକ୍ରମଣ ଅଭିଯୋଗ ହୋଇଛି। ଏହି ଘଟଣା ପରେ ପିତାଙ୍କ ସମର୍ଥନରେ ବିଜେପି ସାଂସଦ ତଥା ସ୍ୱାମୀ ପ୍ରସାଦ ମୌର୍ଯ୍ୟଙ୍କ ଝିଅ ସଂଘମିତ୍ରା ମୌର୍ଯ୍ୟ ଏକ ବଡ ଭିଯୋଗ ଅଭିଯୋଗ ଆଣିଛନ୍ତି।

ତାଙ୍କ ପିତାଙ୍କ ସମର୍ଥନରେ ବିଜେପି ସାଂସଦ ତଥା ସ୍ୱାମୀ ପ୍ରସାଦ ମୌର୍ଯ୍ୟଙ୍କ ଝିଅ ସଂଘମିତ୍ରା ମୌର୍ଯ୍ୟ ବାହାରକୁ ଆସିଥିଲେ। ସେ କହିଛନ୍ତି, “ବିଜେପି ଶାନ୍ତି, ଦଙ୍ଗା ମୁକ୍ତ ରାଜ୍ୟ ବିଷୟରେ କଥାବାର୍ତ୍ତା କରେ, କିନ୍ତୁ ବିଜେପି ପ୍ରାର୍ଥୀ ମୋ ବାପାଙ୍କ ଉପରେ ଆକ୍ରମଣ କରିଥିଲେ। ମୁଁ ମୋ ବାପାଙ୍କୁ ଭୋଟ୍ ଦେଇ ସମର୍ଥନ ଜଣାଇବାକୁ ଫାଜିଲନଗରବାସୀଙ୍କୁ ନିବେଦନ କରୁଛି। ଲୋକମାନେ ମାର୍ଚ୍ଚ ୩ ତାରିଖରେ ବିଜେପିକୁ ଏକ ଶିକ୍ଷା ଦେବେ।

କାରଗୁଡିକ କିପରି କ୍ଷତିଗ୍ରସ୍ତ ହୋଇଛି ଏବଂ ଲୋକମାନେ ଆହତ ହୋଇଛନ୍ତି ତାହା ଦେଖିବାକୁ ମିଳିବ ବୋଲି ସେ କହିଛନ୍ତି। ଯେତେବେଳେ ମୁଁ ମୋ ବାପାଙ୍କୁ ଭେଟିବାକୁ ଯାଉଥିଲି, ବିଜେପି କର୍ମୀମାନେ ମୋର ଗାଡି ଚାରିପଟେ ଘେରି ରହିଥିଲେ।

ମଙ୍ଗଳବାର ଦିନ ପୂର୍ବତନ କ୍ୟାବିନେଟ ମନ୍ତ୍ରୀ ସ୍ଵାମୀ ପ୍ରସାଦ ମୌର୍ଯ୍ୟ ଦାବି କରିଥିଲେ ଯେ, ତାଙ୍କ ରୋଡ୍ ସୋ ସମୟରେ ଆକ୍ରମଣ କରାଯାଇଥିଲା ଏବଂ ଗାଡିଟି ନଷ୍ଟ ହୋଇଯାଇଥିଲା। ଏହି ଆକ୍ରମଣର ସୂଚନା ପରେ ସମାଜବାଦୀ ପାର୍ଟିର ରାଷ୍ଟ୍ରୀୟ ସଭାପତି ଅଖିଳେଶ ଯାଦବ ମଧ୍ୟ ପ୍ରତିକ୍ରିୟା ରଖିଛନ୍ତି।

ସେ କହିଛନ୍ତି ଯେ, “ସ୍ଵାମୀ ପ୍ରସାଦ ମୌର୍ଯ୍ୟଙ୍କ ଉପରେ ହୋଇଥିବା ଆକ୍ରମଣ ହାରୁଥିବା ଲୋକଙ୍କର ଅତ୍ୟନ୍ତ ନିନ୍ଦନୀୟ କାର୍ଯ୍ୟ। ଏହି ଆକ୍ରମଣ ଏସପି-ମେଣ୍ଟର ପ୍ରତ୍ୟେକ ଦଳର କର୍ମୀ ଏବଂ ସେମାନଙ୍କ ନେତାଙ୍କ ଉପରେ ଆକ୍ରମଣ ଭଳି। ମିଳିତ ଭାବେ ଏହାର ଉତ୍ତର ମିଳିବ। ଅବଶିଷ୍ଟ ଦୁଇଟି ପର୍ଯ୍ୟାୟ ବିଜେପିକୁ ଶୂନ ମିଳିବ। ଏହି ସରକାରଙ୍କ ଠାରୁ କୌଣସି କାର୍ଯ୍ୟାନୁଷ୍ଠାନ ଆଶା କରିବା ଅର୍ଥହୀନ।

ନୂଆଦିଲ୍ଲୀ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପରେ ହୋଇଥିବା ଆକ୍ରମଣ ଘଟଣା ଏବେ ସୁପ୍ରିମକୋର୍ଟରେ ପହଞ୍ଚିଛି। ଏହି ମାମଲାର ସିବିଆଇ ତଦନ୍ତ କରିବା ପାଇଁ ସୁପ୍ରିମକୋର୍ଟରେ ଆବେଦନ କରାଯାଇଛି। ତେବେ ଏହି ମାମଲା ଆଜି ସୁପ୍ରିମକୋର୍ଟର ପ୍ରଧାନ ବିଚାରପତି ଏସଏ ବୋବଡେଙ୍କ ନେତୃତ୍ବରେ ଶୁଣାଣି କରାଯିବ।

ଉଲ୍ଲେଖଯୋଗ୍ୟ ଯେ, ମାର୍ଚ୍ଚ ୧୦ ତାରିଖ ଦିନ ମମତା ବାନାର୍ଜୀ ନନ୍ଦୀଗ୍ରାମରେ ଆହତ ହୋଇଥିଲେ। ଟିଏମସି ପକ୍ଷରୁ ବିଜେପି ଆକ୍ରମଣ କରିଥିବା ନେଇ ସେହି ସମୟରେ ଅଭିଯୋଗ ହୋଇଥିଲା। ତିନି ଜଣ ଆଇନଜୀବୀ ଏହି ମାମଲାର ସିବିଆଇ ତଦନ୍ତ କରିବା ପାଇଁ ସୁପ୍ରିମକୋର୍ଟରେ ଯାଚିକା ଦାଖଲ କରିଥିଲେ। ଦେଶରେ ସ୍ଵତନ୍ତ୍ର, ନିରପକ୍ଷ ଏବଂ ପାରଦର୍ଶୀ ନିର୍ବାଚନ କରିବା ତଥା ଭବିଷ୍ୟତରେ ଏଭଳି ଘଟଣାର ଯାଞ୍ଚ ପାଇଁ ମାର୍ଗଦର୍ଶିକା ତିଆରି କରିବା ପାଇଁ ଏହି ଯାଚିକାରେ ସେମାନେ ଉଲ୍ଲେଖ କରିଛନ୍ତି। ଯାହା ନିର୍ବାଚନ ପ୍ରକ୍ରିୟାକୁ ପ୍ରଭାବିତ କରିବ ନାହିଁ।

କଲିକତା: ପଶ୍ଚିମବଙ୍ଗର ନନ୍ଦୀଗ୍ରାମରେ ନିର୍ବାଚନ ପ୍ରଚାର ସମୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଆହତ ହୋଇଥିଲେ। ମମତାଙ୍କ ଗୋଡରେ ଆଘାତ ଲାଗିଥିଲା, ଯାହାଦ୍ୱାରା ତାଙ୍କୁ ଚିକିତ୍ସା ପାଇଁ କଲିକତା ପଠାଯାଇଥିଲା। ସେଥିପାଇଁ ମମତାଙ୍କ ସବୁ କାର୍ଯ୍ୟକ୍ରମକୁ ସ୍ଥଗିତ କରାଯାଇଛି। କେତେଜଣ ଲୋକ ତାଙ୍କ ଉପରକୁ ଆକ୍ରମଣ କରିଥିଲେ ବୋଲି ଦିଦି ଅଭିଯୋଗ କରିଛନ୍ତି। ତାଙ୍କ ଅଭିଯୋଗ ଅନୁଯାୟୀ, ଦିଦିଙ୍କୁ କିଛି ଲୋକ ଧକ୍କା ଦେଇଥିଲେ ଏବଂ ପୁଣି ବଳପୂର୍ବକ ତାଙ୍କ କାରର କବାଟ ବନ୍ଦ କରିବାକୁ ଚେଷ୍ଟା କରିଥିଲେ।

କିନ୍ତୁ ଘଟଣାସ୍ଥଳରେ ଥିବା କିଛି ଲୋକଙ୍କ କହିବା ଅନୁଯାୟୀ, ମମତାଙ୍କ କାର ସାମ୍ନାରେ ତାଙ୍କୁ ଦେଖିବା ପାଇଁ ଧୀରେ ଧୀରେ ଲୋକଙ୍କ ଭିଡ ବଢିବାରେ ଲାଗିଥିଲା। ଅଧିକ ଭିଡ ଯୋଗୁଁ ମମତା ବାନାର୍ଜୀଙ୍କ ଗୋଡ କାରର କବାଟରେ ଫସି ଯାଇଥିଲା। ଯାହାଫଳରେ ତାଙ୍କ ଗୋଡରେ ଆଘାତ ଲାଗିଥିଲା।

ତେବେ ଏହି ଘଟଣାରେ ନିର୍ବାଚନ କମିଶନର ପୋଲିସଠାରୁ ଉତ୍ତର ମାଗିଛନ୍ତି। ଏହାର ତଦନ୍ତ କରି ଆସନ୍ତାକାଲି ସନ୍ଧ୍ୟା ୫ ଟା ସୁଦ୍ଧା ରିପୋର୍ଟ ଦେବା ପାଇଁ ନିର୍ବାଚନ କମିଶନର ନିର୍ଦ୍ଦେଶ ଦେଇଛନ୍ତି।